헬라어 문장 검색 - Διοδορ́Βιβλιοτ́2́20́

(디오도로스 시켈로스, Bibliotheca Historica, book 2, chapter 19)

τὸ δ’ αὐτὸ καὶ τῆσ Σεμιράμιδοσ ἐπιτελούσησ, ὡσ ἤγγισαν ἀλλήλοισ τὰ στρατόπεδα, Σταβροβάτησ ὁ τῶν Ἰνδῶν βασιλεὺσ προαπέστειλε πολὺ πρὸ τῆσ φάλαγγοσ τοὺσ ἱππεῖσ μετὰ τῶν ἁρμάτων. δεξαμένησ δὲ τῆσ βασιλίσσησ εὐρώστωσ τὴν ἔφοδον τῶν ἱππέων, καὶ τῶν κατεσκευασμένων ἐλεφάντων πρὸ τῆσ φάλαγγοσ ἐν ἴσοισ διαστήμασι τεταγμένων, συνέβαινε πτύρεσθαι τοὺσ τῶν Ἰνδῶν ἵππουσ.

τὰ γὰρ εἴδωλα πόρρωθεν μὲν ὁμοίαν εἶχε τὴν πρόσοψιν τοῖσ ἀληθινοῖσ θηρίοισ, οἷσ συνήθεισ ὄντεσ οἱ τῶν Ἰνδῶν ἵπποι τεθαρρηκότωσ προσίππευον·

τοῖσ δ’ ἐγγίσασιν ἥ τε ὀσμὴ προσέβαλλεν ἀσυνήθησ καὶ τἄλλα διαφορὰν ἔχοντα πάντα παμμεγέθη τοὺσ ἵππουσ ὁλοσχερῶσ συνετάραττε. διὸ καὶ τῶν Ἰνδῶν οἱ μὲν ἐπὶ τὴν γῆν ἔπιπτον, οἱ δὲ τῶν ζῴων ἀπειθούντων τοῖσ χαλινοῖσ ὡσ ἐτύγχανεν εἰσ τοὺσ πολεμίουσ ἐξέπιπτον μετὰ τῶν κομιζόντων αὐτοὺσ ἵππων. ἡ δὲ Σεμίραμισ μετὰ στρατιωτῶν ἐπιλέκτων μαχομένη καὶ τῷ προτερήματι δεξιῶσ χρησαμένη τοὺσ Ἰνδοὺσ ἐτρέψατο.

ὧν φυγόντων πρὸσ τὴν φάλαγγα Σταβροβάτησ ὁ βασιλεὺσ οὐ καταπλαγεὶσ ἐπήγαγε τὰσ τῶν πεζῶν τάξεισ, προηγουμένων τῶν ἐλεφάντων, αὐτὸσ δ’ ἐπὶ τοῦ δεξιοῦ κέρατοσ τεταγμένοσ καὶ τὴν μάχην ἐπὶ τοῦ κρατίστου θηρίου ποιούμενοσ ἐπήγαγε καταπληκτικῶσ ἐπὶ τὴν βασίλισσαν κατ’ αὐτὸν τυχικῶσ τεταγμένην. τὸ δ’ αὐτὸ καὶ τῶν ἄλλων ἐλεφάντων ποιησάντων ἡ μετὰ τῆσ Σεμιράμιδοσ δύναμισ βραχὺν ὑπέστη χρόνον τὴν τῶν θηρίων ἔφοδον·

τὰ γὰρ ζῷα διάφορα ταῖσ ἀλκαῖσ ὄντα καὶ ταῖσ ἰδίαισ ῥώμαισ πεποιθότα πάντα τὸν ὑφιστάμενον ῥᾳδίωσ ἀνῄρει. διόπερ πολὺσ καὶ παντοῖοσ ἐγίνετο φόνοσ, τῶν μὲν ὑπὸ τοὺσ πόδασ ὑποπιπτόντων, τῶν δὲ τοῖσ ὀδοῦσιν ἀνασχιζομένων, ἐνίων δὲ ταῖσ προβοσκίσιν ἀναρριπτουμένων.

