Athenaeus, The Deipnosophists, Book 14, book 14, chapter 10

(아테나이오스, The Deipnosophists, Book 14, book 14, chapter 10)

καὶ ᾠδῆσ δὲ ὀνομασίασ καταλέγει ὁ Τρύφων τάσδε· "ἱμαῖοσ ἡ ἐπιμύλιοσ καλουμένη, ἣν παρὰ τοὺσ ἀλέτουσ ᾖδον, ἴσωσ ἀπὸ τῆσ ἱμαλίδοσ. "ἱμαλὶσ δ’ ἐστὶν παρὰ Δωριεῦσιν ὁ νόστοσ καὶ τὰ ἐπίμετρα τῶν ἀλεύρων. "ἡ δὲ τῶν ἱστουργούντων ᾠδὴ αἴλινοσ, ὡσ Ἐπίχαρμοσ ἐν Ἀταλάνταισ ἱστορεῖ, ἡ δὲ τῶν ταλασιουργῶν ἰούλοσ. Σῆμοσ δ’ ὁ Δήλιοσ ἐν τῷ περὶ Παιάνων φησί· "τὰ δράγματα τῶν κριθῶν αὐτὰ καθ’ αὑτὰ προσηγόρευον ἀμάλασ· "συναθροισθέντα δὲ καὶ ἐκ πολλῶν μίαν γενόμενα δέσμην οὔλουσ καὶ ἰούλουσ· "καὶ τὴν Δήμητρα ὁτὲ μὲν Χλόην, ὁτὲ δὲ Ιοὐλώ. ἀπὸ τῶν οὖν τῆσ Δήμητροσ εὑρημάτων τούσ τε καρποὺσ καὶ τοὺσ ὕμνουσ τοὺσ εἰσ τὴν θεὸν οὔλουσ καλοῦσι καὶ ἰούλουσ. δημήτρουλοι καὶ καλλίουλοι.

καὶ πλεῖστον οὖλον οὖλον ἱεί, ἰούλον ἱεί. ἄλλοι δέ φασιν ἐριουργῶν εἶναι τὴν ᾠδήν. αἱ δὲ τῶν τιτθευουσῶν ᾠδαὶ καταβαυκαλήσεισ ὀνομάζονται, ἦν δὲ καὶ ἐπὶ ταῖσ ἐώραισ τισ ἐπ’ Ἠριγόνῃ, ἣν καὶ ἀλῆτιν λέγουσιν, ᾠδή. "ἀπέθανεν δὲ καὶ αὐτὸσ ὁ Θεόδωροσ ὕστερον βιαίῳ θανάτῳ. λέγεται δὲ γενέσθαι τρυφῶν τισ, ὡσ ἐκ τῆσ ποιήσεωσ δῆλόν ἐστιν. "ἔτι γὰρ καὶ νῦν αἱ γυναῖκεσ ᾄδουσιν αὐτοῦ μέλη περὶ τὰσ ἐώρασ. ἡ δὲ τῶν θεριστῶν ᾠδὴ Λιτυέρσησ καλεῖται.

καὶ τῶν μισθωτῶν δέ τισ ἦν ᾠδὴ τῶν ἐσ τοὺσ ἀγροὺσ φοιτώντων, ὡσ Τηλεκλείδησ φησὶν ἐν Ἀμφικτύοσιν καὶ βαλανέων ἄλλαι, ὡσ Κράτησ ἐν Τόλμαισ· καὶ τῶν πτισσουσῶν ἄλλη τισ, ὡσ Ἀριστοφάνησ ἐν Θεσμοφοριαζούσαισ καὶ Νικοχάρησ ἐν Ἡρακλεῖ Χορηγῷ. ἦν δὲ καὶ τοῖσ ἡγουμένοισ τῶν βοσκημάτων ὁ βουκολιασμὸσ καλούμενοσ. Δίομοσ δὲ ἦν βουκόλοσ Σικελιώτησ ὁ πρῶτοσ εὑρὼν τὸ εἶδοσ·

μνημονεύει αὐτοῦ Ἐπίχαρμοσ ἐν Ἁλκυόνι καὶ ἐν Ὀδυσσεῖ Ναυαγῷ. ἡ δ’ ἐπὶ τοῖσ θανάτοισ καὶ λύπαισ ᾠδὴ ὀλοφυρμὸσ καλεῖται. αἱ δὲ ἰούλοι καλούμεναι ᾠδαὶ Δήμητρι καὶ Φερσεφόνῃ πρέπουσι. ἡ δὲ εἰσ Ἀπόλλωνα ᾠδὴ φιληλιάσ, ὁ ὡσ Τελέσιλλα παρίστησιν οὔπιγγοι δὲ αἱ εἰσ Ἄρτεμιν. ᾔδοντο δὲ Ἀθήνησι καὶ οἱ Χαρώνδου νόμοι παρ’ οἶνον, ὡσ Ἕρμιππόσ φησιν ἐν ἕκτῳ περὶ Νομοθετῶν. "ἱμαῖοσ ᾠδὴ μυλωθρῶν ἐν δὲ γάμοισ ὑμέναιοσ· "ἐν δὲ πένθεσιν ἰάλεμοσ. "λίνοσ δὲ καὶ αἴλινοσ οὐ μόνον ἐν πένθεσιν, ἀλλὰ καὶ ’ ἐπ’ εὐτυχεῖ μολπᾷ κατὰ τὸν Εὐριπίδην.

일치하는 문장이 없습니다.

SEARCH

MENU NAVIGATION