Athenaeus, The Deipnosophists, Book 14, book 14, chapter 32

(아테나이오스, The Deipnosophists, Book 14, book 14, chapter 32)

κἀμοὶ δὲ διὰ τοῦτο φαίνεται φιλοσοφητέον εἶναι περὶ μουσικῆσ. καὶ γὰρ Πυθαγόρασ ὁ Σάμιοσ τηλικαύτην δόξαν ἔχων ἐπὶ φιλοσοφίᾳ καταφανήσ ἐστιν ἐκ πολλῶν οὐ παρέργωσ ἁψάμενοσ μουσικῆσ · ὅσ γε καὶ τὴν τοῦ παντὸσ οὐσίαν διὰ μουσικῆσ ἀποφαίνει συγκειμένην. τὸ δ’ ὅλον ἐοίκεν ἡ παλαιὰ τῶν Ἑλλήνων σοφία τῇ μουσικῇ μάλιστ’ εἶναι δεδομένη. καὶ διὰ τοῦτο τῶν μὲν θεῶν Ἀπόλλωνα, τῶν δὲ ἡμιθέων Ὀρφέα μουσικώτατον καὶ σοφώτατον ἔκρινον καὶ πάντασ τοὺσ χρωμένουσ τῇ τέχνῃ ταύτῃ σοφιστὰσ ἀπεκάλουν, ὥσπερ καὶ Αἰσχύλοσ ἐποίησεν εἴτ’ οὖν σοφιστὴσ σκαιὰ παραπαίων χέλυν. ὅτι δὲ πρὸσ τὴν μουσικὴν οἰκειότατα διέκειντο οἱ ἀρχαῖοι δῆλον καὶ ἐξ Ὁμήρου· ὃσ διὰ τὸ μεμελοποιηκέναι πᾶσαν ἑαυτοῦ τὴν ποίησιν ἀφροντιστὶ πολλοὺσ ἀκεφάλουσ ποιεῖ στίχουσ καὶ λαγαρούσ, ἔτι δὲ μειούρουσ.

Ξενοφάνησ δὲ καὶ Σόλων καὶ Θέογνισ καὶ Φωκυλίδησ, ἔτι δὲ Περίανδροσ ὁ Κορίνθιοσ ἐλεγειοποιὸσ καὶ τῶν λοιπῶν οἱ μὴ προσάγοντεσ πρὸσ τὰ ποιήματα μελῳδίαν ἐκπονοῦσι τοὺσ στίχουσ τοῖσ ἀριθμοῖσ καὶ τῇ τάξει τῶν μέτρων καὶ σκοποῦσιν ὅπωσ αὐτῶν μηθεὶσ μήτε ἀκέφαλοσ ἔσται μήτε λαγαρὸσ μήτε μείουροσ. ἀκέφαλοι δέ εἰσιν οἱ ἐπὶ τῆσ ἀρχῆσ τὴν χωλότητα ἔχοντεσ ·

ἐπειδὴ νῆάσ τε καὶ Ἑλλήσποντον ἵκοντο· ἐπίτονοσ τετάνυστο βοὸσ ἶφι κταμένοιο. λαγαροὶ δὲ οἱ ἐν μέσῳ, οἱο͂ν αἶψα δ’ ἄρ’ Αἰνείαν φίλον υἱὸν Ἀγχίσαο. τῶν αὖθ’ ἡγείσθην Ἀσκληπιοῦ δύο παῖδε. μείουροι δ’ εἰσὶν οἱ ἐπὶ τῆσ ἐκβολῆσ, οἱο͂ν Τρῶεσ δ’ ἐρρίγησαν ὅπωσ ἴδον αἰόλον ὄφιν. καλὴ Κασσιέπεια θεοῖσ δέμασ ἐοικυῖα.

τοῦ φέρον ἐμπλήσασ ἀσκὸν μέγαν, ἐν δὲ καὶ ἠιά.

일치하는 문장이 없습니다.

SEARCH

MENU NAVIGATION