호흡부호 보기
강세부호 보기
장단부호 보기
작은 Iota 보기
모든 부호 보기
λεχθέντων καὶ τούτων ὁ σοφὸσ Οὐλπιανὸσ ἔφη· "πόθεν ὑμῖν, ὦ πολυμαθέστατοι γραμματικοί, καὶ ἐκ ποίασ βιβλιοθήκησ ἀνεφάνησαν οἱ σεμνότατοι οὗτοι συγγραφεῖσ Χρύσιπποσ καὶ Ἁρποκρατίων, διαβάλλοντεσ καλῶν ὀνόματα φιλοσόφων τῇ ὁμωνυμίᾳ τίσ; "δὲ καὶ ἡμίναν Ἑλλήνων ὠνόμασεν ἢ τίσ ἀμύλου μνημονεύει; ἀπαντήσαντοσ δ’ αὐτῷ τοῦ Λαρηνσίου καὶ εἰπόντοσ· "τὴν μὲν ἡμίναν οἱ τὰ εἰσ Ἐπίχαρμον ἀναφερόμενα ποιήματα πεποιηκότεσ οἴδασι, κἀν τῷ Χείρωνι ἐπιγραφομένῳ οὕτωσ λέγεται· "καὶ πιεῖν ὕδωρ διπλάσιον χλιαρόν, ἡμίνασ δύο, τὰ δὲ ψευδεπιχάρμεια ταῦτα ὅτι πεποιήκασιν ἄνδρεσ ἔνδοξοι Χρυσόγονόσ τε ὁ αὐλητήσ, ὥσ φησιν Ἀριστόξενοσ ἐν ὀγδόῳ Πολιτικῶν Νόμων, τὴν Πολιτείαν ἐπιγραφομένην Φιλόχοροσ δ’ ἐν τοῖσ περὶ Μαντικῆσ Ἀξιόπιστον τὸν εἴτε Λοκρὸν γένοσ ἢ Σικυώνιον τὸν Κανόνα καὶ τὰσ Γνώμασ πεποιηκέναι φησίν. ὁμοίωσ δὲ ἱστορεῖ καὶ Ἀπολλόδωροσ, τοῦ δὲ ἀμύλου μνημονεύει Τηλεκλείδησ ἐν Στερροῖσ οὑτωσὶ λέγων ι φιλῶ πλακοῦντα θερμόν, ἀχράδασ οὐ φιλῶ, χαίρω λαγῴοισ ἐπ’ ἀμύλῳ καθημένοισ.
호흡부호 보기
강세부호 보기
장단부호 보기
작은 Iota 보기
모든 부호 보기