헬라어 문장 검색 - ΑτηενάΤηεΔειπ

(아테나이오스, The Deipnosophists, Book 14, book 14, chapter 24)

διόπερ καὶ οἱ ἀνδρειότατοι Λακεδαιμόνιοι μετ’ αὐλῶν στρατεύονται, Κρῆτεσ δὲ μετὰ λύρασ, μετὰ δὲ συρίγγων καὶ αὐλῶν Λυδοί, ὡσ Ἡρόδοτοσ ἱστορεῖ, πολλοὶ δὲ καὶ τῶν βαρβάρων τὰσ ἐπικηρυκείασ ποιοῦνται μετ’ αὐλῶν καὶ κιθάρασ, καταπραύνοντεσ τῶν ἐναντίων τὰσ ψυχάσ. Θεόπομποσ δ’ ἐν τεσσαρακοστῇ ἕκτῃ τῶν Σ32ίστορίῶν "Γέται, φησί, κιθάρασ ἔχοντεσ καὶ κιθαρίζοντεσ τὰσ ἐπικηρυκείασ ποιοῦνται. ὅθεν ἐοίκεν καὶ Ὅμηροσ διατηρῶν τὴν ἀρχαίαν τῶν Ἑλλήνων κατάστασιν λέγειν, φόρμιγγόσ θ’, ἣν δαιτὶ θεοὶ ποίησαν ἑταίρην, ὡσ καὶ τοῖσ εὐωχουμένοισ χρησίμησ οὔσησ τῆσ τέχνησ, ἦν δ’ ὡσ ἐοίκε τοῦτο νενομισμένον, πρῶτον μὲν ὅπωσ ἕκαστοσ τῶν εἰσ μέθην καὶ πλήρωσιν ὡρμημένων ἰατρὸν λαμβάνῃ τῆσ ὕβρεωσ καὶ τῆσ ἀκοσμίασ τὴν μουσικήν, εἶθ’ ὅτι τὴν αὐθάδειαν πραύνει· περιαιρουμένη γὰρ τὴν στυγνότητα ποιεῖ πρᾳότητα καὶ χαρὰν ἐλευθέριον, ὅθεν καὶ Ὅμηροσ εἰσήγαγε τοὺσ θεοὺσ χρωμένουσ ἐν τοῖσ πρώτοισ τῆσ Ἰλιάδοσ τῇ μουσικῇ, μετὰ γὰρ τὴν περὶ τὸν Ἀχιλλέα φιλοτιμίαν διετέλουν ἀκροώμενοι φόρμιγγοσ περικαλλέοσ, ἣν ἔχ’ Ἀπόλλων, Μουσάων θ’, αἳ ἀείδον ἀμειβόμεναι ὀπὶ καλῇ. παύσασθαι γὰρ ἔδει τὰ νείκη καὶ τὴν στάσιν, καθάπερ ἐλέγομεν. ἐοίκασιν οὖν οἱ πολλοὶ τὴν ἐπιστήμην ἀποδιδόναι ταῖσ συνουσίαισ ἐπανορθώσεωσ χάριν καὶ ὠφελείασ ·

ἀλλὰ μὴν οἱ ἀρχαῖοι καὶ περιέλαβον ἔθεσι καὶ νόμοισ τοὺσ τῶν θεῶν ὕμνουσ ᾄδειν ἅπαντασ ἐν ταῖσ ἑστιάσεσιν, ὅπωσ καὶ διὰ τούτων τηρῆται τὸ καλὸν καὶ σωφρονικὸν ἡμῶν. ἐν ἁρμονίων γὰρ ὄντων τῶν ᾀσμάτων προσγενόμενοσ ὁ τῶν θεῶν λόγοσ ἀποσεμνύνει τὸν ἑκάστων τρόπον. Φιλόχοροσ δέ φησιν ὡσ οἱ παλαιοὶ σπένδοντεσ οὐκ αἰεὶ διθυραμβοῦσιν, ἀλλ’ ὅταν σπένδωσι, τὸν μὲν Διόνυσον ἐν οἴνῳ καὶ μέθῃ, τὸν δ’ Ἀπόλλωνα μεθ’ ἡσυχίασ καὶ τάξεωσ μέλποντεσ.

Ἀρχίλοχοσ γοῦν φησιν ὡσ Διωνύσοι’ ἄνακτοσ καλὸν ἐξάρξαι μέλοσ οἶδα διθύραμβον, οἴνῳ συγκεραυνωθεὶσ φρένασ. καὶ Ἐπίχαρμοσ δ’ ἐν Φιλοκτήτῃ ἔφη·

· οὐκ ἔστι διθύραμβοσ ὅκχ’ ὕδωρ πίῃσ. ὅτι μὲν οὖν οὐχ ἡδονῆσ χάριν ἐπιπολαίου καὶ δημοτικῆσ ἡ μουσικὴ προῆλθεν κατ’ ἀρχὰσ εἰσ τὰσ ἑστιάσεισ, ὥσπερ ἔνιοι νομίζουσιν, φανερὸν ἐκ τῶν εἰρημένων. Λακεδαιμόνιοι δ’ εἰ μὲν ἐμάνθανον τὴν μουσικήν, οὐδὲν λέγουσιν, ὅτι δὲ κρίνειν δύνανται καλῶσ τὴν τέχνην ὁμολογεῖται παρ’ αὐτῶν, καί φασιν τρὶσ ἤδη σεσωκέναι διαφθειρομένην αὐτήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 14, book 14, chapter 24

(아테나이오스, The Deipnosophists, Book 14, book 14, chapter 24)

상위

목록

SEARCH

MENU NAVIGATION