Polybius, Histories, book 5, chapter 18

(폴리비오스, Histories, book 5, chapter 18)

Τεγεατῶν γίνεσθαι πόλει. ταῦτα δὲ διαπραξάμενοσ, καὶ μείνασ οὐδένα χρόνον ἐν τῇ Κορίνθῳ, παρήγγειλε τοῖσ Μακεδόσιν ἀναζυγήν. ποιησάμενοσ δὲ τὴν πορείαν δι’ Ἄργουσ ἧκε δευτεραῖοσ εἰσ Τεγέαν. προσαναλαβὼν δὲ τοὺσ ἡθροισμένουσ τῶν Ἀχαιῶν προῆγε διὰ τῆσ ὀρεινῆσ, σπουδάζων λαθεῖν τοὺσ Λακεδαιμονίουσ ἐμβαλὼν εἰσ τὴν χώραν.

περιελθὼν δὲ ταῖσ ἐρημίαισ, τεταρταῖοσ ἐπέβαλε τοῖσ καταντικρὺ τῆσ πόλεωσ λόφοισ, καὶ παρῄει δεξιὸν ἔχων τὸ Μενελάιον ἐπ’ αὐτὰσ τὰσ Ἀμύκλασ.

οἱ δὲ Λακεδαιμόνιοι, θεωροῦντεσ ἐκ τῆσ πόλεωσ παράγουσαν τὴν δύναμιν, ἐκπλαγεῖσ ἐγένοντο καὶ περίφοβοι, θαυμάζοντεσ τὸ συμβαῖνον.

ἀκμὴν γὰρ ἦσαν μετέωροι ταῖσ διανοίαισ ἐκ τῶν προσπιπτόντων ὑπὲρ τοῦ Φιλίππου περὶ τὴν καταφθορὰν τοῦ Θέρμου καὶ καθόλου ταῖσ ἐν Αἰτωλίᾳ πράξεσι, καί τισ ἐνεπεπτώκει θροῦσ παρ’ αὐτοῖσ ὑπὲρ τοῦ τὸν Λυκοῦργον ἐκπέμπειν βοηθήσοντα τοῖσ Αἰτωλοῖσ.

ὑπὲρ δὲ τοῦ τὸ δεινὸν ἥξειν ἐπὶ σφᾶσ οὕτωσ ὀξέωσ ἐκ τηλικούτου διαστήματοσ οὐδὲ διενοεῖτο παράπαν αὐτῶν οὐδείσ, ἅτε καὶ τῆσ ἡλικίασ ἐχούσησ ἀκμὴν εὐκαταφρόνητόν τι τῆσ τοῦ βασιλέωσ.

διὸ καὶ παρὰ δόξαν αὐτοῖσ τῶν πραγμάτων συγκυρούντων εἰκότωσ ἦσαν ἐκπλαγεῖσ. ὁ γὰρ Φίλιπποσ τολμηρότερον καὶ πρακτικώτερον ἢ κατὰ τὴν ἡλικίαν χρώμενοσ ταῖσ ἐπιβολαῖσ εἰσ ἀπορίαν καὶ δυσχρηστίαν ἅπαντασ ἦγε τοὺσ πολεμίουσ.

ἀναχθεὶσ γὰρ ἐκ μέσησ Αἰτωλίασ, καθάπερ ἐπάνω προεῖπον, καὶ διανύσασ ἐν νυκτὶ τὸν Ἀμβρακικὸν κόλπον, εἰσ Λευκάδα κατῆρε.

δύο δὲ μείνασ ἡμέρασ ἐνταῦθα, τῇ τρίτῃ ποιησάμενοσ ὑπὸ τὴν ἑωθινὴν τὸν ἀνάπλουν, δευτεραῖοσ πορθήσασ ἅμα τὴν τῶν Αἰτωλῶν παραλίαν ἐν Λεχαίῳ καθωρμίσθη.

μετὰ δὲ ταῦτα κατὰ τὸ συνεχὲσ ποιούμενοσ τὰσ πορείασ ἑβδομαῖοσ ἐπέβαλε τοῖσ ὑπὲρ τὴν πόλιν κειμένοισ παρὰ τὸ Μενελάιον λόφοισ, ὥστε τοὺσ πλείστουσ ὁρῶντασ τὸ γεγονὸσ μὴ πιστεύειν τοῖσ συμβαίνουσιν.

일치하는 문장이 없습니다.

SEARCH

MENU NAVIGATION