헬라어 문장 검색 - Διοδορ́Βιβλιοτ́2́60́

(디오도로스 시켈로스, Bibliotheca Historica, book 2, chapter 59)

πάντεσ δ’ οἱ κατοικοῦντεσ ἐν αὐταῖσ, καίπερ δαψιλεῖσ ἔχοντεσ πάντων χορηγίασ αὐτοφυεῖσ, ὅμωσ οὐκ ἀνέδην χρῶνται ταῖσ ἀπολαύσεσιν, ἀλλὰ τὴν λιτότητα διώκουσι καὶ τὴν ἀρκοῦσαν τροφὴν προσφέρονται· κρέα δὲ καὶ τἄλλα πάντα ὀπτὰ καὶ ἐξ ὕδατοσ ἑφθὰ σκευάζουσι· τῶν δ’ ἄλλων τῶν τοῖσ μαγείροισ πεφιλοτεχνημένων χυμῶν καὶ τῆσ κατὰ τὰσ ἀρτύσεισ ποικιλίασ ἀνεπινόητοι παντελῶσ εἰσι. σέβονται δὲ θεοὺσ τὸ περιέχον πάντα καὶ ἥλιον καὶ καθόλου πάντα τὰ οὐράνια.

ἰχθύων δὲ παντοδαπῶν πλῆθοσ ἁλιεύοντεσ ποικίλωσ καὶ τῶν πτηνῶν οὐκ ὀλίγα θηρεύουσι. γίνεται δὲ παρ’ αὐτοῖσ ἀκροδρύων τε πλῆθοσ αὐτομάτων, καὶ ἐλαῖαι φύονται καὶ ἄμπελοι, ἐξ ὧν ἔλαιόν τε ποιοῦσι δαψιλὲσ καὶ οἶνον.

ὄφεισ τε τοῖσ μεγέθεσι διαφέροντασ, οὐδὲν δὲ ἀδικοῦντασ τοὺσ ἀνθρώπουσ, ἐδώδιμον ἔχειν τὴν σάρκα καὶ γλυκύτητι διαφέρουσαν. ἐσθῆτασ δὲ αὐτοὺσ κατασκευάζειν ἔκ τινων καλάμων ἐχόντων ἐν τῷ μέσῳ χνοῦν λαμπρὸν καὶ μαλακόν, ὃν συνάγοντασ καὶ τοῖσ θαλαττίοισ ὀστρέοισ συγκεκομμένοισ μίσγοντασ θαυμαστὰ κατασκευάζειν ἱμάτια πορφυρᾶ.

ζῴων δὲ παρηλλαγμένασ φύσεισ καὶ διὰ τὸ παράδοξον ἀπιστουμένασ. πάντα δὲ παρ’ αὐτοῖσ ὡρισμένην ἔχειν τάξιν τὰ κατὰ τὴν δίαιταν, οὐχ ἅμα πάντων τὰσ τροφὰσ καὶ τὰσ αὐτὰσ λαμβανόντων·

διατετάχθαι δ’ ἐπί τινασ ὡρισμένασ ἡμέρασ ποτὲ μὲν ἰχθύων βρῶσιν, ποτὲ δὲ ὀρνέων, ἔστι δ’ ὅτε χερσαίων, ἐνίοτε δὲ ἐλαιῶν καὶ τῶν λιτοτάτων προσοψημάτων. ἐναλλὰξ δὲ αὐτοὺσ τοὺσ μὲν ἀλλήλοισ διακονεῖν, τοὺσ δὲ ἁλιεύειν, τοὺσ δὲ περὶ τὰσ τέχνασ εἶναι, ἄλλουσ δὲ περὶ ἄλλα τῶν χρησίμων ἀσχολεῖσθαι, τοὺσ δ’ ἐκ περιόδου κυκλικῆσ λειτουργεῖν, πλὴν τῶν ἤδη γεγηρακότων.

ἔν τε ταῖσ ἑορταῖσ καὶ ταῖσ εὐωχίαισ λέγεσθαί τε καὶ ᾅδεσθαι παρ’ αὐτοῖσ εἰσ τοὺσ θεοὺσ ὕμνουσ καὶ ἐγκώμια, μάλιστα δὲ εἰσ τὸν ἥλιον, οὗ τάσ τε νήσουσ καὶ ἑαυτοὺσ προσαγορεύουσι.

θάπτουσι δὲ τοὺσ τελευτήσαντασ ὅταν ἄμπωτισ γένηται καταχωννύντεσ εἰσ τὴν ἅμμον, ὥστε κατὰ τὴν πλημυρίδα τὸν τόπον ἐπιχώννυσθαι.

τοὺσ δὲ καλάμουσ, ἐξ ὧν ὁ καρπὸσ τῆσ τροφῆσ γίνεται, φασὶ σπιθαμιαίουσ ὄντασ τὸ πάχοσ κατὰ τὰσ τῆσ σελήνησ ἀναπληρώσεισ ἀναπληροῦσθαι, καὶ πάλιν κατὰ τὰσ ἐλαττώσεισ ἀνὰ λόγον ταπεινοῦσθαι. τὸ δὲ τῶν θερμῶν πηγῶν ὕδωρ γλυκὺ καὶ ὑγιεινὸν ὂν διαφυλάττει τὴν θερμασίαν, καὶ οὐδέποτε ψύχεται, ἐὰν μὴ ψυχρὸν ὕδωρ ἢ οἶνοσ συμμίσγηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, book 2, chapter 59

(디오도로스 시켈로스, Bibliotheca Historica, book 2, chapter 59)

상위

목록

SEARCH

MENU NAVIGATION