Athenaeus, The Deipnosophists, Book 14, book 14, chapter 78

(아테나이오스, The Deipnosophists, Book 14, book 14, chapter 78)

οὐδὲν οὖν ἦν παράδοξον εἰ καὶ θυτικῆσ ἦσαν ἔμπειροι οἱ παλαίτεροι μάγειροι· προίσταντο γοῦν καὶ γάμων καὶ θυσιῶν. διόπερ Μένανδροσ ἐν Κόλακι τὸν τοῖσ τετραδισταῖσ διακονούμενον μάγειρον ἐν τῇ τῆσ Πανδήμου Ἀφροδίτησ ἑορτῇ ποιεῖ ταυτὶ λέγοντα· σπονδή, δίδου σὺ σπλάγχν’ ἀκολουθῶν. ποῖ βλέπεισ; σπονδή, φέρ’, ὦ παῖ Σωσία,1 σπονδή. καλῶσ. ἐγχοῦ. θεοῖσ Ὀλυμπίοισ εὐχώμεθα Ὀλυμπίαισι,4 πᾶσι πάσαισ· λάμβανε τὴν γλῶτταν. ἐπὶ τούτῳ διδόναι σωτηρίαν, ὑγίειαν, ἀγαθὰ πολλὰ τῶν ὄντων τε νῦν ἀγαθῶν ὄνησιν πᾶσι. ταῦτ’ εὐχώμεθα. καὶ παρὰ Σιμωνίδῃ δέ φησιν ἕτεροσ· χὠσ ὗν ἄφευσα χὠσ ἐμίστυλα κρέα ἱρωστί8, καὶ γὰρ οὐ κακῶσ ἐπίσταμαι.

ἐμφαίνει δ’ αὐτῶν τὴν ἐμπειρίαν καὶ ἡ πρὸσ Ἀλέξανδρον Ὀλυμπιάδοσ Ἐπιστολή. προτρεπομένη μάγειρον αὑτῇ πρίασθαι θυσιῶν ἔμπειρον ἡ μήτηρ φησί· "Πελίγναν τὸν μάγειρον λαβὲ παρὰ τῆσ μητρόσ, οὗτοσ γὰρ οἶδε τὰ ἱερά σου τὰ πατρῷα πάντα ὃν τρόπον θύεται καὶ τὰ ἀργαδιστικὰ καὶ τὰ Βακχικά, ὅσα τε Ὀλυμπιὰσ προθύεται οὗτοσ οἶδεν. "μὴ οὖν ἀμελήσῃσ, ἀλλὰ λαβέ· "καὶ ἀπόστειλον πρὸσ ἐμὲ τὴν ταχίστην.

일치하는 문장이 없습니다.

SEARCH

MENU NAVIGATION