Athenaeus, The Deipnosophists, Book 14, book 14, chapter 58

(아테나이오스, The Deipnosophists, Book 14, book 14, chapter 58)

Ἁρποκρατίων δὲ ὁ Μενδήσιοσ ἐν τῷ περὶ Πλακούντων τὴν παρ’ Ἀλεξανδρεῦσι καλουμένην παγκαρπίαν καλεῖ. ’ἴτρια δ’ ἐστὶ ταῦτα συντεθρυμμένα μετὰ μέλιτοσ ἑψόμενα· καὶ μετὰ τὴν ἕψησιν σφαιρηδὸν συντεθέντα περιδεῖται βύβλῳ λεπτῇ ἕνεκα τοῦ συμμένειν. Πόλτου δὲ μνημονεύει Ἀλκμὰν οὕτωσ· ἤδη παρέξει πυάνιόν τε πολτὸν ὁ χίδρον τε λευκὸν κηρίναν τ’ ὀπώραν. ἐστὶ δὲ τὸ πυάνιον, ὥσ φησι Σωσίβιοσ, πανσπερμία ἐν γλυκεῖ ἡψημένη· χίδρον δὲ οἱ ἑφθοὶ πυροί. κηρίναν δὲ ὀπώραν λέγει τὸ μέλι. καὶ Ἐπίχαρμοσ δὲ οὕτωσ λέγει ἐν Γῇ καὶ Θαλάσσῃ· πολτὸν ἕψειν ὄρθριον. καὶ τῶν καλουμένων δὲ μελικηρίδων μνημονεύει Φερεκράτησ ἐν Αὐτομόλοισ οὕτωσ · ὥσπερ τῶν αἰγιδίων ὄζειν ἐκ τοῦ στόματοσ μελικήρασ.

일치하는 문장이 없습니다.

SEARCH

MENU NAVIGATION