헬라어 텍스트

Polybius, Histories, book 5, chapter 97

(폴리비오스, Histories, book 5, chapter 97)

Κατὰ δὲ τοὺσ αὐτοὺσ καιροὺσ Φίλιπποσ ὁ βασιλεὺσ κατελάβετο Βυλάζωρα, μεγίστην οὖσαν πόλιν τῆσ Παιονίασ καὶ λίαν εὐκαίρωσ κειμένην πρὸσ τὰσ εἰσβολὰσ τὰσ ἀπὸ τῆσ Δαρδανικῆσ εἰσ Μακεδονίαν, ὥστε διὰ τῆσ πράξεωσ ταύτησ σχεδὸν ἀπολελύσθαι τοῦ φόβου τοῦ κατὰ Δαρδανίουσ· οὐ γὰρ ἔτι ῥᾴδιον ἦν αὐτοῖσ ἐμβαλεῖν εἰσ Μακεδονίαν κρατοῦντοσ Φιλίππου τῶν εἰσόδων διὰ τῆσ προειρημένησ πόλεωσ.

ἀσφαλισάμενοσ δὲ ταύτην Χρυσόγονον μὲν ἐξαπέστειλε κατὰ σπουδὴν ἐπισυνάξοντα τοὺσ ἄνω Μακεδόνασ, αὐτὸσ δὲ παραλαβὼν τοὺσ ἐκ τῆσ Βοττίασ καὶ τῆσ Ἀμφαξίτιδοσ ἧκεν ἔχων εἰσ Ἔδεσσαν.

προσδεξάμενοσ δ’ ἐνταῦθα τοὺσ μετὰ Χρυσογόνου Μακεδόνασ ἐξώρμησε μετὰ πάσησ τῆσ δυνάμεωσ, καὶ παρῆν ἑκταῖοσ εἰσ Λάρισαν.

κατὰ δὲ τὸ συνεχὲσ ἐνεργῷ νυκτοπορίᾳ χρησάμενοσ ὑπὸ τὴν ἑωθινὴν ἧκε πρὸσ Μελίτειαν, καὶ προσθεὶσ τὰσ κλιμακίδασ τοῖσ τείχεσι κατεπείραζε τῆσ πόλεωσ.

τῷ μὲν οὖν αἰφνιδίῳ καὶ παραδόξῳ κατεπλήξατο τοὺσ Μελιταιεῖσ, ὥστε ῥᾳδίωσ ἂν κρατῆσαι τῆσ πόλεωσ·