헬라어 문장 검색 - Διοδορ́Βιβλιοτ́2́08́

(디오도로스 시켈로스, Bibliotheca Historica, book 2, chapter 7)

ὁ δὲ Νίνοσ τούσ τε ἐν Βάκτροισ παρέλαβε θησαυρούσ, ἔχοντασ πολὺν ἄργυρόν τε καὶ χρυσόν, καὶ τὰ κατὰ τὴν Βακτριανὴν καταστήσασ ἀπέλυσε τὰσ δυνάμεισ. μετὰ δὲ ταῦτα γεννήσασ ἐκ Σεμιράμιδοσ υἱὸν Νινύαν ἐτελεύτησε, τὴν γυναῖκα ἀπολιπὼν βασίλισσαν. τὸν δὲ Νίνον ἡ Σεμίραμισ ἔθαψεν ἐν τοῖσ βασιλείοισ, καὶ κατεσκεύασεν ἐπ’ αὐτῷ χῶμα παμμέγεθεσ, οὗ τὸ μὲν ὕψοσ ἦν ἐννέα σταδίων, τὸ δ’ εὖροσ, ὥσ φησι Κτησίασ, δέκα. διὸ καὶ τῆσ πόλεωσ παρὰ τὸν Εὐφράτην ἐν πεδίῳ κειμένησ ἀπὸ πολλῶν σταδίων ἐφαίνετο τὸ χῶμα καθαπερεί τισ ἀκρόπολισ·

ὃ καὶ μέχρι τοῦ νῦν φασι διαμένειν, καίπερ τῆσ Νίνου κατεσκαμμένησ ὑπὸ Μήδων, ὅτε κατέλυσαν τὴν Ἀσσυρίων βασιλείαν. ἡ δὲ Σεμίραμισ, οὖσα φύσει μεγαλεπίβολοσ καὶ φιλοτιμουμένη τῇ δόξῃ τὸν βεβασιλευκότα πρὸ αὐτῆσ ὑπερθέσθαι, πόλιν μὲν ἐπεβάλετο κτίζειν ἐν τῇ Βαβυλωνίᾳ, ἐπιλεξαμένη δὲ τοὺσ πανταχόθεν ἀρχιτέκτονασ καὶ τεχνίτασ, ἔτι δὲ τὴν ἄλλην χορηγίαν παρασκευασαμένη, συνήγαγεν ἐξ ἁπάσησ τῆσ βασιλείασ πρὸσ τὴν τῶν ἔργων συντέλειαν ἀνδρῶν μυριάδασ διακοσίασ. ἀπολαβοῦσα δὲ τὸν Εὐφράτην ποταμὸν εἰσ μέσον περιεβάλετο τεῖχοσ τῇ πόλει σταδίων ἑξήκοντα καὶ τριακοσίων, διειλημμένον πύργοισ πυκνοῖσ καὶ μεγάλοισ, ὥσ φησι Κτησίασ ὁ Κνίδιοσ, ὡσ δὲ Κλείταρχοσ καὶ τῶν ὕστερον μετ’ Ἀλεξάνδρου διαβάντων εἰσ τὴν Ἀσίαν τινὲσ ἀνέγραψαν, τριακοσίων ἑξήκοντα πέντε σταδίων·

καὶ προστιθέασιν ὅτι τῶν ἴσων ἡμερῶν εἰσ τὸν ἐνιαυτὸν οὐσῶν ἐφιλοτιμήθη τὸν ἴσον ἀριθμὸν τῶν σταδίων ὑποστήσασθαι. ὀπτὰσ δὲ πλίνθουσ εἰσ ἄσφαλτον ἐνδησαμένη τεῖχοσ κατεσκεύασε τὸ μὲν ὕψοσ, ὡσ μὲν Κτησίασ φησί, πεντήκοντα ὀργυιῶν, ὡσ δ’ ἔνιοι τῶν νεωτέρων ἔγραψαν, πηχῶν πεντήκοντα, τὸ δὲ πλάτοσ πλέον ἢ δυσὶν ἁρ́μασιν ἱππάσιμον·

πύργουσ δὲ τὸν μὲν ἀριθμὸν διακοσίουσ καὶ πεντήκοντα, τὸ δ’ ὕψοσ καὶ πλάτοσ ἐξ ἀναλόγου τῷ βάρει τῶν κατὰ τὸ τεῖχοσ ἔργων. οὐ χρὴ δὲ θαυμάζειν εἰ τηλικούτου τὸ μέγεθοσ τοῦ περιβόλου καθεστῶτοσ ὀλίγουσ πύργουσ κατεσκεύασεν·

ἐπὶ πολὺν γὰρ τόπον τῆσ πόλεωσ ἕλεσι περιεχομένησ, κατὰ τοῦτον τὸν τόπον οὐκ ἔδοξεν αὐτῇ πύργουσ οἰκοδομεῖν, τῆσ φύσεωσ τῶν ἑλῶν ἱκανὴν παρεχομένησ ὀχυρότητα. ἀνὰ μέσον δὲ τῶν οἰκιῶν καὶ τῶν τειχῶν ὁδὸσ πάντῃ κατελέλειπτο δίπλεθροσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 7

(디오도로스 시켈로스, Bibliotheca Historica, book 2, chapter 7)

상위

목록

SEARCH

MENU NAVIGATION