Polybius, Histories, book 5, chapter 79

(폴리비오스, Histories, book 5, chapter 79)

χώρησε μετὰ τῆσ δυνάμεωσ εἰσ Πέργαμον· Ἀντίοχοσ δὲ καὶ Πτολεμαῖοσ, τῆσ ἐαρινῆσ ὡρ́ασ ἐνισταμένησ, ἑτοίμασ ἔχοντεσ τὰσ παρασκευὰσ ἐγίνοντο πρὸσ τῷ διὰ μάχησ κρίνειν τὴν ἔφοδον. οἱ μὲν οὖν περὶ τὸν Πτολεμαῖον ὡρ́μησαν ἐκ τῆσ Ἀλεξανδρείασ, ἔχοντεσ πεζῶν μὲν εἰσ ἑπτὰ μυριάδασ, ἱππεῖσ δὲ πεντακισχιλίουσ, ἐλέφαντασ ἑβδομήκοντα τρεῖσ·

Ἀντίοχοσ δὲ γνοὺσ τὴν ἔφοδον αὐτῶν συνῆγε τὰσ δυνάμεισ.

ἦσαν δ’ αὗται Δάαι μὲν καὶ Καρμάνιοι καὶ Κίλικεσ εἰσ τὸν τῶν εὐζώνων τρόπον καθωπλισμένοι περὶ πεντακισχιλίουσ· τούτων δ’ ἅμα τὴν ἐπιμέλειαν εἶχε καὶ τὴν ἡγεμονίαν Βύττακοσ ὁ Μακεδών. ὑπὸ δὲ Θεόδοτον τὸν Αἰτωλὸν τὸν ποιησάμενον τὴν προδοσίαν ἦσαν ἐκ πάσησ ἐκλελεγμένοι τῆσ βασιλείασ, καθωπλισμένοι δ’ εἰσ τὸν Μακεδονικὸν τρόπον, ἄνδρεσ μύριοι·

τούτων οἱ πλείονεσ ἀργυράσπιδεσ. τὸ δὲ τῆσ φάλαγγοσ πλῆθοσ ἦν εἰσ δυσμυρίουσ, ἧσ ἡγεῖτο Νίκαρχοσ καὶ Θεόδοτοσ ὁ καλούμενοσ ἡμιόλιοσ.

πρὸσ δὲ τούτοισ Ἀγριᾶνεσ καὶ Πέρσαι τοξόται καὶ σφενδονῆται δισχίλιοι.

μετὰ δὲ τούτων χίλιοι Θρᾷκεσ, ὧν ἡγεῖτο Μενέδημοσ Ἀλαβανδεύσ. ὑπῆρχον δὲ καὶ Μήδων καὶ Κισσίων καὶ Καδουσίων καὶ Καρμανῶν οἱ πάντεσ εἰσ πεντακισχιλίουσ, οἷσ ἀκούειν Ἀσπασιανοῦ προσετέτακτο τοῦ Μήδου.

Ἄραβεσ δὲ καί τινεσ τῶν τούτοισ προσχώρων ἦσαν μὲν εἰσ μυρίουσ, ὑπετάττοντο δὲ Ζαβδιβήλῳ.

τῶν δ’ ἀπὸ τῆσ Ἑλλάδοσ μισθοφόρων ἡγεῖτο μὲν Ἱππόλοχοσ Θετταλόσ, ὑπῆρχον δὲ τὸν ἀριθμὸν εἰσ πεντακισχιλίουσ.

Κρῆτασ δὲ χιλίουσ μὲν καὶ πεντακοσίουσ εἶχε τοὺσ μετ’ Εὐρυλόχου, χιλίουσ δὲ Νεόκρητασ τοὺσ ὑπὸ Ζέλυν τὸν Γορτύνιον ταττομένουσ·

οἷσ ἅμα συνῆσαν ἀκοντισταὶ Λυδοὶ πεντακόσιοι καὶ Κάρδακεσ οἱ μετὰ Λυσιμάχου τοῦ Γαλάτου χίλιοι.

τῶν δ’ ἱππέων ἦν τὸ πᾶν πλῆθοσ εἰσ ἑξακισχιλίουσ·

εἶχε δὲ τῶν μὲν τετρακισχιλίων τὴν ἡγεμονίαν Ἀντίπατροσ ὁ τοῦ βασιλέωσ ἀδελφιδοῦσ, ἐπὶ δὲ τῶν λοιπῶν ἐτέτακτο Θεμίσων. καὶ τῆσ μὲν Ἀντιόχου δυνάμεωσ τὸ πλῆθοσ ἦν πεζοὶ μὲν ἑξακισμύριοι καὶ δισχίλιοι, σὺν δὲ τούτοισ ἱππεῖσ ἑξακισχίλιοι, θηρία δὲ δυσὶ πλείω τῶν ἑκατόν.

일치하는 문장이 없습니다.

SEARCH

MENU NAVIGATION