호흡부호 보기
강세부호 보기
장단부호 보기
작은 Iota 보기
모든 부호 보기
πλακούντων δὲ ὀνόματα πολλῶν καταλεξάντων, ὅσων μέμνημαι τούτων σοι καὶ μεταδώσω, οἶδα δὲ καὶ Καλλίμαχον ἐν τῷ τῶν παντοδαπῶν συγγραμμάτων Πίνακι ἀναγράψαντα πλακουντοποιικὰ συγγράμματα Αἰγιμίου καὶ Ἡγησίππου καὶ Μητροβίου, ἔτι δὲ Φαίστου. "οὐκοῦν, ἔφη, οὐδὲ σὺ μεθέξεισ τούτου. τοῦτο δὲ ἱστόρησεν Ἀντίπατροσ ἐν τῷ πρώτῳ περὶ Ὀργῆσ. τὸν θεῖον ἐκεῖνον ἐξυβριζόμενον πλακοῦντα.
μνημονεύων οὖν ὁ κωμικὸσ Πλάτων εἴρηκεν ἐν τῷ Ποιητῇ οὕτωσ μόνοσ δ’ ἄγευστοσ, ἄσπλαγχνοσ ἐνιαυτίζομαι, ἀπλάκουντοσ, ἀλιβάνωτοσ. ἀλλὰ μὴν οὐδὲ τῆσ κώμησ ἀμνήμων εἰμὶ ἣν Πλακοῦντά φησι καλεῖσθαι Δημήτριοσ ὁ Σκήψιοσ ἐν δωδεκάτῳ Τρωικοῦ Διακόσμου, τῶν Ὑποπλακίων Θηβῶν φάσκων αὐτὴν ἀπέχειν σταδίουσ ἕξ. περισπαστέον δὲ λέγοντασ πλακοῦσ τὴν ὀνομαστικὴν συνῄρηται γὰρ ἐκ τοῦ πλακόεισ, ὡσ τυρόεισ τυροῦσ, σησαμόεισ σησαμοῦσ. εἴρηται δὲ κατ’ ἔλλειψιν τοῦ ἄρτοσ. ὅτι δὲ καλοὺσ πλακοῦντασ ἐν Παρίῳ τοῦ ̔ Ἑλλησπόντου φαγεῖν ἔστιν οἱ ἐπιδημήσαντεσ μαρτυρήσουσιν.
Ἄλεξισ γὰρ πεπλάνηται λέγων τοὺσ ἐκ Πάρου· λέγει δὲ οὕτωσ ἐν τῷ ἐπιγραφομένῳ Ἀρχιλόχῳ· ὦ τὴν εὐτυχῆ ναίων Πάρον, ὄλβιε πρέσβυ, ἣ κάλλιστα φέρει χώρα δύο τῶν συναπασῶν, κόσμον μὲν μακάρεσσι λίθον, θνητοῖσ δὲ πλακοῦντασ. ὅτι δὲ καὶ οἱ Σάμιοι διαφέροντέσ εἰσι πλακοῦντεσ Σώπατροσ ὁ φλυακογράφοσ φησὶν ἐν Βακχίδοσ Μνηστῆρσιν πλακουντοποιὸν ὠνομασμένην Σάμον.
호흡부호 보기
강세부호 보기
장단부호 보기
작은 Iota 보기
모든 부호 보기