Diodorus Siculus, Bibliotheca Historica, book 2, chapter 46

(디오도로스 시켈로스, Bibliotheca Historica, book 2, chapter 46)

διαδεξαμένην δὲ τὴν ταύτησ θυγατέρα τὴν βασιλείαν ζηλῶσαι μὲν τὴν ἀρετὴν τῆσ μητρόσ, ὑπερβαλέσθαι δὲ ταῖσ κατὰ μέροσ πράξεσι. τὰσ μὲν γὰρ παρθένουσ ἀπὸ τῆσ πρώτησ ἡλικίασ ἔν τε ταῖσ θήραισ γυμνάζειν καὶ καθ’ ἡμέραν ἀσκεῖν τὰ πρὸσ πόλεμον ἀνήκοντα, καταδεῖξαι δὲ καὶ θυσίασ μεγαλοπρεπεῖσ Ἄρει τε καὶ Ἀρτέμιδι τῇ προσαγορευομένῃ Ταυροπόλῳ· στρατεύσασαν δ’ εἰσ τὴν πέραν τοῦ Τανάιδοσ ποταμοῦ χώραν καταπολεμῆσαι πάντα τὰ ἔθνη τὰ συνεχῆ μέχρι τῆσ Θρᾴκησ·

ἀνακάμψασαν δὲ μετὰ πολλῶν λαφύρων εἰσ τὴν οἰκείαν ναοὺσ μεγαλοπρεπεῖσ κατασκευάσαι τῶν προειρημένων θεῶν, καὶ τῶν ὑποτεταγμένων ἐπιεικῶσ ἄρχουσαν ἀποδοχῆσ τυγχάνειν τῆσ μεγίστησ. στρατεῦσαι δὲ καὶ ἐπὶ θάτερα μέρη, καὶ πολλὴν τῆσ Ἀσίασ κατακτήσασθαι, καὶ διατεῖναι τῇ δυνάμει μέχρι τῆσ Συρίασ. μετὰ δὲ τὴν ταύτησ τελευτὴν ἀεὶ τὰσ προσηκούσασ τῷ γένει διαδεχομένασ τὴν βασιλείαν ἄρξαι μὲν ἐπιφανῶσ, αὐξῆσαι δὲ τὸ ἔθνοσ τῶν Ἀμαζονίδων δυνάμει τε καὶ δόξῃ.

μετὰ δὲ ταῦτα πολλαῖσ γενεαῖσ ὕστερον, διαβεβοημένησ κατὰ πᾶσαν τὴν οἰκουμένην τῆσ περὶ αὐτὰσ ἀρετῆσ, Ἡρακλέα φασὶ τὸν ἐξ Ἀλκμήνησ καὶ Διὸσ ἆθλον λαβεῖν παρ’ Εὐρυσθέωσ τὸν Ἱππολύτησ τῆσ Ἀμαζόνοσ ζωστῆρα. διόπερ στρατεῦσαι μὲν αὐτόν, παρατάξει δὲ μεγάλῃ νικήσαντα τό τε στρατόπεδον τῶν Ἀμαζόνων κατακόψαι καὶ τὴν Ἱππολύτην μετὰ τοῦ ζωστῆροσ ζωγρήσαντα τὸ ἔθνοσ τοῦτο τελέωσ συντρῖψαι.

διόπερ τοὺσ περιοικοῦντασ βαρβάρουσ τῆσ μὲν ἀσθενείασ αὐτῶν καταφρονήσαντασ, τῶν δὲ καθ’ ἑαυτοὺσ μνησικακήσαντασ, πολεμῆσαι συνεχῶσ τὸ ἔθνοσ ἐπὶ τοσοῦτον ὥστε μηδ’ ὄνομα τοῦ γένουσ τῶν Ἀμαζονίδων ἀπολιπεῖν. μετὰ γὰρ τὴν Ἡρακλέουσ στρατείαν ὀλίγοισ ὕστερον ἔτεσι κατὰ τὸν Τρωικὸν πόλεμόν φασι Πενθεσίλειαν τὴν βασιλεύουσαν τῶν ὑπολελειμμένων Ἀμαζονίδων, Ἄρεοσ μὲν οὖσαν θυγατέρα, φόνον δ’ ἐμφύλιον ἐπιτελεσαμένην, φυγεῖν ἐκ τῆσ πατρίδοσ διὰ τὸ μύσοσ.

συμμαχήσασαν δὲ τοῖσ Τρωσὶ μετὰ τὴν Ἕκτοροσ τελευτὴν πολλοὺσ ἀνελεῖν τῶν Ἑλλήνων, ἀριστεύσασαν δ’ αὐτὴν ἐν τῇ παρατάξει καταστρέψαι τὸν βίον ἡρωικῶσ ὑπ’ Ἀχιλλέωσ ἀναιρεθεῖσαν. τῶν μὲν οὖν Ἀμαζονίδων ἐσχάτην ταύτην λέγουσιν ἀνδρείᾳ διενεγκεῖν, καὶ τὸ λοιπὸν ἀεὶ τὸ ἔθνοσ ταπεινούμενον ἀσθενῆσαι παντελῶσ·

διὸ καὶ κατὰ τοὺσ νεωτέρουσ καιρούσ, ἐπειδάν τινεσ περὶ τῆσ αὐτῶν ἀνδρείασ διεξίωσι, μύθουσ ἡγοῦνται πεπλασμένουσ τὰσ περὶ τῶν Ἀμαζονίδων ἀρχαιολογίασ.

일치하는 문장이 없습니다.

SEARCH

MENU NAVIGATION