Diodorus Siculus, Bibliotheca Historica, book 2, chapter 35

(디오도로스 시켈로스, Bibliotheca Historica, book 2, chapter 35)

ἡ τοίνυν Ἰνδικὴ τετράπλευροσ οὖσα τῷ σχήματι, τὴν μὲν πρὸσ ἀνατολὰσ νεύουσαν πλευρὰν καὶ τὴν πρὸσ μεσημβρίαν ἡ μεγάλη περιέχει θάλαττα, τὴν δὲ πρὸσ τὰσ ἄρκτουσ τὸ Ἠμωδὸν ὄροσ διείργει τῆσ Σκυθίασ, ἣν κατοικοῦσι τῶν Σκυθῶν οἱ προσαγορευόμενοι Σάκαι· τὴν δὲ τετάρτην πρὸσ δύσιν ἐστραμμένην διείληφεν ὁ Ἰνδὸσ προσαγορευόμενοσ ποταμόσ, μέγιστοσ ὢν τῶν πάντων μετὰ τὸν Νεῖλον. τὸ δὲ μέγεθοσ τῆσ ὅλησ Ἰνδικῆσ φασιν ὑπάρχειν ἀπὸ μὲν ἀνατολῶν πρὸσ δύσιν δισμυρίων ὀκτακισχιλίων σταδίων, ἀπὸ δὲ τῶν ἄρκτων πρὸσ μεσημβρίαν τρισμυρίων δισχιλίων.

τηλικαύτη δ’ οὖσα τὸ μέγεθοσ δοκεῖ τοῦ κόσμου μάλιστα περιέχειν τὸν τῶν θερινῶν τροπῶν κύκλον, καὶ πολλαχῇ μὲν ἐπ’ ἄκρασ τῆσ Ἰνδικῆσ ἰδεῖν ἔστιν ἀσκίουσ ὄντασ τοὺσ γνώμονασ, νυκτὸσ δὲ τὰσ ἄρκτουσ ἀθεωρήτουσ· ἐν δὲ τοῖσ ἐσχάτοισ οὐδ’ αὐτὸν τὸν ἀρκτοῦρον φαίνεσθαι· καθ’ ὃν δὴ τόπον φασὶ καὶ τὰσ σκιὰσ κεκλίσθαι πρὸσ μεσημβρίαν. ἡ δ’ οὖν Ἰνδικὴ πολλὰ μὲν ὄρη καὶ μεγάλα ἔχει δένδρεσι παντοδαποῖσ καρπίμοισ πλήθοντα, πολλὰ δὲ πεδία καὶ μεγάλα καρποφόρα, τῷ μὲν κάλλει διάφορα, ποταμῶν δὲ πλήθεσι διαρρεόμενα.

τὰ πολλὰ δὲ τῆσ χώρασ ἀρδεύεται, καὶ διὰ τοῦτο διττοὺσ ἔχει τοὺσ κατ’ ἔτοσ καρπούσ· ζῴων τε παντοδαπῶν γέμει διαφόρων τοῖσ μεγέθεσι καὶ ταῖσ ἀλκαῖσ, τῶν μὲν χερσαίων, τῶν δὲ καὶ πτηνῶν. καὶ πλείστουσ δὲ καὶ μεγίστουσ ἐλέφαντασ ἐκτρέφει, χορηγοῦσα τὰσ τροφὰσ ἀφθόνουσ, δἰ ἃσ ταῖσ ῥώμαισ τὰ θηρία ταῦτα πολὺ προέχει τῶν κατὰ τὴν Λιβύην γεννωμένων· διὸ καὶ πολλῶν θηρευομένων ὐπὸ τῶν Ἰνδῶν καὶ πρὸσ τοὺσ πολεμικοὺσ ἀγῶνασ κατασκευαζομένων μεγάλασ συμβαίνει ῥοπὰσ γίνεσθαι πρὸσ τὴν νίκην.

일치하는 문장이 없습니다.

SEARCH

MENU NAVIGATION