헬라어 문장 검색 - ΠολψβίΗιστορί05́063́

(폴리비오스, Histories, book 5, chapter 63)

παρασκευάσ. λοιπὸν δὲ συνεδρεύσαντεσ οἱ περὶ τὸν Ἀγαθοκλέα καὶ Σωσίβιον, οἱ τότε προεστῶτεσ τῆσ βασιλείασ, ἐκ τῶν ἐνδεχομένων τὸ δυνατὸν ἔλαβον πρὸσ τὸ παρόν. ἐβουλεύσαντο γὰρ γίνεσθαι μὲν περὶ τὴν τοῦ πολέμου παρασκευήν, ἐν δὲ τῷ μεταξὺ διαπρεσβευόμενοι κατεκλύειν τὸν Ἀντίοχον, συνεργοῦντεσ κατὰ τὴν ἔμφασιν τῇ προϋπαρχούσῃ περὶ αὐτὸν ὑπὲρ τοῦ Πτολεμαίου διαλήψει·

αὕτη δ’ ἦν ὡσ πολεμεῖν μὲν οὐκ ἂν τολμήσαντοσ, διὰ λόγου δὲ καὶ τῶν φίλων διδάξοντοσ καὶ πείσοντοσ αὐτὸν ἀποστῆναι τῶν κατὰ Κοίλην Συρίαν τόπων.

κριθέντων δὲ τούτων οἱ περὶ τὸν Ἀγαθοκλέα καὶ Σωσίβιον ἐπὶ τοῦτο τὸ μέροσ ταχθέντεσ ἐξέπεμπον ἐπιμελῶσ τὰσ πρεσβείασ πρὸσ τὸν Ἀντίοχον.

ἅμα δὲ διαπεμψάμενοι πρόσ τε Ῥοδίουσ καὶ Βυζαντίουσ καὶ Κυζικηνούσ, σὺν δὲ τούτοισ Αἰτωλούσ, ἐπεσπάσαντο πρεσβείασ ἐπὶ τὰσ διαλύσεισ.

αἳ καὶ παραγενόμεναι μεγάλασ αὐτοῖσ ἔδοσαν ἀφορμάσ, διαπρεσβευόμεναι πρὸσ ἀμφοτέρουσ τοὺσ βασιλεῖσ, εἰσ τὸ λαβεῖν ἀναστροφὴν καὶ χρόνον πρὸσ τὰσ τοῦ πολέμου παρασκευάσ.

ταύταισ τε δὴ κατὰ τὸ συνεχὲσ ἐχρημάτιζον ἐν τῇ Μέμφει προκαθήμενοι, παραπλησίωσ δὲ καὶ τὰσ παρὰ τῶν περὶ τὸν Ἀντίοχον ἀπεδέχοντο, φιλανθρώπωσ ποιούμενοι τὰσ ἀπαντήσεισ.

ἀνεκαλοῦντο δὲ καὶ συνήθροιζον εἰσ τὴν Ἀλεξάνδρειαν τοὺσ μισθοφόρουσ τοὺσ ἐν ταῖσ ἔξω πόλεσιν ὑπ’ αὐτῶν μισθοδοτουμένουσ.

ἐξαπέστελλον δὲ καὶ ξενολόγουσ καὶ παρεσκεύαζον τοῖσ προϋπάρχουσι καὶ τοῖσ παραγινομένοισ τὰσ σιταρχίασ.

ὡσαύτωσ δὲ καὶ περὶ τὴν λοιπὴν ἐγίνοντο παρασκευήν, ἀνὰ μέροσ καὶ συνεχῶσ διατρέχοντεσ εἰσ τὴν Ἀλεξάνδρειαν, ἵνα μηδὲν ἐλλίπῃ τῶν χορηγιῶν πρὸσ τὰσ προκειμένασ ἐπιβολάσ.

τὴν δὲ περὶ τὰ ὅπλα κατασκευὴν καὶ τὴν τῶν ἀνδρῶν ἐκλογὴν καὶ διαίρεσιν Ἐχεκράτει τῷ Θετταλῷ καὶ Φοξίδᾳ τῷ Μελιταιεῖ παρέδοσαν, ἅμα δὲ τούτοισ Εὐρυλόχῳ τῷ Μάγνητι καὶ Σωκράτει τῷ Βοιωτίῳ·

σὺν οἷσ ἦν καὶ Κνωπίασ Ἀλλαριώτησ.

εὐκαιρότατα γὰρ δὴ τούτων ἐπελάβοντο τῶν ἀνδρῶν, οἵτινεσ ἔτι Δημητρίῳ καὶ Ἀντιγόνῳ συστρατευόμενοι κατὰ ποσὸν ἔννοιαν εἶχον τῆσ ἀληθείασ καὶ καθόλου τῆσ ἐν τοῖσ ὑπαίθροισ χρείασ.

οὗτοι δὲ παραλαβόντεσ τὸ πλῆθοσ ἐνδεχομένωσ ἐχείριζον καὶ στρατιωτικῶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 5, chapter 63

(폴리비오스, Histories, book 5, chapter 63)

상위

목록

SEARCH

MENU NAVIGATION