헬라어 텍스트

Polybius, Histories, book 5, chapter 28

(폴리비오스, Histories, book 5, chapter 28)

φιλοτιμίαν ἐπανείλετο. καὶ τεταγμένοι ῥητὴν ἡμέραν, εἰσ ἣν ἠξίουν τὸν Φίλιππον ἀπαντῆσαι πρὸσ τὸ Ῥίον, ὑπισχνούμενοι πάντα ποιήσειν τοὺσ Αἰτωλοὺσ ἐφ’ ᾧ συνθέσθαι τὴν εἰρήνην.

ὁ δὲ Φίλιπποσ, δεξάμενοσ τὰσ ἀνοχάσ, τοῖσ μὲν συμμάχοισ ἔγραψε, διασαφῶν πέμπειν εἰσ Πάτρασ τοὺσ συνεδρεύσοντασ καὶ βουλευσομένουσ ὑπὲρ τῆσ πρὸσ Αἰτωλοὺσ διαλύσεωσ, αὐτὸσ δ’ ἐκ τοῦ Λεχαίου κατέπλευσε δευτεραῖοσ εἰσ τὰσ Πάτρασ.

κατὰ δὲ τὸν καιρὸν τοῦτον ἐπιστολαί τινεσ ἀνεπέμφθησαν πρὸσ αὐτὸν ἐκ τῶν κατὰ τὴν Φωκίδα τόπων, παρὰ τοῦ Μεγαλέα διαπεμπόμεναι πρὸσ τοὺσ Αἰτωλούσ, ἐν αἷσ ἦν παράκλησίσ τε τῶν Αἰτωλῶν θαρρεῖν καὶ μένειν ἐν τῷ πολέμῳ, διότι τὰ κατὰ τὸν Φίλιππον ἔξω τελέωσ ἐστὶ διὰ τὴν ἀχορηγησίαν·

πρὸσ δὲ τούτοισ κατηγορίαι τινὲσ τοῦ βασιλέωσ καὶ λοιδορίαι φιλαπεχθεῖσ ἦσαν. ἐπὶ δὲ τὸν Μεγαλέαν εἰσ τὰσ Θήβασ Ἀλέξανδρον ἔπεμψε, προστάξασ ἄγειν αὐτὸν ἐπὶ τὰσ ἀρχὰσ πρὸσ τὴν ἐγγύην.

τοῦ δ’ Ἀλεξάνδρου τὸ προσταχθὲν ποιήσαντοσ, οὐχ ὑπέμεινε τὴν πρᾶξιν ὁ Μεγαλέασ, ἀλλ’ αὑτῷ προσήνεγκε τὰσ χεῖρασ.

περὶ δὲ τὰσ αὐτὰσ ἡμέρασ συνέβη καὶ τὸν Ἀπελλῆν μεταλλάξαι τὸν βίον, ἅμα δὲ καὶ τὸν υἱὸν καὶ τὸν ἐρώμενον.