Polybius, Histories, book 5, chapter 23

(폴리비오스, Histories, book 5, chapter 23)

τοὺσ ἱππεῖσ. ἐξ οὗ καὶ συνέβη τὰσ ἀρχὰσ ἐπικυδεστέρωσ ἀγωνίζεσθαι τοὺσ παρὰ τῶν Λακεδαιμονίων, ἅτε καὶ τοῦ καθοπλισμοῦ καὶ τῶν τόπων αὐτοῖσ οὐ μικρὰ συμβαλλομένων.

τότε συνέβη τοὺσ μὲν παρὰ τοῦ Φιλίππου μισθοφόρουσ ἐπαρθέντασ τῇ τῶν Ἰλλυριῶν καὶ πελταστῶν ἐφεδρείᾳ πολλαπλασίωσ ἐπιρρωσθῆναι πρὸσ τὸν κίνδυνον, τοὺσ δὲ παρὰ τοῦ Λυκούργου, καταπλαγέντασ τὴν τῶν βαρέων ὅπλων ἔφοδον, ἐγκλίναντασ φυγεῖν.

ἔπεσον μὲν οὖν αὐτῶν εἰσ ἑκατόν, ἑάλωσαν δὲ μικρῷ πλείουσ·

οἱ δὲ λοιποὶ διέφυγον εἰσ τὴν πόλιν. ὁ δὲ Λυκοῦργοσ αὐτὸσ ταῖσ ἀνοδίαισ ὁρμήσασ νύκτωρ μετ’ ὀλίγων ἐποιήσατο τὴν εἰσ πόλιν πάροδον. Φίλιπποσ δὲ τοὺσ μὲν λόφουσ τοῖσ Ἰλλυριοῖσ κατελάβετο, τοὺσ δ’ εὐζώνουσ ἔχων καὶ πελταστὰσ ἐπανῄει πρὸσ τὴν δύναμιν.

Ἄρατοσ δὲ κατὰ τὸν καιρὸν τοῦτον, ἄγων ἐκ τῶν Ἀμυκλῶν τὴν φάλαγγα, σύνεγγυσ ἦν ἤδη τῆσ πόλεωσ.

ὁ μὲν οὖν βασιλεὺσ διαβὰσ τὸν ποταμὸν ἐφήδρευε τοῖσ εὐζώνοισ καὶ πελτασταῖσ, ἔτι δὲ τοῖσ ἱππεῦσιν, ἑώσ τὰ βαρέα τῶν ὅπλων ὑπ’ αὐτοὺσ τοὺσ βουνοὺσ ἀσφαλῶσ διῄει τὰσ δυσχωρίασ.

일치하는 문장이 없습니다.

SEARCH

MENU NAVIGATION