호흡부호 보기
강세부호 보기
장단부호 보기
작은 Iota 보기
모든 부호 보기
σιτευτῶν δὲ ὀρνίθων μὲν μνημονεύει Μάτρων ἐν ταῖσ Παρῳδίαισ οὕτωσ· ὣσ ἔφαθ’ · οἱ δ’ ἐγέλασσαν, ἐπήνεικάν τ’ ἐπὶ τούτῳ σιτευτὰσ ὄρνιθασ ἐπ’ ἀργυρέοισι πίναξιν, ἄτριχασ, οἰέτεασ, λαγάνοισ κατὰ νῶτον ἐίσασ. δελφάκων δὲ σιτευτῶν ὁ φλυακογράφοσ Σώπατροσ ἐν Βακχίδοσ Γάμῳ οὕτωσ· εἴ που κλίβανοσ ἦν, πολὺ δέλφαξ σιτευτὸσ ἔγρυξεν. δελφάκια δὲ Αἰσχίνησ εἴρηκεν ἐν Ἀλκιβιάδῃ οὕτωσ· "ὥσπερ αἱ καπηλίδεσ τὰ δελφάκια τρέφουσιν. Ἀντισθένησ δ’ ἐν Φυσιογνωμονικῷ· "καὶ γὰρ ἐκεῖναι τὰ δελφάκια πρὸσ βίαν χορτάζουσιν. καὶ ἐν Προτρεπτικῷ δέ· "ἀντὶ δελφακίων τρέφεσθαι. δέλφακα δὲ ἀρσενικῶσ εἴρηκεν Πλάτων ἐν Ποιητῇ· δέλφακα δ’ ὡραιότατον.
Σοφοκλῆσ Ὕβρει· ἐσθίειν ἐθέλων τὸν δέλφακα. Κρατῖνοσ Ὀδυσσεῦσιν δέλφακασ μεγάλουσ, θηλυκῶσ δὲ Νικοχάρησ ἔφη· κύουσαν δέλφακα. καὶ Εὔπολισ Χρυσῷ Γένει· οὐκ, ἀλλ’ ἔθυον δέλφακ’ ἔνδον θἠστίᾳ καὶ μάλα καλήν. καὶ Πλάτων Ιοἶ· πρόσφερε δεῦρο δὴ τὴν κεφαλὴν τῆσ δέλφακοσ. Θεόπομποσ Πηνελόπῃ· καὶ τὴν ἱερὰν σφάττουσιν ἡμῶν δελφάκα. "καὶ οἱ Θάσιοι ἔπεμψαν Ἀγησιλάῳ προσιόντι πρόβατα παντοδαπὰ καὶ βοῦσ εὖ τεθραμμένουσ, πρὸσ τούτοισ δὲ καὶ πέμματα καὶ τραγημάτων εἶδοσ παντοδαπῶν.
ὁ δ’ Ἀγησίλαοσ τὰ μὲν πρόβατα καὶ τὰσ βοῦσ ἔλαβεν, τὰ δὲ πέμματα καὶ τὰ τραγήματα πρῶτον μὲν οὐδ’ ἔγνω κατεκεκάλυπτο γάρ. ὡσ δὲ κατεῖδεν, ἀποφέρειν αὐτοὺσ ἐκέλευσεν, εἰπὼν οὐ νόμιμον εἶναι Λακεδαιμονίοισ χρῆσθαι τοιούτοισ τοῖσ ἐδέσμασι. "λιπαρούντων δὲ τῶν Θασίων ’ δότε, φησί, φέροντεσ ἐκείνοισ δείξασ αὐτοῖσ τοὺσ εἵλωτασ, εἰπὼν ὅτι τούτουσ δέοι διαφθείρεσθαι τρώγοντασ αὐτὰ πολὺ μᾶλλον ἢ αὐτὸν καὶ τοὺσ παρόντασ Λακεδαιμονίων. ὅτι δὲ τοῖσ εἵλωσιν ὑβριστικῶσ πάνυ ἐχρῶντο Λακεδαιμόνιοι καὶ Μύρων ὁ Πριηνεὺσ ἱστορεῖ ἐν δευτέρῳ Μεσσηνιακῶν γράφων οὕτωσ·
"τοῖσ δ’ εἵλωσι πᾶν ὑβριστικὸν ἔργον ἐπιτάττουσι πρὸσ πᾶσαν ἄγον ἀτιμίαν.
"κυνῆν τε γὰρ ἕκαστον φορεῖν ἐπάναγκεσ ὡρ́ισαν καὶ διφθέραν περιβεβλῆσθαι πληγάσ τε τεταγμένασ λαμβάνειν κατ’ ἐνιαυτὸν ἀδικήματοσ χωρίσ, ἵνα μήποτε δουλεύειν ἀπομάθωσιν. "πρὸσ δὲ τούτοισ εἴ τινεσ ὑπερακμάζοιεν τὴν οἰκετικὴν ἐπιφάνειαν, ἐπέθηκαν ζημίαν θάνατον καὶ τοῖσ κεκτημένοισ ἐπιτίμιον, εἰ μὴ ἐπικόπτοιεν τοὺσ ἁδρουμένουσ. "καὶ παραδόντεσ αὐτοῖσ τὴν χώραν ἔταξαν μοῖραν ἣν αὐτοῖσ ἀνοίσουσιν αἰεί. χηνίζειν δὲ εἴρηται ἐπὶ τῶν αὐλούντων. Δίφιλοσ Συνωρίδι·
ἐχηνίασασ, ποιοῦσι τοῦτο πάντεσ οἱ παρὰ Τιμοθέῳ.
호흡부호 보기
강세부호 보기
장단부호 보기
작은 Iota 보기
모든 부호 보기