Diodorus Siculus, Bibliotheca Historica, book 2, chapter 13

(디오도로스 시켈로스, Bibliotheca Historica, book 2, chapter 13)

ἡ δὲ Σεμίραμισ ἐπειδὴ τοῖσ ἔργοισ ἐπέθηκε πέρασ, ἀνέζευξεν ἐπὶ Μηδίασ μετὰ πολλῆσ δυνάμεωσ· καταντήσασα δὲ πρὸσ ὄροσ τὸ καλούμενον Βαγίστανον πλησίον αὐτοῦ κατεστρατοπέδευσε, καὶ κατεσκεύασε παράδεισον, ὃσ τὴν μὲν περίμετρον ἦν δώδεκα σταδίων, ἐν πεδίῳ δὲ κείμενοσ εἶχε πηγὴν μεγάλην, ἐξ ἧσ ἀρδεύεσθαι συνέβαινε τὸ φυτουργεῖον. τὸ δὲ Βαγίστανον ὄροσ ἐστὶ μὲν ἱερὸν Διόσ, ἐκ δὲ τοῦ παρὰ τὸν παράδεισον μέρουσ ἀποτομάδασ ἔχει πέτρασ εἰσ ὕψοσ ἀνατεινούσασ ἑπτακαίδεκα σταδίουσ.

οὗ τὸ κατώτατον μέροσ καταξύσασα τὴν ἰδίαν ἐνεχάραξεν εἰκόνα, δορυφόρουσ αὑτῇ παραστήσασα ἑκατόν. ἐπέγραψε δὲ καὶ Συρίοισ γράμμασιν εἰσ τὴν πέτραν ὅτι Σεμίραμισ τοῖσ σάγμασι τοῖσ τῶν ἀκολουθούντων ὑποζυγίων ἀπὸ τοῦ πεδίου χώσασα τὸν προειρημένον κρημνὸν διὰ τούτων εἰσ τὴν ἀκρώρειαν προσανέβη. ἐντεῦθεν δ’ ἀναζεύξασα καὶ παραγενομένη πρὸσ Χαύονα πόλιν τῆσ Μηδίασ κατενόησεν ἔν τινι μετεώρῳ πεδίῳ πέτραν τῷ τε ὕψει καὶ τῷ μεγέθει καταπληκτικήν.

ἐνταῦθ’ οὖν ἕτερον παράδεισον ὑπερμεγέθη κατεσκεύασεν, ἐν μέσῳ τὴν πέτραν ἀπολαβοῦσα, καθ’ ἣν οἰκοδομήματα πολυτελῆ πρὸσ τρυφὴν ἐποίησεν, ἐξ ὧν τά τε κατὰ τὸν παράδεισον ἀπεθεώρει φυτουργεῖα καὶ πᾶσαν τὴν στρατιὰν παρεμβεβληκυῖαν ἐν τῷ πεδίῳ. ἐν τούτῳ δὲ τῷ τόπῳ συχνὸν ἐνδιατρίψασα χρόνον καὶ πάντων τῶν εἰσ τρυφὴν ἀνηκόντων ἀπολαύσασα, γῆμαι μὲν νομίμωσ οὐκ ἠθέλησεν, εὐλαβουμένη μήποτε στερηθῇ τῆσ ἀρχῆσ, ἐπιλεγομένη δὲ τῶν στρατιωτῶν τοὺσ εὐπρεπείᾳ διαφέροντασ τούτοισ ἐμίσγετο, καὶ πάντασ τοὺσ αὐτῇ πλησιάσαντασ ἠφάνιζε.

μετὰ δὲ ταῦτα ἐπ’ Ἐκβατάνων τὴν πορείαν ποιησαμένη παρεγένετο πρὸσ ὄροσ τὸ Ζαρκαῖον καλούμενον·

τοῦτο δ’ ἐπὶ πολλοὺσ παρῆκον σταδίουσ καὶ πλῆρεσ ὂν κρημνῶν καὶ φαράγγων μακρὰν εἶχε τὴν περίοδον. ἐφιλοτιμεῖτο οὖν ἅμα μὲν μνημεῖον ἀθάνατον ἑαυτῆσ ἀπολιπεῖν, ἅμα δὲ σύντομον ποιήσασθαι τὴν ὁδόν· διόπερ τούσ τε κρημνοὺσ κατακόψασα καὶ τοὺσ κοίλουσ τόπουσ χώσασα σύντομον καὶ πολυτελῆ κατεσκεύασεν ὁδόν, ἣ μέχρι τοῦ νῦν Σεμιράμιδοσ καλεῖται. παραγενηθεῖσα δ’ εἰσ Ἐκβάτανα, πόλιν ἐν πεδίῳ κειμένην, κατεσκεύασεν ἐν αὐτῇ πολυτελῆ βασίλεια καὶ τὴν ἄλλην ἐπιμέλειαν ἐποιήσατο τοῦ τόπου περιττοτέραν.

ἀνύδρου γὰρ οὔσησ τῆσ πόλεωσ καὶ μηδαμοῦ σύνεγγυσ ὑπαρχούσησ πηγῆσ, ἐποίησεν αὐτὴν πᾶσαν κατάρρυτον, ἐπαγαγοῦσα πλεῖστον καὶ κάλλιστον ὕδωρ μετὰ πολλῆσ κακοπαθείασ τε καὶ δαπάνησ. τῶν γὰρ Ἐκβατάνων ὡσ δώδεκα σταδίουσ ἀπέχον ἔστιν ὄροσ ὃ καλεῖται μὲν Ὀρόντησ, τῇ δὲ τραχύτητι καὶ τῷ πρὸσ ὕψοσ ἀνατείνοντι μεγέθει διάφορον, ὡσ ἂν τὴν πρόσβασιν ἔχον ὄρθιον ἑώσ τῆσ ἀκρωρείασ σταδίων εἴκοσι πέντε.

ἐκ θατέρου δὲ μέρουσ οὔσησ λίμνησ μεγάλησ εἰσ ποταμὸν ἐκβαλλούσησ, διέσκαψε τὸ προειρημένον ὄροσ κατὰ τὴν ῥίζαν. ἦν δ’ ἡ διῶρυξ τὸ μὲν πλάτοσ ποδῶν πεντεκαίδεκα, τὸ δ’ ὕψοσ τετταράκοντα·

δι’ ἧσ ἐπαγαγοῦσα τὸν ἐκ τῆσ λίμνησ ποταμὸν ἐπλήρωσε τὴν πόλιν ὕδατοσ. ταῦτα μὲν οὖν ἐποίησεν ἐν τῇ Μηδίᾳ.

일치하는 문장이 없습니다.

SEARCH

MENU NAVIGATION