헬라어 문장 검색 - Διοδορ́Βιβλιοτ́2́03́

(디오도로스 시켈로스, Bibliotheca Historica, book 2, chapter 2)

οὕτω δὲ τῶν πραγμάτων τῷ Νίνῳ προχωρούντων δεινὴν ἐπιθυμίαν ἔσχε τοῦ καταστρέψασθαι τὴν Ἀσίαν ἅπασαν τὴν ἐντὸσ Τανάιδοσ καὶ Νείλου· ὡσ ἐπίπαν γὰρ τοῖσ εὐτυχοῦσιν ἡ τῶν πραγμάτων εὔροια τὴν τοῦ πλείονοσ ἐπιθυμίαν παρίστησι. διόπερ τῆσ μὲν Μηδίασ σατράπην ἕνα τῶν περὶ αὑτὸν φίλων κατέστησεν, αὐτὸσ δ’ ἐπῄει τὰ κατὰ τὴν Ἀσίαν ἔθνη καταστρεφόμενοσ, καὶ χρόνον ἑπτακαιδεκαετῆ καταναλώσασ πλὴν Ἰνδῶν καὶ Βακτριανῶν τῶν ἄλλων ἁπάντων κύριοσ ἐγένετο. τὰσ μὲν οὖν καθ’ ἕκαστα μάχασ ἢ τὸν ἀριθμὸν ἁπάντων τῶν καταπολεμηθέντων οὐδεὶσ τῶν συγγραφέων ἀνέγραψε, τὰ δ’ ἐπισημότατα τῶν ἐθνῶν ἀκολούθωσ Κτησίᾳ τῷ Κνιδίῳ πειρασόμεθα συντόμωσ ἐπιδραμεῖν.

κατεστρέψατο μὲν γὰρ τῆσ παραθαλαττίου καὶ τῆσ συνεχοῦσ χώρασ τήν τε Αἴγυπτον καὶ Φοινίκην, ἔτι δὲ Κοίλην Συρίαν καὶ Κιλικίαν καὶ Παμφυλίαν καὶ Λυκίαν, πρὸσ δὲ ταύταισ τήν τε Καρίαν καὶ Φρυγίαν καὶ Μυσίαν καὶ Λυδίαν, προσηγάγετο δὲ τήν τε Τρῳάδα καὶ τὴν ἐφ’ Ἑλλησπόντῳ Φρυγίαν καὶ Προποντίδα καὶ Βιθυνίαν καὶ Καππαδοκίαν καὶ τὰ κατὰ τὸν Πόντον ἔθνη βάρβαρα κατοικοῦντα μέχρι Τανάιδοσ, ἐκυρίευσε δὲ τῆσ τε Καδουσίων χώρασ καὶ Ταπύρων, ἔτι δ’ Ὑρκανίων καὶ Δραγγῶν, πρὸσ δὲ τούτοισ Δερβίκων καὶ Καρμανίων καὶ Χωρομναίων, ἔτι δὲ Βορκανίων καὶ Παρθυαίων, ἐπῆλθε δὲ καὶ τὴν Περσίδα καὶ τὴν Σουσιανὴν καὶ τὴν καλουμένην Κασπιανήν, εἰσ ἥν εἰσιν εἰσβολαὶ στεναὶ παντελῶσ, διὸ καὶ προσαγορεύονται Κάσπιαι πύλαι.

πολλὰ δὲ καὶ ἄλλα τῶν ἐλαττόνων ἐθνῶν προσηγάγετο, περὶ ὧν μακρὸν ἂν εἰή λέγειν.

τῆσ δὲ Βακτριανῆσ οὔσησ δυσεισβόλου καὶ πλήθη μαχίμων ἀνδρῶν ἐχούσησ, ἐπειδὴ πολλὰ πονήσασ ἄπρακτοσ ἐγένετο, τὸν μὲν πρὸσ Βακτριανοὺσ πόλεμον εἰσ ἕτερον ἀνεβάλετο καιρόν, τὰσ δὲ δυνάμεισ ἀναγαγὼν εἰσ τὴν Ἀσσυρίαν ἐξελέξατο τόπον εὔθετον εἰσ πόλεωσ μεγάλησ κτίσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 2

(디오도로스 시켈로스, Bibliotheca Historica, book 2, chapter 2)

상위

목록

SEARCH

MENU NAVIGATION