헬라어 문장 검색 - ΑτηενάΤηεΔειπ

(아테나이오스, The Deipnosophists, Book 14, book 14, chapter 25)

καὶ πρὸσ γυμνασίαν δὲ καὶ ὀξύτητα διανοίασ συμβάλλεται ἡ μουσικὴ · διὸ καὶ τῶν ̔ Ἑλλήνων ἕκαστοι καὶ τῶν βαρβάρων οἱ γινωσκόμενοι τυγχάνουσιν χρώμενοι. οὐ κακῶσ· δὲ λέγουσιν οἱ περὶ Δάμωνα τὸν Ἀθηναῖον ὅτι καὶ τὰσ ᾠδὰσ καὶ τὰσ ὀρχήσεισ ἀνάγκη γίνεσθαι κινουμένησ πωσ τῆσ ψυχῆσ· καὶ αἱ μὲν ἐλευθέριοι καὶ καλαὶ ποιοῦσι τοιαύτασ, αἱ δ’ ἐναντίαι τὰσ ἐναντίασ, ὅθεν καὶ τὸ Κλεοσθένουσ τοῦ Σικυωνίων τυράννου χαρίεν καὶ σημεῖον διανοίασ πεπαιδευμένησ. ἰδὼν γάρ, ὣσ φασι, φορτικῶσ ὀρχησάμενον ἕνα τῶν τῆσ θυγατρὸσ μνηστήρων Ἱπποκλείδησ δ’ ἦν ὁ ’ Ἀθηναῖοσ ἀπωρχῆσθαι τὸν γάμον αὐτὸν ἔφησεν, νομίζων ὡσ ἐοίκεν καὶ τὴν ψυχὴν τἀνδρὸσ εἶναι τοιαύτην. καὶ γὰρ ἐν ὀρχήσει καὶ πορείᾳ καλὸν μὲν εὐσχημοσύνη καὶ κόσμοσ, αἰσχρὸν δὲ ἀταξία καὶ τὸ φορτικόν.

διὰ τοῦτο γὰρ καὶ ἐξ ἀρχῆσ συνέταττον οἱ ποιηταὶ τοῖσ ἐλευθέροισ τὰσ ὀρχήσεισ καὶ ἐχρῶντο τοῖσ σχήμασι σημείοισ μόνον τῶν ᾀδομένων, τηροῦντεσ αἰεὶ τὸ εὐγενὲσ καὶ ἀνδρῶδεσ ἐπ’ αὐτῶν, ὅθεν καὶ ὑπορχήματα τὰ τοιαῦτα προσηγόρευον. εἰ δὲ τισ ἀμέτρωσ διαθείη τὴν σχηματοποιίαν καὶ ταῖσ ᾠδαῖσ ἐπιτυγχάνων μηδὲν λέγοι κατὰ τὴν ὄρχησιν, οὗτοσ δ’ ἦν ἀδόκιμοσ. διὸ καὶ Ἀριστοφάνησ ἢ Πλάτων ἐν ταῖσ Σκευαῖσ, ὡσ Χαμαιλέων φησίν, εἴρηκεν οὕτωσ·

ὥστ’ εἴ τισ ὀρχοῖτ’ εὖ, θέαμ’ ἦν· · νῦν δὲ δρῶσιν > ι ` οὐδέν, ἀλλ’ ὥσπερ ἀπόπληκτοι στάδην ἑστῶτεσ ὠρύονται. ἦν γὰρ τὸ τῆσ ὀρχήσεωσ γένοσ τῆσ ἐν τοῖσ χοροῖσ εὔσχημον τότε καὶ μεγαλοπρεπὲσ καὶ ὡσανεὶ τὰσ ἐν τοῖσ ὅπλοισ κινήσεισ ἀπομιμούμενον. ὅθεν καὶ Σωκράτησ ἐν τοῖσ ποιήμασιν τοὺσ κάλλιστα χορεύοντασ ἀρίστουσ φησὶν εἶναι τὰ πολέμια λέγων οὕτωσ οἳ δὲ χοροῖσ κάλλιστα θεοὺσ τιμῶσιν, ἄριστοι ἐν πολέμῳ. · .

σχεδὸν γὰρ ὥσπερ ἐξοπλισία τισ ἦν ἡ χορεία καὶ ἐπίδειξισ οὐ μόνον τῆσ λοιπῆσ εὐταξίασ, ἀλλὰ καὶ τῆσ τῶν σωμάτων ἐπιμελείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 14, book 14, chapter 25

(아테나이오스, The Deipnosophists, Book 14, book 14, chapter 25)

상위

목록

SEARCH

MENU NAVIGATION