Polybius, Histories, book 5, chapter 104

(폴리비오스, Histories, book 5, chapter 104)

βασιλέα καὶ τοὺσ παρόντασ συμμάχουσ. ὃσ ἔφη δεῖν μάλιστα μὲν μηδέποτε πολεμεῖν τοὺσ Ἕλληνασ ἀλλήλοισ, ἀλλὰ μεγάλην χάριν ἔχειν τοῖσ θεοῖσ, εἰ λέγοντεσ ἓν καὶ ταὐτὸ πάντεσ καὶ συμπλέκοντεσ τὰσ χεῖρασ, καθάπερ οἱ τοὺσ ποταμοὺσ διαβαίνοντεσ, δύναιντο τὰσ τῶν βαρβάρων ἐφόδουσ ἀποτριβόμενοι συσσῴζειν σφᾶσ αὐτοὺσ καὶ τὰσ πόλεισ. οὐ μὴν ἀλλ’ εἰ τὸ παράπαν τοῦτο μὴ δυνατόν, κατά γε τὸ παρὸν ἠξίου συμφρονεῖν καὶ φυλάττεσθαι, προϊδομένουσ τὸ βάροσ τῶν στρατοπέδων καὶ τὸ μέγεθοσ τοῦ συνεστῶτοσ πρὸσ ταῖσ δύσεσι πολέμου·

δῆλον γὰρ εἶναι παντὶ τῷ καὶ μετρίωσ περὶ τὰ κοινὰ σπουδάζοντι καὶ νῦν, ὡσ ἐάν τε Καρχηδόνιοι Ῥωμαίων ἐάν τε Ῥωμαῖοι Καρχηδονίων περιγένωνται τῷ πολέμῳ, διότι κατ’ οὐδένα τρόπον εἰκόσ ἐστι τοὺσ κρατήσαντασ ἐπὶ ταῖσ Ἰταλιωτῶν καὶ Σικελιωτῶν μεῖναι δυναστείαισ, ἥξειν δὲ καὶ διατείνειν τὰσ ἐπιβολὰσ καὶ δυνάμεισ αὑτῶν πέρα τοῦ δέοντοσ.

μάλιστα δὲ Φίλιππον.

εἶναι δὲ φυλακήν, ἐὰν ἀφέμενοσ τοῦ καταφθείρειν τοὺσ Ἕλληνασ καὶ ποιεῖν εὐχειρώτουσ τοῖσ ἐπιβαλλομένοισ κατὰ τοὐναντίον ὡσ ὑπὲρ ἰδίου σώματοσ βουλεύηται, καὶ καθόλου πάντων.

τῶν τῆσ Ἑλλάδοσ μερῶν ὡσ οἰκείων καὶ προσηκόντων αὑτῷ ποιῆται πρόνοιαν· τοῦτον γὰρ τὸν τρόπον χρωμένου τοῖσ πράγμασι τοὺσ μὲν Ἕλληνασ εὔνουσ ὑπάρχειν αὐτῷ καὶ βεβαίουσ συναγωνιστὰσ πρὸσ τὰσ ἐπιβολάσ, τοὺσ δ’ ἔξωθεν ἧττον ἐπιβουλεύσειν αὐτοῦ τῇ δυναστείᾳ, καταπεπληγμένουσ τὴν τῶν Ἑλλήνων πρὸσ αὐτὸν πίστιν.

εἰ δὲ πραγμάτων ὀρέγεται, πρὸσ τὰσ δύσεισ βλέπειν αὐτὸν ἠξίου καὶ τοῖσ ἐν Ἰταλίᾳ συνεστῶσι πολέμοισ προσέχειν τὸν νοῦν, ἵνα γενόμενοσ ἔφεδροσ ἔμφρων πειραθῇ σὺν καιρῷ τῆσ τῶν ὅλων ἀντιποιήσασθαι δυναστείασ.

εἶναι δὲ τὸν ἐνεστῶτα καιρὸν οὐκ ἀλλότριον τῆσ ἐλπίδοσ ταύτησ.

τὰσ δὲ πρὸσ τοὺσ Ἕλληνασ διαφορὰσ καὶ τοὺσ πολέμουσ εἰσ τὰσ ἀναπαύσεισ αὐτὸν ὑπερτίθεσθαι παρεκάλει, καὶ μάλιστα σπουδάζειν περὶ τούτου τοῦ μέρουσ, ἵν’ ἔχῃ τὴν ἐξουσίαν, ὅταν βούληται, καὶ διαλύεσθαι καὶ πολεμεῖν πρὸσ αὐτούσ·

ἡμῶν ἐπὶ τοσοῦτον ὥστε κἂν εὔξασθαι τοῖσ θεοῖσ ὑπάρχειν ἡμῖν τὴν ἐξουσίαν ταύτην, καὶ πολεμεῖν ὅταν βουλώμεθα καὶ διαλύεσθαι πρὸσ ἀλλήλουσ, καὶ καθόλου κυρίουσ εἶναι τῶν ἐν αὑτοῖσ ἀμφισβητουμένων.

일치하는 문장이 없습니다.

SEARCH

MENU NAVIGATION