호흡부호 보기
강세부호 보기
장단부호 보기
작은 Iota 보기
모든 부호 보기
περὶ δὲ τῆσ· αὐλῶν πρὸσ λύραν κοινωνίασ, ἐπεὶ πολλάκισ καὶ αὐτὴ ἡμᾶσ ἡ συναυλία ἔθελγεν, Ἔφιπποσ ἐν Ἐμπολῇ φησιν κοινωνεῖ γάρ, ὦ μειρακίδιον, ἡ ’ν τοῖσιν αὐλοῖσ μουσικὴ κἀν τῇ λύρᾳ τοῖσ ἡμετέροισι παιγνίοισ. ὅταν γὰρ εὖ συναρμόσῃ τισ τοῖσ συνοῦσι τὸν τρόπον, τόθ’ ἡ μεγίστη τέρψισ ἐξευρίσκεται. τὴν δὲ συναυλίαν τί ποτ’ ἐστὶν ἐμφανίζει Σῆμοσ ὁ Δήλιοσ ἐν ε# Δηλιάδοσ γράφων οὕτωσ· "ἀγνοουμένησ δὲ παρὰ πολλοῖσ τῆσ συναυλίασ, λεκτέον. "ἦν τισ ἀγὼν συμφωνίασ ἀμοιβαῖοσ αὐλοῦ καὶ ῥυθμοῦ, χωρὶσ λόγου τοῦ προσμελῳδοῦντοσ. ἀστείωσ δὲ αὐτὴν Ἀντιφάνησ φανερὰν ποιεῖ ἐν τῷ Αὐλητῇ λέγων·
ποίαν, φράσον γάρ, ηδε τὴν συναυλίαν; β. ταύτην ἐπίστανται παρ’ ἀλλήλων ἔτι μαθόντεσ αὐλεῖν. ὥστε τοὺσ αὐλοὺσ σύ τε αὔτη τε λήψετ’, εἶθ’ ἃ μὲν σὺ τυγχάνεισ αὐλῶν πέραινε, δέξεται δὲ τἄλλα σοι ἥδ’. οὗ τι κοινόν ἐστιν, οὗ χωρὶσ πάλιν, συννεύματ’, οὐ προβλήμαθ’, οἷσ σημαίνεται ἕκαστα. φησὶ Δοῦρισ ἐν β’ τῶν περὶ Ἀγαθοκλέα, "ἐπειδὴ Σειρίτησ δοκεῖ πρῶτοσ· "εὑρεῖν τὴν αὐλητικὴν Λίβυσ ἦν τῶν Νομάδων, ὃσ καὶ κατηύλησεν τὰ μητρῷα πρῶτοσ.
"αὐλήσεων δ’ εἰσὶν ὀνομασίαι, ὥσ φησι Τρύφων ἐν δευτέρῳ Ὀνομασιῶν, αἵδε· "κῶμοσ, βουκολισμόσ, γίγγρασ, τετράκωμοσ, ἐπίφαλλοσ, χορεῖοσ, καλλίνικοσ, πολεμικόν, ἡδύκωμοσ, σικιννοτύρβη, θυροκοπικόν τὸ δ’ αὐτὸ καὶ κρουσίθυρον, κνισμόσ, μόθων. "ταῦτα δὲ πάντα μετ’ ὀρχήσεωσ ηὐλεῖτο.
호흡부호 보기
강세부호 보기
장단부호 보기
작은 Iota 보기
모든 부호 보기