헬라어 문장 검색 - ΑτηενάΤηεΔειπ

(아테나이오스, The Deipnosophists, Book 14, book 14, chapter 33)

διετήρησαν δὲ μάλιστα τῶν Ἑλλήνων Λακεδαιμόνιοι τὴν μουσικήν, πλείστῃ αὐτῇ χρώμενοι, καὶ συχνοὶ παρ’ αὐτοῖσ ἐγένοντο μελῶν ποιηταί. τηροῦσιν δὲ καὶ νῦν τὰσ ἀρχαίασ ᾠδὰσ ἐπιμελῶσ πολυμαθεῖσ τε εἰσ ταύτασ εἰσὶ καὶ ἀκριβεῖσ, ὅθεν καὶ Πρατίνασ φησί· Λάκων ὁ τέττιξ εὔτυκοσ εἰσ χορόν. "μέλεα μελιπτέρωτα Μουσᾶν. ἀπὸ γὰρ τῆσ τοῦ βίου σωφροσύνησ καὶ αὐστηρίασ μετέβαινον ἀσμένωσ ἐπὶ τὴν μουσικήν, ἐχούσησ τὸ κηλητικὸν τῆσ ἐπιστήμησ. εἰκότωσ οὖν ἐγίνετο χαίρειν τοὺσ ἀκροωμένουσ. ἐκάλουν δὲ καὶ χορηγούσ, ὥσ φησιν ὁ Βυζάντιοσ Δημήτριοσ ἐν τετάρτῳ περὶ Ποιημάτων, οὐχ ὥσπερ νῦν τοὺσ μισθουμένουσ τοὺσ χορούσ, ἀλλὰ τοὺσ καθηγουμένουσ τοῦ χοροῦ, καθάπερ αὐτὸ τοὔνομα σημαίνει. καὶ τὸ χρηστομουσεῖν καὶ μὴ παραβαίνειν τοὺσ ἀρχαίουσ τῆσ μουσικῆσ νόμουσ.

συνέβαινε δὲ τὸ μὲν παλαιὸν φιλομουσεῖν τοὺσ Ἕλληνασ· μετὰ δὲ ταῦτα γενομένησ ἀταξίασ καταγηρασάντων σχεδὸν ἁπάντων τῶν ἀρχαίων νομίμων ἥ τε προαίρεσισ αὕτη κατελύθη καὶ τρόποι μουσικῆσ φαῦλοι κατεδείχθησαν, οἷσ ἕκαστοσ τῶν χρωμένων ἀντὶ μὲν πρᾳότητοσ περιεποιεῖτο μαλακίαν, ἀντὶ δὲ σωφροσύνησ ἀκολασίαν καὶ ἄνεσιν. ἔτι δ’ ἴσωσ τοῦτο μᾶλλον καὶ ἐπὶ πλέον προαχθήσεται ἐὰν μή τισ ἀγάγῃ πάλιν εἰσ τὸ συμφανὲσ τὴν πάτριον μουσικήν.

τὸ παλαιὸν γὰρ καὶ τῶν ἡρώων τὰσ πράξεισ καὶ τῶν θεῶν τοὺσ ὕμνουσ δι’ ᾠδῆσ ἐποιοῦντο. Ὅμηροσ γοῦν φησιν ἐπ’ Ἀχιλλέωσ· ἤτοι ἡρώων, καὶ τὸν Φήμιον δέ φησιν ὅτι πολλὰ βροτῶν θελκτήρια οἶδεν, ἔργ’ ἀνδρῶν τε θεῶν τε, τά τε κλείουσιν ἀοιδοί. τὸ δὲ ἔθοσ τοῦτο καὶ παρὰ τοῖσ βαρβάροισ ἐσῴζετο, ὥσ φησι Δίνων ἐν τοῖσ Περσικοῖσ.

τὴν γοῦν Κύρου τοῦ πρώτου ἀνδρείαν καὶ τὸν μέλλοντα πόλεμον ἔσεσθαι πρὸσ Ἀστυάγην προείδοντο οἱ ᾠδοί. "ὅτε γάρ φησίν ᾐτήσατο τὴν εἰσ Πέρσασ ἀποδημίαν ὁ Κῦροσ ἐγεγόνει δὲ αὐτοῦ πρότερον ἐπὶ τῶν ῥαβδοφόρων, εἶθ’ ὕστερον ἐπὶ τῶν ὁπλοφόρων καὶ ἀπῆλθεν εὐωχουμένου οὖν τοῦ Ἀστυάγουσ μετὰ τῶν φίλων τότε ’ Ἀγγάρησ τισ ὄνομα οὗτοσ δ’ ἦν τῶν ᾠδῶν ὁ ἐνδοξότατοσ ᾖδεν εἰσκληθεὶσ τά τε ἄλλα τῶν εἰθισμένων καὶ τὸ ἔσχατον εἶπεν ὡσ ἀφεῖται εἰσ τὸ ἕλοσ θηρίον μέγα, θρασύτερον ὑὸσ ἀγρίου ὃ ἂν κυριεύσῃ τῶν καθ’ αὑτὸ τόπων, πολλοῖσ μετ’ ὀλίγον ῥᾳδίωσ μαχεῖται, ἐρομένου δὲ τοῦ Ἀστυάγουσ ’ ποῖον θηρίον; "’ ἔφη Κῦρον τὸν Πέρσην νομίσασ οὖν ὀρθῶσ αὐτὸν ὑπωπτευκέναι καὶ μεταπεμπόμενοσ οὐδὲν ὤνησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 14, book 14, chapter 33

(아테나이오스, The Deipnosophists, Book 14, book 14, chapter 33)

상위

목록

SEARCH

MENU NAVIGATION