Diodorus Siculus, Bibliotheca Historica, book 2, chapter 16

(디오도로스 시켈로스, Bibliotheca Historica, book 2, chapter 16)

ἡ δὲ Σεμίραμισ καταστήσασα τά τε κατὰ τὴν Αἰθιοπίαν καὶ τὴν Αἴγυπτον ἐπανῆλθε μετὰ τῆσ δυνάμεωσ εἰσ Βάκτρα τῆσ Ἀσίασ. ἔχουσα δὲ δυνάμεισ μεγάλασ καὶ πολυχρόνιον εἰρήνην ἄγουσα φιλοτίμωσ ἔσχε πρᾶξαί τι λαμπρὸν κατὰ πόλεμον. πυνθανομένη δὲ τὸ τῶν Ἰνδῶν ἔθνοσ μέγιστον εἶναι τῶν κατὰ τὴν οἰκουμένην καὶ πλείστην τε καὶ καλλίστην χώραν νέμεσθαι, διενοεῖτο στρατεύειν εἰσ τὴν Ἰνδικήν, ἧσ ἐβασίλευε μὲν Σταβροβάτησ κατ’ ἐκείνουσ τοὺσ χρόνουσ, στρατιωτῶν δ’ εἶχεν ἀναρίθμητον πλῆθοσ·

ὑπῆρχον δ’ αὐτῷ καὶ ἐλέφαντεσ πολλοὶ καθ’ ὑπερβολὴν λαμπρῶσ κεκοσμημένοι τοῖσ εἰσ τὸν πόλεμον καταπληκτικοῖσ. ἡ γὰρ Ἰνδικὴ χώρα διάφοροσ οὖσα τῷ κάλλει καὶ πολλοῖσ διειλημμένη ποταμοῖσ ἀρδεύεταί τε πολλαχοῦ καὶ διττοὺσ καθ’ ἕκαστον ἐνιαυτὸν ἐκφέρει καρπούσ·

διὸ καὶ τῶν πρὸσ τὸ ζῆν ἐπιτηδείων τοσοῦτον ἔχει πλῆθοσ ὥστε διὰ παντὸσ ἄφθονον ἀπόλαυσιν τοῖσ ἐγχωρίοισ παρέχεσθαι. λέγεται δὲ μηδέποτε κατ’ αὐτὴν γεγονέναι σιτοδείαν ἢ φθορὰν καρπῶν διὰ τὴν εὐκρασίαν τῶν τόπων. ἔχει δὲ καὶ τῶν ἐλεφάντων ἄπιστον πλῆθοσ, οἳ ταῖσ τε ἀλκαῖσ καὶ ταῖσ τοῦ σώματοσ ῥώμαισ πολὺ προέχουσι τῶν ἐν τῇ Λιβύῃ γινομένων, ὁμοίωσ δὲ χρυσόν, ἄργυρον, σίδηρον, χαλκόν·

πρὸσ δὲ τούτοισ λίθων παντοίων καὶ πολυτελῶν ἔστιν ἐν αὐτῇ πλῆθοσ, ἔτι δὲ τῶν ἄλλων ἁπάντων σχεδὸν τῶν πρὸσ τρυφὴν καὶ πλοῦτον διατεινόντων. ὑπὲρ ὧν τὰ κατὰ μέροσ ἡ Σεμίραμισ ἀκούσασα προήχθη μηδὲν προαδικηθεῖσα τὸν πρὸσ Ἰνδοὺσ ἐξενεγκεῖν πόλεμον. ὁρῶσα δ’ αὑτὴν μεγάλων καθ’ ὑπερβολὴν προσδεομένην δυνάμεων, ἐξέπεμψεν ἀγγέλουσ εἰσ ἁπάσασ τὰσ σατραπείασ, διακελευσαμένη τοῖσ ἐπάρχοισ καταγράφειν τῶν νέων τοὺσ ἀρίστουσ, δοῦσα τὸν ἀριθμὸν κατὰ τὰ μεγέθη τῶν ἐθνῶν·

