헬라어 문장 검색 - Διοδορ́Βιβλιοτ́2́39́

(디오도로스 시켈로스, Bibliotheca Historica, book 2, chapter 38)

τὴν δ’ ὅλην Ἰνδικὴν οὖσαν ὑπερμεγέθη λέγεται κατοικεῖν ἔθνη πολλὰ καὶ παντοδαπά, καὶ τούτων μηδὲν ἔχειν τὴν ἐξ ἀρχῆσ γένεσιν ἔπηλυν, ἀλλὰ πάντα δοκεῖν ὑπάρχειν αὐτόχθονα, πρὸσ δὲ τούτοισ μήτε ξενικὴν ἀποικίαν προσδέχεσθαι πώποτε μήτ’ εἰσ ἀλλοεθνεῖσ ἀπεσταλκέναι. μυθολογοῦσι δὲ τοὺσ ἀρχαιοτάτουσ ἀνθρώπουσ τροφαῖσ μὲν κεχρῆσθαι τοῖσ αὐτομάτωσ φυομένοισ ἐκ τῆσ γῆσ καρποῖσ, ἐσθῆσι δὲ ταῖσ δοραῖσ τῶν ἐγχωρίων ζῴων, καθάπερ καὶ παρ’ Ἕλλησιν.

ὁμοίωσ δὲ καὶ τῶν τεχνῶν τὰσ εὑρέσεισ καὶ τῶν ἄλλων τῶν πρὸσ βίον χρησίμων ἐκ τοῦ κατ’ ὀλίγον γενέσθαι, τῆσ χρείασ αὐτῆσ ὑφηγουμένησ εὐφυεῖ ζῴῳ καὶ συνεργοὺσ ἔχοντι πρὸσ ἅπαντα χεῖρασ καὶ λόγον καὶ ψυχῆσ ἀγχίνοιαν. μυθολογοῦσι δὲ παρὰ τοῖσ Ἰνδοῖσ οἱ λογιώτατοι, περὶ οὗ καθῆκον ἂν εἰή συντόμωσ διελθεῖν.

φασὶ γὰρ ἐν τοῖσ ἀρχαιοτάτοισ χρόνοισ, παρ’ αὐτοῖσ ἔτι τῶν ἀνθρώπων κωμηδὸν οἰκούντων, παραγενέσθαι τὸν Διόνυσον ἐκ τῶν πρὸσ ἑσπέραν τόπων ἔχοντα δύναμιν ἀξιόλογον· ἐπελθεῖν δὲ τὴν Ἰνδικὴν ἅπασαν, μηδεμιᾶσ οὔσησ ἀξιολόγου πόλεωσ δυναμένησ ἀντιτάξασθαι. ἐπιγενομένων δὲ καυμάτων μεγάλων, καὶ τῶν τοῦ Διονύσου στρατιωτῶν λοιμικῇ νόσῳ διαφθειρομένων, συνέσει διαφέροντα τὸν ἡγεμόνα τοῦτον ἀπαγαγεῖν τὸ στρατόπεδον ἐκ τῶν πεδινῶν τόπων εἰσ τὴν ὀρεινήν·

ἐν ταύτῃ δὲ πνεόντων ψυχρῶν ἀνέμων καὶ τῶν ναματιαίων ὑδάτων καθαρῶν ῥεόντων πρὸσ αὐταῖσ ταῖσ πηγαῖσ, ἀπαλλαγῆναι τῆσ νόσου τὸ στρατόπεδον. ὀνομάζεσθαι δὲ τῆσ ὀρεινῆσ τὸν τόπον τοῦτον Μηρόν, καθ’ ὃν ὁ Διόνυσοσ ἐξέτρεψε τὰσ δυνάμεισ ἐκ τῆσ νόσου· ἀφ’ οὗ δὴ καὶ τοὺσ Ἕλληνασ περὶ τοῦ θεοῦ τούτου παραδεδωκέναι τοῖσ μεταγενεστέροισ τεθράφθαι τὸν Διόνυσον ἐν μηρῷ. μετὰ δὲ ταῦτα τῆσ παραθέσεωσ τῶν καρπῶν ἐπιμεληθέντα μεταδιδόναι τοῖσ Ἰνδοῖσ, καὶ τὴν εὑρ́εσιν τοῦ οἴνου καὶ τῶν ἄλλων τῶν εἰσ τὸν βίον χρησίμων παραδοῦναι.

πρὸσ δὲ τούτοισ πόλεών τε ἀξιολόγων γενηθῆναι κτίστην, μεταγαγόντα τὰσ κώμασ εἰσ τοὺσ εὐθέτουσ τόπουσ, τιμᾶν τε καταδεῖξαι τὸ θεῖον καὶ νόμουσ εἰσηγήσασθαι καὶ δικαστήρια, καθόλου δὲ πολλῶν καὶ καλῶν ἔργων εἰσηγητὴν γενόμενον θεὸν νομισθῆναι καὶ τυχεῖν ἀθανάτων τιμῶν. ἱστοροῦσι δ’ αὐτὸν καὶ γυναικῶν πλῆθοσ μετὰ τοῦ στρατοπέδου περιάγεσθαι, καὶ κατὰ τὰσ ἐν τοῖσ πολέμοισ παρατάξεισ τυμπάνοισ καὶ κυμβάλοισ κεχρῆσθαι, μήπω σάλπιγγοσ εὑρημένησ.

βασιλεύσαντα δὲ πάσησ τῆσ Ἰνδικῆσ ἔτη δύο πρὸσ τοῖσ πεντήκοντα γήρᾳ τελευτῆσαι. διαδεξαμένουσ δὲ τοὺσ υἱοὺσ αὐτοῦ τὴν ἡγεμονίαν ἀεὶ τοῖσ ἀφ’ ἑαυτῶν ἀπολιπεῖν τὴν ἀρχήν· τὸ δὲ τελευταῖον πολλαῖσ γενεαῖσ ὕστερον καταλυθείσησ τῆσ ἡγεμονίασ δημοκρατηθῆναι τὰσ πόλεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 38

(디오도로스 시켈로스, Bibliotheca Historica, book 2, chapter 38)

상위

목록

SEARCH

MENU NAVIGATION