헬라어 문장 검색 - ΑτηενάΤηεΔειπ

(아테나이오스, The Deipnosophists, Book 14, book 14, chapter 11)

Κλέαρχοσ δ’ ἐν πρώτῳ Ἐρωτικῶν νόμιον καλεῖσθαὶ τινά φησιν ᾠδὴν ἀπ’ Ἠριφανίδοσ, γράφων οὕτωσ · "Ἠριφανὶσ ἡ μελοποιὸσ Μενάλκου κυνηγετοῦντοσ ἐρασθεῖσα ἐθήρευεν μεταθέουσα ταῖσ ἐπιθυμίαισ. "φοιτῶσα γὰρ καὶ πλανωμένη πάντασ τοὺσ ὀρείουσ ἐπεξῄει δρυμούσ, ὡσ μῦθον εἶναι τοὺσ λεγομένουσ Ιοὖσ δρόμουσ· "ὥστε μὴ μόνον τῶν ἀνθρώπων τοὺσ ἀστοργίᾳ διαφέροντασ, ἀλλὰ καὶ τῶν θηρῶν· "τοὺσ ἀνημερωτάτουσ συνδακρῦσαι τῷ πάθει, λαβόντασ αἴσθησιν ἐρωτικῆσ ἐλπίδοσ. "ὅθεν ἐποίησέ τε καὶ ποιήσασα περιῄει κατὰ τὴν ἐρημίαν, ὥσ φασιν, ἀναβοῶσα καὶ ᾄδουσα τὸ καλούμενον νόμιον, ἐν ᾧ ἐστιν ’ μακραὶ δρύεσ, ὦ Μέναλκα. "ᾖδον, φησίν, αἱ ἀρχαῖαι γυναῖκεσ Καλύκην τινὰ ᾠδήν. Στησιχόρου δ’ ἦν ποίημα, ἐν ᾧ Καλύκη τισ ὄνομα ἐρῶσα Εὐάθλου νεανίσκου σωφρόνωσ εὔχεται τῇ Ἀφροδίτῃ γαμηθῆναι αὐτῷ. ἐπεὶ δὲ ὑπερεῖδεν ὁ νεανίσκοσ, κατεκρήμνισεν ἑαυτήν. ἐγένετο δὲ τὸ πάθοσ περὶ Λευκάδα. "σωφρονικὸν δὲ πάνυ κατεσκεύασεν ὁ ποιητὴσ τὸ τῆσ παρθένου ἦθοσ, οὐκ ἐκ παντὸσ τρόπου θελούσησ συγγενέσθαι τῷ νεανίσκῳ, ἀλλ’ εὐχομένησ εἰ δύναιτο γυνὴ τοῦ Εὐάθλου γενέσθαι κουριδία ἢ εἰ τοῦτο μὴ δυνατόν, ἀπαλλαγῆναι τοῦ βίου. "Ἴφικλοσ, φησίν, Ἁρπαλύκην ἐρασθεῖσαν ὑπερεῖδεν.

"ἡ δὲ ἀπέθανεν καὶ γίνεται ἐπ’ αὐτῇ παρθένοισ ἀγὼν ᾠδῆσ, ἥτισ Ἁρπαλύκη, φησί, καλεῖται. "ὁμοίωσ δὲ καὶ τῶν ᾠδῶν ἐνίασ κατανοήσειεν ἄν τισ ἃσ ἐκεῖνοι κατά τινα ἐπιχωριαζομένην παρ’ αὐτοῖσ ἑορτὴν ᾄδοντεσ ἀνακαλοῦνταί τινα τῶν ἀρχαίων, προσαγορεύοντεσ Βῶρμον.

"τοῦτον δὲ λέγουσιν υἱὸν γενέσθαι ἀνδρὸσ ἐπιφανοῦσ καὶ πλουσίου, τῷ δὲ κάλλει καὶ τῇ κατὰ τὴν ἀκμὴν ὡρ́ᾳ πολὺ τῶν ἄλλων διενεγκεῖν ὃν ἐφεστῶτα ἔργοισ ἰδίοισ καὶ βουλόμενον τοῖσ θερίζουσιν δοῦναι πιεῖν βαδίζοντα ἐφ’ ὕδωρ ἀφανισθῆναι. "ζητεῖν οὖν αὐτὸν τοὺσ ἀπὸ τῆσ χώρασ μετά τινοσ μεμελῳδημένου θρήνου καὶ ἀνακλήσεωσ, ᾧ καὶ νῦν ἔτι πάντεσ χρώμενοι διατελοῦσι. "τοιοῦτοσ δ’ ἐστὶ καὶ ὁ παρ’ Αἰγυπτίοισ καλούμενοσ Μάνερωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 14, book 14, chapter 11

(아테나이오스, The Deipnosophists, Book 14, book 14, chapter 11)

상위

목록

SEARCH

MENU NAVIGATION