헬라어 문장 검색 - Διοδορ́Βιβλιοτ́2́31́

(디오도로스 시켈로스, Bibliotheca Historica, book 2, chapter 30)

οἱ δ’ οὖν Χαλδαῖοι τὴν μὲν τοῦ κόσμου φύσιν ἀίδιόν φασιν εἶναι καὶ μήτε ἐξ ἀρχῆσ γένεσιν ἐσχηκέναι μήθ’ ὕστερον φθορὰν ἐπιδέξεσθαι, τὴν δὲ τῶν ὅλων τάξιν τε καὶ διακόσμησιν θείᾳ τινὶ προνοίᾳ γεγονέναι, καὶ νῦν ἕκαστα τῶν ἐν οὐρανῷ γινομένων οὐχ ὡσ ἔτυχεν οὐδ’ αὐτομάτωσ ἀλλ’ ὡρισμένῃ τινὶ καὶ βεβαίωσ κεκυρωμένῃ θεῶν κρίσει συντελεῖσθαι. τῶν δ’ ἄστρων πολυχρονίουσ παρατηρήσεισ πεποιημένοι, καὶ τὰσ ἑκάστου κινήσεισ τε καὶ δυνάμεισ ἀκριβέστατα πάντων ἀνθρώπων ἐπεγνωκότεσ, πολλὰ τῶν μελλόντων συμβαίνειν προλέγουσι τοῖσ ἀνθρώποισ.

μεγίστην δέ φασιν εἶναι θεωρίαν καὶ δύναμιν περὶ τοὺσ πέντε ἀστέρασ τοὺσ πλάνητασ καλουμένουσ, οὓσ ἐκεῖνοι κοινῇ μὲν ἑρμηνεῖσ ὀνομάζουσιν, ἰδίᾳ δὲ τὸν ὑπὸ τῶν Ἑλλήνων Κρόνον ὀνομαζόμενον, ἐπιφανέστατον δὲ καὶ πλεῖστα καὶ μέγιστα προσημαίνοντα, καλοῦσιν ἡλίου·

τοὺσ δ’ ἄλλουσ τέτταρασ ὁμοίωσ τοῖσ παρ’ ἡμῖν ἀστρολόγοισ ὀνομάζουσιν, Ἄρεοσ, Ἀφροδίτησ, Ἑρμοῦ, Διόσ. διὰ τοῦτο δ’ αὐτοὺσ ἑρμηνεῖσ καλοῦσιν, ὅτι τῶν ἄλλων ἀστέρων ἀπλανῶν ὄντων καὶ τεταγμένῃ πορείᾳ μίαν περιφορὰν ἐχόντων οὗτοι μόνοι πορείαν ἰδίαν ποιούμενοι τὰ μέλλοντα γίνεσθαι δεικνύουσιν, ἑρμηνεύοντεσ τοῖσ ἀνθρώποισ τὴν τῶν θεῶν ἔννοιαν. τὰ μὲν γὰρ διὰ τῆσ ἀνατολῆσ, τὰ δὲ διὰ τῆσ δύσεωσ, τινὰ δὲ διὰ τῆσ χρόασ προσημαίνειν φασὶν αὐτοὺσ τοῖσ προσέχειν ἀκριβῶσ βουληθεῖσι·

ποτὲ μὲν γὰρ πνευμάτων μεγέθη δηλοῦν αὐτούσ, ποτὲ δὲ ὄμβρων ἢ καυμάτων ὑπερβολάσ, ἔστι δὲ ὅτε κομητῶν ἀστέρων ἐπιτολάσ, ἔτι δὲ ἡλίου τε καὶ σελήνησ ἐκλείψεισ, καὶ σεισμούσ, καὶ τὸ σύνολον πάσασ τὰσ ἐκ τοῦ περιέχοντοσ γεννωμένασ περιστάσεισ ὠφελίμουσ τε καὶ βλαβερὰσ οὐ μόνον ἔθνεσιν ἢ τόποισ, ἀλλὰ καὶ βασιλεῦσι καὶ τοῖσ τυχοῦσιν ἰδιώταισ.

ὑπὸ δὲ τὴν τούτων φορὰν λέγουσι τετάχθαι τριάκοντα ἀστέρασ, οὓσ προσαγορεύουσι βουλαίουσ θεούσ·

τούτων δὲ τοὺσ μὲν ἡμίσεισ τοὺσ ὑπὲρ γῆν τόπουσ ἐφορᾶν, τοὺσ δ’ ἡμίσεισ τοὺσ ὑπὸ τὴν γῆν, τὰ κατ’ ἀνθρώπουσ ἐπισκοποῦντασ ἅμα καὶ τὰ κατὰ τὸν οὐρανὸν συμβαίνοντα· διὰ δ’ ἡμερῶν δέκα πέμπεσθαι τῶν μὲν ἄνω πρὸσ τοὺσ κάτω καθάπερ ἄγγελον ἕνα τῶν ἀστέρων, τῶν δ’ ὑπὸ γῆν πρὸσ τοὺσ ἄνω πάλιν ὁμοίωσ ἕνα, καὶ ταύτην ἔχειν αὐτοὺσ φορὰν ὡρισμένην καὶ περιόδῳ κεκυρωμένην αἰωνίῳ. τῶν θεῶν δὲ τούτων κυρίουσ εἶναί φασι δώδεκα τὸν ἀριθμόν, ὧν ἑκάστῳ μῆνα καὶ τῶν δώδεκα λεγομένων ζῳδίων ἓν προσνέμουσι.

διὰ δὲ τούτων φασὶ ποιεῖσθαι τὴν πορείαν τόν τε ἥλιον καὶ τὴν σελήνην καὶ πέντε τοὺσ πλάνητασ ἀστέρασ, τοῦ μὲν ἡλίου τὸν ἴδιον κύκλον ἐν ἐνιαυτῷ τελοῦντοσ, τῆσ δὲ σελήνησ ἐν μηνὶ τὴν ἰδίαν περίοδον διαπορευομένησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 30

(디오도로스 시켈로스, Bibliotheca Historica, book 2, chapter 30)

상위

목록

SEARCH

MENU NAVIGATION