호흡부호 보기
강세부호 보기
장단부호 보기
작은 Iota 보기
모든 부호 보기
Ἅμα δὲ τοῖσ προειρημένοισ Σκερδιλαί̈δασ, νομίζων ὑπὸ τοῦ βασιλέωσ ἀδικεῖσθαι διὰ τό τινα τῶν χρημάτων ἐλλείπειν αὐτῷ τῶν κατὰ τὰσ συντάξεισ ὁμολογηθέντων, ἃσ ἐποιήσατο πρὸσ Φίλιππον, ἐξαπέστειλε λέμβουσ πεντεκαίδεκα, μετὰ δόλου ποιούμενοσ τὴν ἐπιβολὴν τῆσ κομιδῆσ τῶν χρημάτων· οἳ καὶ κατέπλευσαν εἰσ Λευκάδα, πάντων αὐτοὺσ ὡσ φιλίουσ προσδεχομένων διὰ τὴν γεγενημένην κοινοπραγίαν.
ἄλλο μὲν οὖν οὐκ ἔφθασαν οὐδὲν ἐργάσασθαι κακὸν οὐδ’ ἐδυνήθησαν, Ἀγαθίνῳ δὲ καὶ Κασσάνδρῳ τοῖσ Κορινθίοισ ἐπιπλέουσι ταῖσ Ταυρίωνοσ ναυσὶ καὶ συγκαθορμισθεῖσιν ὡσ φίλοισ μετὰ τεττάρων πλοίων, παρασπονδήσαντεσ ἐπέθεντο, καὶ συλλαβόντεσ αὐτούσ τε καὶ τὰ πλοῖα πρὸσ Σκερδιλαί̈δαν ἀπέπεμψαν.
μετὰ δὲ ταῦτα ποιησάμενοι τὴν ἀναγωγὴν ἐκ τῆσ Λευκάδοσ καὶ πλεύσαντεσ ὡσ ἐπὶ Μαλέασ ἐλῄζοντο καὶ κατῆγον τοὺσ ἐμπόρουσ.
Εὐριπίδασ δὲ τοὺσ Αἰτωλοὺσ ἔχων ἐξώδευσε, βουλόμενοσ κατασῦραι τὴν τῶν Τριταιέων χώραν.
οἱ δὲ περὶ Λύκον καὶ Δημόδοκον τὸν τῶν Ἀχαιῶν ἱππάρχην συνέντεσ τὴν ἐκ τῆσ Ἤλιδοσ τῶν Αἰτωλῶν ἔξοδον, ἐπισυναγαγόντεσ τοὺσ Δυμαίουσ καὶ τοὺσ Πατρεῖσ καὶ Φαραιεῖσ, σὺν δὲ τούτοισ ἔχοντεσ τοὺσ μισθοφόρουσ, ἐνέβαλον εἰσ τὴν Ἠλείαν.
παραγενόμενοι δ’ ἐπὶ τὸ Φύξιον καλούμενον τοὺσ μὲν εὐζώνουσ καὶ τοὺσ ἱππεῖσ ἐφῆκαν εἰσ τὴν καταδρομήν, τὰ δὲ βαρέα τῶν ὅπλων ἔκρυψαν περὶ τὸν προειρημένον τόπον.
ἐκβοηθησάντων δὲ πανδημεὶ τῶν Ἠλείων ἐπὶ τοὺσ κατατρέχοντασ καὶ προσκειμένων τοῖσ ἀποχωροῦσιν, ἐξαναστάντεσ οἱ περὶ τὸν Λύκον ἐπέθεντο τοῖσ προπεπτωκόσι.
τῶν δ’ Ἠλείων οὐ δεξαμένων τὴν ὁρμήν, ἀλλ’ ἐξ ἐπιφανείασ τραπέντων, ἀπέκτειναν μὲν αὐτῶν εἰσ διακοσίουσ, ζωγρίᾳ δ’ ἔλαβον ὀγδοήκοντα, συνεκόμισαν δὲ καὶ τὴν περιελαθεῖσαν λείαν ἀσφαλῶσ.
ἅμα δὲ τούτοισ ὁ ναύαρχοσ τῶν Ἀχαιῶν ποιησάμενοσ ἀποβάσεισ πλεονάκισ εἴσ τε τὴν Καλυδωνίαν καὶ Ναυπακτίαν τήν τε χώραν κατέσυρε καὶ τὴν βοήθειαν αὐτῶν συνέτριψε δίσ.
ἔλαβε δὲ καὶ Κλεόνικον τὸν Ναυπάκτιον, ὃσ διὰ τὸ πρόξενοσ ὑπάρχειν τῶν Ἀχαιῶν παραυτὰ μὲν οὐκ ἐπράθη, μετὰ δέ τινα χρόνον ἀφείθη χωρὶσ λύτρων.
호흡부호 보기
강세부호 보기
장단부호 보기
작은 Iota 보기
모든 부호 보기