Diodorus Siculus, Bibliotheca Historica, book 2, chapter 60

(디오도로스 시켈로스, Bibliotheca Historica, book 2, chapter 60)

ἑπτὰ δ’ ἔτη μείναντασ παρ’ αὐτοῖσ τοὺσ περὶ τὸν Ιἀμβοῦλον ἐκβληθῆναι ἄκοντασ, ὡσ κακούργουσ καὶ πονηροῖσ ἐθισμοῖσ συντεθραμμένουσ. πάλιν οὖν τὸ πλοιάριον κατασκευάσαντασ συναναγκασθῆναι τὸν χωρισμὸν ποιήσασθαι, καὶ τροφὴν ἐνθεμένουσ πλεῦσαι πλέον ἢ τέτταρασ μῆνασ· ἐκπεσεῖν δὲ κατὰ τὴν Ἰνδικὴν εἰσ ἅμμουσ καὶ τεναγώδεισ τόπουσ· καὶ τὸν μὲν ἕτερον αὐτῶν ὑπὸ τοῦ κλύδωνοσ διαφθαρῆναι, τὸν δὲ Ιἀμβοῦλον πρόσ τινα κώμην προσενεχθέντα ὑπὸ τῶν ἐγχωρίων ἀναχθῆναι πρὸσ τὸν βασιλέα εἰσ πόλιν Παλίβοθρα, πολλῶν ἡμερῶν ὁδὸν ἀπέχουσαν τῆσ θαλάττησ.

ὄντοσ δὲ φιλέλληνοσ τοῦ βασιλέωσ καὶ παιδείασ ἀντεχομένου, μεγάλησ αὐτὸν ἀποδοχῆσ καταξιῶσαι·

τὸ δὲ τελευταῖον μετά τινοσ ἀσφαλείασ τὸ μὲν πρῶτον εἰσ τὴν Περσίδα διελθεῖν, ὕστερον δὲ εἰσ τὴν Ἑλλάδα διασωθῆναι. ὁ δὲ Ιἀμβοῦλοσ ταῦτά τε ἀναγραφῆσ ἠξίωσε καὶ περὶ τῶν κατὰ τὴν Ἰνδικὴν οὐκ ὀλίγα συνετάξατο τῶν ἀγνοουμένων παρὰ τοῖσ ἄλλοισ.

ἡμεῖσ δὲ τὴν ἐν ἀρχῇ τῆσ βίβλου γεγενημένην ἐπαγγελίαν τετελεκότεσ αὐτοῦ περιγράψομεν τήνδε τὴν βίβλον.

일치하는 문장이 없습니다.

SEARCH

MENU NAVIGATION