Polybius, Histories, book 5, chapter 39

(폴리비오스, Histories, book 5, chapter 39)

παρατηρήσασ οὖν ἔξοδον τοῦ βασιλέωσ εἰσ Κάνωβον, διέδωκε τοῖσ φυλάττουσιν αὑτὸν φήμην ὡσ ἀφίεσθαι μέλλων ὑπὸ τοῦ βασιλέωσ, καὶ διὰ ταύτην τὴν αἰτίαν αὐτόσ τε τοὺσ αὑτοῦ θεράποντασ εἱστία καὶ τοῖσ φυλάττουσιν ἱερεῖα καὶ στεφάνουσ, ἅμα δὲ τούτοισ οἶνον ἐξαπέστειλε. τῶν δὲ χρωμένων τούτοισ ἀνυπονοήτωσ καὶ καταμεθυσθέντων, παραλαβὼν τοὺσ συνόντασ φίλουσ καὶ τοὺσ περὶ αὑτὸν παῖδασ περὶ μέσον ἡμέρασ λαθὼν τοὺσ φύλακασ ἐξῆλθε μετ’ ἐγχειριδίων.

προάγοντεσ δὲ καὶ συντυχόντεσ κατὰ τὴν πλατεῖαν Πτολεμαίῳ τῷ τότ’ ἐπὶ τῆσ πόλεωσ ἀπολελειμμένῳ, καταπληξάμενοι τῷ παραβόλῳ τοὺσ συνόντασ αὐτῷ, τοῦτον μὲν κατασπάσαντεσ ἀπὸ τοῦ τεθρίππου παρέκλεισαν, τὰ δὲ πλήθη παρεκάλουν ἐπὶ τὴν ἐλευθερίαν.

οὐδενὸσ δὲ προσέχοντοσ αὐτοῖσ οὐδὲ συνεξισταμένου διὰ τὸ παράδοξον τῆσ ἐπιβολῆσ, ἐπιστρέψαντεσ ὡρ́μησαν πρὸσ τὴν ἄκραν, ὡσ ἀνασπάσοντεσ ταύτησ τὰσ πυλίδασ καὶ συγχρησόμενοι τοῖσ εἰσ τὴν φυλακὴν ἀπηγμένοισ τῶν ἀνδρῶν.

ἀποσφαλέντεσ δὲ καὶ ταύτησ τῆσ ἐπιβολῆσ διὰ τὸ τοὺσ ἐφεστῶτασ προαισθομένουσ τὸ μέλλον ἀσφαλίσασθαι τὴν πύλην, προσήνεγκαν αὑτοῖσ τὰσ χεῖρασ εὐψύχωσ πάνυ καὶ Λακωνικῶσ.

ἀνὴρ γενόμενοσ καὶ πρὸσ τὰσ ὁμιλίασ ἐπιδέξιοσ καὶ πρὸσ πραγμάτων οἰκονομίαν εὐφυὴσ καὶ συλλήβδην ἡγεμονικὸσ καὶ βασιλικὸσ τῇ φύσει.

일치하는 문장이 없습니다.

SEARCH

MENU NAVIGATION