헬라어 텍스트

Polybius, Histories, book 5, chapter 92

(폴리비오스, Histories, book 5, chapter 92)

Ἄρατοσ μὲν οὖν ταῦτ’ ἔπραττε καὶ ταύτασ ἐξήρτυε τὰσ παρασκευάσ· ὁ δὲ Λυκοῦργοσ καὶ Πυρρίασ διαπεμψάμενοι πρὸσ ἀλλήλουσ, ἵνα ταῖσ αὐταῖσ ἡμέραισ ποιήσωνται τὴν ἔξοδον, προῆγον εἰσ τὴν Μεσσηνίαν.

ὁ δὲ στρατηγὸσ τῶν Ἀχαιῶν, συνεὶσ τὴν ἐπιβολὴν αὐτῶν, ἧκεν ἔχων τοὺσ μισθοφόρουσ καί τινασ τῶν ἐπιλέκτων εἰσ τὴν Μεγάλην πόλιν παραβοηθήσων τοῖσ Μεσσηνίοισ.

Λυκοῦργοσ δ’ ἐξορμήσασ τὰσ μὲν Καλάμασ, χωρίον τι τῶν Μεσσηνίων, προδοσίᾳ κατέσχε, μετὰ δὲ ταῦτα προῆγε, σπεύδων συμμῖξαι τοῖσ Αἰτωλοῖσ.

ὁ δὲ Πυρρίασ παντελῶσ ἐλαφρὸσ ἐξελθὼν ἐκ τῆσ Ἤλιδοσ, καὶ κατὰ τὴν εἰσβολὴν τὴν εἰσ Μεσσηνίαν εὐθέωσ κωλυθεὶσ ὑπὸ τῶν Κυπαρισσέων, ἀνέστρεψε.

διόπερ ὁ Λυκοῦργοσ, οὔτε συμμῖξαι δυνάμενοσ τοῖσ περὶ τὸν Πυρρίαν οὔτ’ αὐτὸσ ἀξιόχρεωσ ὑπάρχων, ἐπὶ βραχὺ προσβολὰσ ποιησάμενοσ πρὸσ τὴν Ἀνδανίαν ἄπρακτοσ αὖθισ εἰσ τὴν Σπάρτην ἀπηλλάγη.

τοῖσ δ’ Ἀχαϊκοῖσ ἐπιλέκτοισ καὶ μισθοφόροισ τὰ πρὸσ τὴν Ἠλείαν καὶ τὴν Αἰτωλίαν ἐστραμμένα μέρη τῆσ Ἀχαί̈ασ τηρεῖν.