호흡부호 보기
강세부호 보기
장단부호 보기
작은 Iota 보기
모든 부호 보기
οὐκ ἠπόρει δ’ ἡμῶν τὸ συμπόσιον οὐδὲ τῶν φιλοσκωπτούντων. περὶ δὲ τοιούτου τινὸσ πάλιν ὁ Χρύσιπποσ ἐν τῷ αὐτῷ γράφει· "φιλοσκώπτησ τισ μέλλων ὑπὸ τοῦ δημίου σφάττεσθαι ἔτι ἕν τι ἔφη θέλειν ὥσπερ τὸ κύκνειον ᾄσασ ἀποθανεῖν. ἐπιτρέψαντοσ δ’ ἐκείνου ἔσκωψεν. ὑπὸ δὴ τῶν τοιούτων πολλάκισ ὁ Μυρτίλοσ σκωφθέντα καὶ ἀγανακτήσαντα εἶπεν καλῶσ Λυσίμαχον τὸν βασιλέα πεποιηκέναι. Τελέσφορον γὰρ ἕνα τῶν ὑπάρχων αὐτοῦ, ἐπειδὴ ἔσκωψέ ποτε ἐν συμποσίῳ τὴν Ἀρσινόην γυνὴ δ’ ἦν τοῦ Λυσιμάχου ὡσ ἐμετικὴν οὖσαν, εἰπών κακῶν κατάρχεισ τήνδ’ ἐμοῦσαν εἰσάγων, ὁ Λυσίμαχοσ ἀκούσασ ἐμβληθῆναι αὐτὸν ἐκέλευσεν εἰσ γαλεάγραν καὶ δίκην θηρίου περιφερόμενον καὶ τρεφόμενον, κολαζόμενον οὕτωσ ἐποίησεν ἀποθανεῖν, σὺ δέ, ὦ Οὐλπιανέ, εἰ τὴν γαλεάγραν ζητεῖσ, ἔχεισ παρ’ Ὑπερείδῃ τῷ ῥήτορι· ὅπου δέ, σὺ ζήτει. καὶ Ταχὼσ δ’ ὁ Αἰγυπτίων βασιλεὺσ Ἀγησίλαον σκώψασ τὸν Λακεδαιμονίων βασιλέα, ὅτ’ ἦλθεν αὐτῷ συμμαχήσων ἦν γὰρ βραχὺσ τὸ σῶμα, ἰδιώτησ ἐγένετο, ἀποστάντοσ ἐκείνου τῆσ συμμαχίασ, τὸ δὲ σκῶμμα τοῦτ’ ἦν·
ὤδινεν ὄροσ, Ζεὺσ δ’ ἐφοβεῖτο, τὸ δ’ ἔτεκεν μῦν. "φανήσομαὶ σοί ποτε καὶ λέων. καὶ Λυκέασ ὁ Ναυκρατίτησ ἐν τοῖσ Αἰγυπτιακοῖσ, οὐδὲν αὐτῷ συμπράξασ ἐποίησεν ἐκπεσόντα τῆσ ἀρχῆσ φυγεῖν εἰσ Πέρσασ.
호흡부호 보기
강세부호 보기
장단부호 보기
작은 Iota 보기
모든 부호 보기