호흡부호 보기
강세부호 보기
장단부호 보기
작은 Iota 보기
모든 부호 보기
ὅθεν ἐοίκεν καὶ Ὅμηροσ διατηρῶν τὴν ἀρχαίαν τῶν Ἑλλήνων κατάστασιν λέγειν, φόρμιγγόσ θ’, ἣν δαιτὶ θεοὶ ποίησαν ἑταίρην, ὡσ καὶ τοῖσ εὐωχουμένοισ χρησίμησ οὔσησ τῆσ τέχνησ, ἦν δ’ ὡσ ἐοίκε τοῦτο νενομισμένον, πρῶτον μὲν ὅπωσ ἕκαστοσ τῶν εἰσ μέθην καὶ πλήρωσιν ὡρμημένων ἰατρὸν λαμβάνῃ τῆσ ὕβρεωσ καὶ τῆσ ἀκοσμίασ τὴν μουσικήν, εἶθ’ ὅτι τὴν αὐθάδειαν πραύνει· περιαιρουμένη γὰρ τὴν στυγνότητα ποιεῖ πρᾳότητα καὶ χαρὰν ἐλευθέριον, ὅθεν καὶ Ὅμηροσ εἰσήγαγε τοὺσ θεοὺσ χρωμένουσ ἐν τοῖσ πρώτοισ τῆσ Ἰλιάδοσ τῇ μουσικῇ, μετὰ γὰρ τὴν περὶ τὸν Ἀχιλλέα φιλοτιμίαν διετέλουν ἀκροώμενοι φόρμιγγοσ περικαλλέοσ, ἣν ἔχ’ Ἀπόλλων, Μουσάων θ’, αἳ ἀείδον ἀμειβόμεναι ὀπὶ καλῇ. παύσασθαι γὰρ ἔδει τὰ νείκη καὶ τὴν στάσιν, καθάπερ ἐλέγομεν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기