헬라어 문장 검색 - ΑτηενάΤηεΔειπ

(아테나이오스, The Deipnosophists, Book 14, book 14, chapter 79)

ὅτι δὲ σεμνὸν ἦν ἡ μαγειρικὴ μαθεῖν ἔστιν ἐκ τῶν Ἀθήνησι Κηρύκων, οἵδε γὰρ μαγείρων καὶ βουτύπων ἐπεῖχον τάξιν, ὥσ φησιν Κλείδημοσ ἐν Πρωτογονίασ πρώτῳ. ὅμηρόσ τε τὸ ῥέζειν ἐπὶ τοῦ θύειν τάσσει τὸ δὲ θύειν ἐπὶ τοῦ ψαιστὰ μεταδόρπια θυμιᾶν καὶ οἱ παλαιοὶ τὸ θύειν δρᾶν ὠνόμαζον. ἔδρων δ’ οἱ Κήρυκεσ ἄχρι πολλοῦ βουθυτοῦντεσ, φησί, καὶ σκευάζοντεσ καὶ μιστύλλοντεσ, ἔτι δ’ οἰνοχοοῦντεσ. κήρυκασ δ’ αὐτοὺσ ἀπὸ τοῦ κρείττονοσ ὠνόμαζον. ἀναγέγραπταί τε οὐδαμοῦ μαγείρῳ μισθόσ, ἀλλὰ κήρυκι. καὶ Ἀγαμέμνων δὲ παρ’ Ὁμήρῳ θύει βασιλεύων φησὶ γὰρ ὁ ποιητήσ· καὶ ἀπὸ στομάχουσ ἀρνῶν τάμε νηλέι χαλκῷ, καὶ τοὺσ μὲν κατέθηκεν ἐπὶ χθονὸσ ἀσπαίροντασ θυμοῦ δευομένουσ· ἀπὸ γὰρ μένοσ εἵλετο χαλκόσ. καὶ Θρασυμήδησ ὁ τοῦ Νέστοροσ υἱὸσ ἀναλαβὼν πέλεκυν κόπτει τὸν βοῦν, ἐπεὶ διὰ τὸ γῆρασ ὁ Νέστωρ οὐκ ἠδύνατο· συνεπόνουν δ’ αὐτῷ καὶ οἱ ἄλλοι ἀδελφοί.

οὕτωσ ἔνδοξον ἦν καὶ μέγιστον τὸ τῆσ μαγειρικῆσ τέχνησ ἀξίωμα, καὶ παρὰ Ῥωμαίοισ δ’ οἱ τιμηταὶ μεγίστη δ’ αὕτη ἀρχὴ τὴν περιπόρφυρον ἐνδεδυκότεσ καὶ ἐστεφανωμένοι πελέκει τὰ ἱερεῖα κατέβαλλον. οὐ παρέργωσ δὲ παρά τῷ Ὁμήρῳ καὶ τὰ ὁρ́κια καὶ τὰ ἱερόθυτα κήρυκεσ κομίζουσιν, ὡσ παλαιᾶσ οὔσησ καὶ προσηκούσησ αὐτοῖσ τῆσ λειτουργίασ Ἕκτωρ δὲ προτὶ ἄστυ δύω κήρυκασ ἔπεμπε καρπαλίμωσ ἄρνασ τε φέρειν Πρίαμόν τε καλέσσαι. καὶ πάλιν αὐτὰρ ὁ Ταλθύβιον προίει κρείων Ἀγαμέμνων νῆασ ἐπὶ γλαφυρὰσ ἰέναι ἠδ’ ἄρν’ ἐκέλευσεν οἰσέμεναι.

καί· Ταλθύβιοσ δὲ θεῷ ἐναλίγκιοσ αὐδὴν κάπρον ἔχων ἐν χερσὶ παρίστατο ποιμένι λαῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 14, book 14, chapter 79

(아테나이오스, The Deipnosophists, Book 14, book 14, chapter 79)

상위

목록

SEARCH

MENU NAVIGATION