Polybius, Histories, book 5, chapter 46

(폴리비오스, Histories, book 5, chapter 46)

λίμναισ, ἐξ ὧν ὁ μυρεψικὸσ κείρεται κάλαμοσ. ἐπίκειται δὲ τοῖσ στενοῖσ ἐκ μὲν θατέρου μέρουσ Βρόχοι προσαγορευόμενόν τι χωρίον, ἐκ δὲ θατέρου Γέρρα, στενὴν ἀπολείποντα πάροδον. ποιησάμενοσ δὲ διὰ τοῦ προειρημένου τὴν πορείαν αