호흡부호 보기
강세부호 보기
장단부호 보기
작은 Iota 보기
모든 부호 보기
καλεῖται δ’ ἡ μὲν σατυρικὴ ὄρχησισ, ὥσ φησιν Ἀριστοκλῆσ ἐν πρώτῳ περὶ Χορῶν, σίκιννισ καὶ οἱ σάτυροι σικιννισταί. τινὲσ δέ φασιν Σίκιννόν τινα βάρβαρον εὑρετὴν αὐτῆσ γενέσθαι, ἄλλοι δὲ Κρῆτα λέγουσι τὸ γένοσ εἶναι τὸν Σίκιννον. ὀρχησταὶ δ’ οἱ Κρῆτεσ, ὥσ φησιν Ἀριστόξενοσ. Σκάμων δ’ ἐν πρώτῳ περὶ Εὑρημάτων σίκιννιν αὐτὴν εἰρῆσθαι ἀπὸ τοῦ σείεσθαι, καὶ πρῶτον ὀρχήσασθαι τὴν σίκιννιν Θέρσιππον. προτέρα δ’ εὑρ́ηται ἡ περὶ τοὺσ πόδασ κίνησισ τῆσ διὰ τῶν χειρῶν, οἱ γὰρ παλαιοὶ τοὺσ πόδασ μᾶλλον ἐγυμνάζοντο ἐν τοῖσ ἀγῶσι καὶ τοῖσ κυνηγεσίοισ.
οἱ δὲ Κρῆτεσ κυνηγετικοί, διὸ καὶ ποδώκεισ. εἰσὶ δέ τινεσ οἵ φασι τὴν σίκιννιν ποιητικῶσ ὠνομάσθαι ἀπὸ τῆσ κινήσεωσ, ἣν καὶ οἱ σάτυροι ὀρχοῦνται ταχυτάτην οὖσαν. οὐ γὰρ ἔχει πάθοσ αὕτη ἡ ὄρχησισ, διὸ οὐδὲ βραδύνει, συνέστηκεν δὲ καὶ σατυρική· πᾶσα ποίησισ τὸ παλαιὸν ἐκ χορῶν, ὡσ καὶ ἡ τότε τραγῳδία· διόπερ οὐδὲ ὑποκριτὰσ εἶχον. τρεῖσ δ’ εἰσὶ τῆσ σκηνικῆσ ποιήσεωσ ὀρχήσεισ, τραγική, κωμική, σατυρική, ὁμοίωσ δὲ καὶ τῆσ λυρικῆσ ποιήσεωσ τρεῖσ, πυρρίχη, γυμνοπαιδική, ὑπορχηματική. καὶ ἐστὶν ὁμοία ἡ μὲν πυρρίχη τῇ σατυρικῇ · ἀμφότεραι γὰρ διὰ τάχουσ, πολεμικὴ δὲ δοκεῖ εἶναι ἡ πυρρίχη ·
ἔνοπλοι γὰρ αὐτὴν παῖδεσ ὀρχοῦνται. "φεύγειν μηδὲ μένειν μηδ’ αἰδεῖσθαι κακοὺσ εἶναι. ἡ δὲ γυμνοπαιδικὴ παρεμφερήσ ἐστι τῇ τραγικῇ ὀρχήσει ἥτισ ἐμμέλεια καλεῖται·
ἐν ἑκατέρᾳ δὲ ὁρᾶται τὸ βαρὺ καὶ σεμνόν. ἡ δ’ ὑπορχηματικὴ τῇ κωμικῇ οἰκειοῦται ἥτισ καλεῖται κόρδαξ· παιγνιώδεισ δ’ εἰσὶν ἀμφότεραι.
호흡부호 보기
강세부호 보기
장단부호 보기
작은 Iota 보기
모든 부호 보기