συχνοῦ δὲ πλήθουσ νεκρῶν σωρευομένου καὶ τοῦ κινδύνου τοῖσ ὁρῶσι δεινὴν ἔκπληξιν καὶ φόβον παριστάντοσ, οὐδεὶσ ἔτι μένειν ἐπὶ τῆσ τάξεωσ ἐτόλμα. τραπέντοσ οὖν τοῦ πλήθουσ παντὸσ ὁ βασιλεὺσ τῶν Ἰνδῶν ἐπ’ αὐτὴν ἐβιάζετο τὴν Σεμίραμιν.

καὶ τὸ μὲν πρῶτον ἐπ’ ἐκείνην τοξεύσασ ἔτυχε τοῦ βραχίονοσ, ἔπειτ’ ἀκοντίσασ διήλασε διὰ τοῦ νώτου τῆσ βασιλίσσησ, πλαγίασ ἐνεχθείσησ τῆσ πληγῆσ· διόπερ οὐδὲν παθοῦσα δεινὸν ἡ Σεμίραμισ ταχέωσ ἀφίππευσε, πολὺ λειπομένου κατὰ τὸ τάχοσ τοῦ διώκοντοσ θηρίου. πάντων δὲ φευγόντων ἐπὶ τὴν σχεδίαν, τοσούτου πλήθουσ εἰσ ἕνα καὶ στενὸν βιαζομένου τόπον οἱ μὲν τῆσ βασιλίσσησ ὑπ’ ἀλλήλων ἀπέθνησκον συμπατούμενοι καὶ φυρόμενοι παρὰ φύσιν ἀναμὶξ ἱππεῖσ τε καὶ πεζοί, τῶν δὲ Ἰνδῶν ἐπικειμένων ὠσμὸσ ἐγίνετο βίαιοσ ἐπὶ τῆσ γεφύρασ διὰ τὸν φόβον, ὥστε πολλοὺσ ἐξωθουμένουσ ἐφ’ ἑκάτερα μέρη τῆσ γεφύρασ ἐμπίπτειν εἰσ τὸν ποταμόν.

ἡ δὲ Σεμίραμισ, ἐπειδὴ τὸ πλεῖστον μέροσ τῶν ἀπὸ τῆσ μάχησ διασωζομένων διὰ τὸν ποταμὸν ἔτυχε τῆσ ἀσφαλείασ, ἀπέκοψε τοὺσ συνέχοντασ δεσμοὺσ τὴν γέφυραν·

ὧν λυθέντων ἡ μὲν σχεδία κατὰ πολλὰ διαιρεθεῖσα μέρη καὶ συχνοὺσ ἐφ’ ἑαυτῆσ ἔχουσα τῶν διωκόντων Ἰνδῶν ὑπὸ τῆσ τοῦ ῥεύματοσ σφοδρότητοσ ὡσ ἔτυχε κατηνέχθη, καὶ πολλοὺσ μὲν τῶν Ἰνδῶν διέφθειρε, τῇ δὲ Σεμιράμιδι πολλὴν ἀσφάλειαν παρεσκεύασε, κωλύσασα τὴν τῶν πολεμίων ἐπ’ αὐτὴν διάβασιν. μετὰ δὲ ταῦθ’ ὁ μὲν τῶν Ἰνδῶν βασιλεύσ, διοσημιῶν αὐτῷ γενομένων καὶ τῶν μάντεων ἀποφαινομένων σημαίνεσθαι τὸν ποταμὸν μὴ διαβαίνειν, ἡσυχίαν ἔσχεν, ἡ δὲ Σεμίραμισ ἀλλαγὴν ποιησαμένη τῶν αἰχμαλώτων ἐπανῆλθεν εἰσ Βάκτρα, δύο μέρη τῆσ δυνάμεωσ ἀποβεβληκυῖα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 19

(디오도로스 시켈로스, Bibliotheca Historica, book 2, chapter 19)

상위

목록

SEARCH

MENU NAVIGATION