Diodorus Siculus, Bibliotheca Historica, book 2, chapter 10

(디오도로스 시켈로스, Bibliotheca Historica, book 2, chapter 10)

ὑπῆρχε δὲ καὶ ὁ κρεμαστὸσ καλούμενοσ κῆποσ παρὰ τὴν ἀκρόπολιν, οὐ Σεμιράμιδοσ, ἀλλά τινοσ ὕστερον Σύρου βασιλέωσ κατασκευάσαντοσ χάριν γυναικὸσ παλλακῆσ· ταύτην γάρ φασιν οὖσαν τὸ γένοσ Περσίδα καὶ τοὺσ ἐν τοῖσ ὄρεσι λειμῶνασ ἐπιζητοῦσαν ἀξιῶσαι τὸν βασιλέα μιμήσασθαι διὰ τῆσ τοῦ φυτουργείου φιλοτεχνίασ τὴν τῆσ Περσίδοσ χώρασ ἰδιότητα. ἔστι δ’ ὁ παράδεισοσ τὴν μὲν πλευρὰν ἑκάστην παρεκτείνων εἰσ τέτταρα πλέθρα, τὴν δὲ πρόσβασιν ὀρεινὴν καὶ τὰσ οἰκοδομίασ ἄλλασ ἐξ ἄλλων ἔχων, ὥστε τὴν πρόσοψιν εἶναι θεατροειδῆ.

ὑπὸ δὲ ταῖσ κατεσκευασμέναισ ἀναβάσεσιν ᾠκοδόμηντο σύριγγεσ, ἅπαν μὲν ὑποδεχόμεναι τὸ τοῦ φυτουργείου βάροσ, ἀλλήλων δ’ ἐκ τοῦ κατ’ ὀλίγον ἀεὶ μικρὸν ὑπερέχουσαι κατὰ τὴν πρόσβασιν·

ἡ δ’ ἀνωτάτω σῦριγξ οὖσα πεντήκοντα πηχῶν τὸ ὕψοσ εἶχεν ἐπ’ αὐτῇ τοῦ παραδείσου τὴν ἀνωτάτην ἐπιφάνειαν συνεξισουμένην τῷ περιβόλῳ τῶν ἐπάλξεων. ἔπειθ’ οἱ μὲν τοῖχοι πολυτελῶσ κατεσκευασμένοι τὸ πάχοσ εἶχον ποδῶν εἴκοσι δύο, τῶν δὲ διεξόδων ἑκάστη τὸ πλάτοσ δέκα.

τὰσ δ’ ὀροφὰσ κατεστέγαζον λίθιναι δοκοί, τὸ μὲν μῆκοσ σὺν ταῖσ ἐπιβολαῖσ ἔχουσαι ποδῶν ἑκκαίδεκα, τὸ δὲ πλάτοσ τεττάρων. τὸ δ’ ἐπὶ ταῖσ δοκοῖσ ὀρόφωμα πρῶτον μὲν εἶχεν ὑπεστρωμένον κάλαμον μετὰ πολλῆσ ἀσφάλτου, μετὰ δὲ ταῦτα πλίνθον ὀπτὴν διπλῆν ἐν γύψῳ δεδεμένην, τρίτην δ’ ἐπιβολὴν ἐδέχετο μολιβᾶσ στέγασ πρὸσ τὸ μὴ διικνεῖσθαι κατὰ βάθοσ τὴν ἐκ τοῦ χώματοσ νοτίδα.

ἐπὶ δὲ τούτοισ ἐσεσώρευτο γῆσ ἱκανὸν βάθοσ, ἀρκοῦν ταῖσ τῶν μεγίστων δένδρων ῥίζαισ· τὸ δ’ ἔδαφοσ ἐξωμαλισμένον πλῆρεσ ἦν παντοδαπῶν δένδρων τῶν δυναμένων κατά τε τὸ μέγεθοσ καὶ τὴν ἄλλην χάριν τοὺσ θεωμένουσ ψυχαγωγῆσαι. αἱ δὲ σύριγγεσ τὰ φῶτα δεχόμεναι ταῖσ δἰ ἀλλήλων ὑπεροχαῖσ πολλὰσ καὶ παντοδαπὰσ εἶχον διαίτασ βασιλικάσ·

μία δ’ ἦν ἐκ τῆσ ἀνωτάτησ ἐπιφανείασ διατομὰσ ἔχουσα καὶ πρὸσ τὰσ ἐπαντλήσεισ τῶν ὑδάτων ὄργανα, δι’ ὧν ἀνεσπᾶτο πλῆθοσ ὕδατοσ ἐκ τοῦ ποταμοῦ, μηδενὸσ τῶν ἔξωθεν τὸ γινόμενον συνιδεῖν δυναμένου. οὗτοσ μὲν οὖν ὁ παράδεισοσ, ὡσ προεῖπον, ὕστερον κατεσκευάσθη.

일치하는 문장이 없습니다.

SEARCH

MENU NAVIGATION