προσέταξε δὲ πᾶσι κατασκευάζειν καινὰσ πανοπλίασ καὶ τοῖσ ἄλλοισ ἅπασι λαμπρῶσ παραγίνεσθαι κεκοσμημένουσ μετὰ τρίτον ἔτοσ εἰσ Βάκτρα. μετεπέμψατο δὲ καὶ ναυπηγοὺσ ἔκ τε Φοινίκησ καὶ Συρίασ καὶ Κύπρου καὶ τῆσ ἄλλησ τῆσ παραθαλαττίου χώρασ, οἷσ ἄφθονον ὕλην μεταγαγοῦσα διεκελεύσατο κατασκευάζειν ποτάμια πλοῖα διαιρετά.

ὁ γὰρ Ἰνδὸσ ποταμόσ, μέγιστοσ ὢν τῶν περὶ τοὺσ τόπουσ καὶ τὴν βασιλείαν αὐτῆσ ὁρίζων, πολλῶν προσεδεῖτο πλοίων πρόσ τε τὴν διάβασιν καὶ πρὸσ τὸ τοὺσ Ἰνδοὺσ ἀπὸ τούτων ἀμύνασθαι·

περὶ δὲ τὸν ποταμὸν οὐκ οὔσησ ὕλησ ἀναγκαῖον ἦν ἐκ τῆσ Βακτριανῆσ πεζῇ παρακομίζεσθαι τὰ πλοῖα. θεωροῦσα δ’ ἡ Σεμίραμισ ἑαυτὴν ἐν τῇ τῶν ἐλεφάντων χρείᾳ πολὺ λειπομένην, ἐπενοήσατό κατασκευάζειν εἴδωλα τούτων τῶν ζῴων, ἐλπίζουσα καταπλήξεσθαι τοὺσ Ἰνδοὺσ διὰ τὸ νομίζειν αὐτοὺσ μηδ’ εἶναι τὸ σύνολον ἐλέφαντασ ἐκτὸσ τῶν κατὰ τὴν Ἰνδικήν.

ἐπιλέξασα δὲ βοῶν μελάνων τριάκοντα μυριάδασ τὰ μὲν κρέα τοῖσ τεχνίταισ καὶ τοῖσ πρὸσ τὴν τῶν κατασκευασμάτων ὑπηρεσίαν τεταγμένοισ διένειμε, τὰσ δὲ βύρσασ συρράπτουσα καὶ χόρτου πληροῦσα κατεσκεύασεν εἴδωλα, κατὰ πᾶν ἀπομιμουμένη τὴν τῶν ζῴων τούτων φύσιν.

ἕκαστον δὲ τούτων εἶχεν ἐντὸσ ἄνδρα τὸν ἐπιμελησόμενον καὶ κάμηλον, ὑφ’ οὗ φερόμενον φαντασίαν τοῖσ πόρρωθεν ὁρῶσιν ἀληθινοῦ θηρίου παρείχετο. οἱ δὲ ταῦτα κατασκευάζοντεσ αὐτῇ τεχνῖται προσεκαρτέρουν τοῖσ ἔργοισ ἔν τινι περιβόλῳ περιῳκοδομημένῳ καὶ πύλασ ἔχοντι τηρουμένασ ἐπιμελῶσ, ὥστε μηδένα μήτε τῶν ἔσωθεν ἐξιέναι τεχνιτῶν μήτε τῶν ἔξωθεν εἰσιέναι πρὸσ αὐτούσ.

τοῦτο δ’ ἐποίησεν, ὅπωσ μηδεὶσ τῶν ἔξωθεν ἴδῃ τὸ γινόμενον μηδὲ διαπέσῃ φήμη πρὸσ Ἰνδοὺσ περὶ τούτων.

일치하는 문장이 없습니다.

SEARCH

MENU NAVIGATION