헬라어 문장 검색 - ΑτηενάΤηεΔειπ

(아테나이오스, The Deipnosophists, Book 14, book 14, chapter 27)

τὰ δὲ στασιμώτερα καὶ πυκνότερα καὶ τὴν ὄρχησιν ἁπλουστέραν ἔχοντα καλεῖται δάκτυλοι, ἰαμβική, Μολοσσικὴ ἐμμέλεια, κόρδαξ, σίκιννισ, Περσική, Φρύγιοσ νιβατισμόσ, Θρᾴκιοσ κολαβρισμόσ, τελεσιὰσ· Μακεδονικὴ δ’ ἐστὶν αὕτη ὄρχησισ, ᾗ χρησάμενοι οἱ περὶ Πτολεμαῖον Ἀλέξανδρον τὸν Φιλίππου ἀδελφὸν ἀνεῖλον, ὡσ ἱστορεῖ Μαρσύασ ἐν τρίτῳ Μακεδονικῶν. μανιώδεισ δ’ εἰσὶν ὀρχήσεισ κερνοφόροσ καὶ μογγὰσ καὶ θερμαυστρίσ . ἦν δὲ καὶ παρὰ τοῖσ ἰδιώταισ ἡ καλουμένη ἄνθεμα. ταύτην δὲ ὠρχοῦντο μετὰ λέξεωσ τοιαύτησ μιμούμενοι καὶ λέγοντεσ· ποῦ μοι τὰ ῥόδα, ποῦ μοι τὰ ἰά, ποῦ μοι τὰ καλὰ σέλινα; ταδὶ τὰ ῥόδα, ταδὶ τὰ ἰά, ταδὶ τὰ καλὰ σέλινα. παρὰ δὲ Συρακοσίοισ καὶ Χιτωνέασ Ἀρτέμιδοσ ὄρχησὶσ τίσ ἐστιν ἴδιοσ καὶ αὔλησισ. ἦν δέ τισ καὶ Ιὠνικὴ ὄρχησισ παροίνιοσ. καὶ τὴν ἀγγελικὴν δὲ πάροινον ἠκρίβουν ὄρχησιν. καλεῖται δέ τισ καὶ ἄλλη ὄρχησισ κόσμου ἐκπύρωσισ, ἧσ μνημονεύει Μένιπποσ ὁ κυνικὸσ ἐν τῷ Συμποσίῳ. καὶ γελοῖαι δ’ εἰσὶν ὀρχήσεισ ἴγδισ καὶ μακτρισμὸσ ἀπόκινόσ τε καὶ σοβάσ, ἔτι δὲ μορφασμὸσ καὶ γλαὺξ καὶ λέων ἀλφίτων τε ἔκχυσισ καὶ χρεῶν ἀποκοπή· καὶ στοιχεῖα καὶ πυρρίχη.

μετ’ αὐλῶν δ’ ὠρχοῦντο τὴν τοῦ κελευστοῦ καὶ τὴν καλουμένην πινακίδα. σχήματα δέ ἐστιν ὀρχήσεωσ ξιφισμόσ, καλαθίσκοσ, καλλαβίδεσ, σκώψ, σκώπευμα. ἦν δὲ ὁ σκώψ τῶν ἀποσκοπούντων τι σχῆμα ἄκραν τὴν χεῖρα ὑπὲρ τοῦ μετώπου κεκυρτωκότων. μνημονεύει Αἰσχύλοσ ἐν Θεωροῖσ· καὶ μὴν παλαιῶν τῶνδέ σοι σκωπευμάτων. καλλαβίδων δ’ Εὔπολισ ἐν Κόλαξιν·

καλλαβίδασ δὲ βαίνει, σησαμίδασ δὲ χέζει. θερμαυστρίσ, ἑκατερίδεσ, σκοπόσ, χεὶρ καταπρηνήσ, χεὶρ σιμή, διποδισμόσ, ξύλου παράληψισ, ἐπαγκωνισμόσ, καλαθίσκοσ, στρόβιλοσ, καὶ τελεσιὰσ δ’ ἐστὶν ὄρχησισ καλουμένη · στρατιωτικὴ δ’ ἐστὶν αὕτη ἀπό τινοσ ἀνδρὸσ Τελεσίου λαβοῦσα τοὔνομα, μεθ’ ὅπλων τὸ πρῶτον αὐτὴν ἐκείνου ὀρχησαμένου, ὥσ φησιν Ἱππαγόρασ ἐν τῷ πρώτῳ περὶ τῆσ Καρχηδονίων Πολιτείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 14, book 14, chapter 27

(아테나이오스, The Deipnosophists, Book 14, book 14, chapter 27)

상위

목록

SEARCH

MENU NAVIGATION