헬라어 텍스트

Polybius, Histories, book 5, chapter 99

(폴리비오스, Histories, book 5, chapter 99)

Ὁ δὲ Φίλιπποσ διαψευσθεὶσ τῆσ πράξεωσ, καὶ καταστρατοπεδεύσασ περὶ τὸν Ἐνιπέα ποταμόν, συνῆγε τὰσ παρασκευὰσ ἔκ τε τῆσ Λαρίσησ καὶ τῶν ἄλλων πόλεων, ἃσ ἐπεποίητο κατὰ χειμῶνα πρὸσ τὴν πολιορκίαν· ἡ γὰρ ὅλη πρόθεσισ ἦν αὐτῷ τῆσ στρατείασ ἐξελεῖν τὰσ Φθιώτιδασ καλουμένασ Θήβασ.

ἡ δὲ πόλισ αὕτη κεῖται μὲν οὐ μακρὰν ἀπὸ τῆσ θαλάττησ, ἀπέχουσα Λαρίσησ ὡσ τριακοσίουσ σταδίουσ, ἐπίκειται δ’ εὐκαίρωσ τῇ τε Μαγνησίᾳ καὶ τῇ Θετταλίᾳ, καὶ μάλιστα τῆσ μὲν Μαγνησίασ τῇ τῶν Δημητριέων χώρᾳ, τῆσ δὲ Θετταλίασ τῇ τῶν Φαρσαλίων καὶ Φεραίων.

ἐξ ἧσ καὶ τότε, κατεχόντων αὐτὴν τῶν Αἰτωλῶν καὶ συνεχεῖσ ποιουμένων τὰσ ἐπιδρομάσ, μεγάλα συνέβαινε βλάπτεσθαι τούσ τε Δημητριεῖσ καὶ τοὺσ Φαρσαλίουσ, ἔτι δὲ Λαρισαίουσ·

πολλάκισ γὰρ ἐποιοῦντο τὰσ καταδρομὰσ ἑώσ ἐπὶ τὸ καλούμενον Ἀμυρικὸν πεδίον.

διόπερ ὁ Φίλιπποσ οὐκ ἐν μικρῷ τιθέμενοσ μεγάλην ἐποιεῖτο σπουδὴν ὑπὲρ τοῦ κατὰ κράτοσ ἐξελεῖν αὐτήν.

τὰ δὲ μεταξὺ τῶν στρατοπέδων τάφρῳ καὶ διπλῷ χάρακι διαλαβὼν ὠχυρώσατο, πρὸσ δὲ καὶ πύργοισ ξυλίνοισ ἠσφαλίσατο, κατὰ πλέθρον στήσασ αὐτοὺσ μετὰ φυλακῆσ τῆσ ἀρκούσησ.

ἑξῆσ δὲ τούτοισ τὰσ παρασκευὰσ ἁθροίσασ ὁμοῦ πάσασ ἤρξατο προσάγειν τὰ μηχανήματα πρὸσ τὴν ἄκραν.