Athenaeus, The Deipnosophists, Book 14, book 14, chapter 54

(아테나이오스, The Deipnosophists, Book 14, book 14, chapter 54)

ἐγκρίδεσ πεμμάτιον ἑψόμενον ἐν ἐλαίῳ καὶ μετὰ τοῦτο μελιτούμενον, μνημονεύει αὐτῶν Στησίχοροσ διὰ τούτων χόνδρον τε καὶ ἐγκρίδασ ἄλλα τε πέμματα καὶ μέλι χλωρόν. μνημονεύει αὐτῶν καὶ Ἐπίχαρμοσ καὶ ἐν τοῖσ Ἐγχειρογάστορσι Νικοφῶν. Ἀριστοφάνησ δ’ ἐν Δαναΐσιν καὶ πωλητὴν φησιν αὐτῶν εἶναι ἐν τούτοισ· μήτ’ ἄρα μ’· εἶναι ἐγκριδοπώλην, Φερεκράτησ δ’ ἐν Κραπατάλλοισ· ταῦτ’ ἔχων ἐν ταῖσ ὁδοῖσ ἁρπαζέτω τὰσ ἐγκρίδασ. ἐπικύκλιοσ. πλακοῦσ τισ παρὰ Συρακοσίοισ οὕτωσ καλούμενοσ, καὶ μέμνηται αὐτοῦ Ἐπίχαρμοσ ἐν Γᾷ καὶ Θαλάσσᾳ. γουροσ ὅτι πλακοῦντοσ εἶδοσ ὁ Σόλων ἐν τοῖσ Ιἄμβοισ φησίν πίνουσι καὶ τρώγουσιν οἱ μὲν ἴτρια, οἱ δ’ ἄρτον αὐτῶν, οἱ δὲ συμμεμιγμένουσ γούρουσ φακοῖσι. κεῖθι δ’ οὔτε πεμμάτων ἄπεστιν οὐδὲν ἅσσα τ’ ἀνθρώποισι γῆ φέρει μέλαινα, πάντα δ’ ἀφθόνωσ πάρα. Κριβάνασ πλακοῦντάσ τινασ ὀνομαστικῶσ Ἀπολλόδωροσ παρ’ Ἀλκμᾶνι.

ὁμοίωσ καὶ Σωσίβιοσ ἐν γ’ περὶ Ἀλκμᾶνοσ, τῷ σχήματι μαστοειδεῖσ εἶναι φάσκων αὐτούσ, χρῆσθαι δ’ αὐτοῖσ Λάκωνασ πρὸσ τὰσ τῶν γυναικῶν ἑστιάσεισ, περιφέρειν τ’ αὐτοὺσ ὅταν μέλλωσιν ᾄδειν τὸ παρεσκευασμένον ἐγκώμιον τῆσ Παρθένου αἱ ἐν τῷ χορῷ ἀκόλουθοι. κριμνίτησ πλακοῦσ ποιὸσ διὰ κρίμνων γινόμενοσ, ὡσ Ιἀτροκλῆσ ἐν τῷ περὶ Πλακούντων ἀναγράφει.

일치하는 문장이 없습니다.

SEARCH

MENU NAVIGATION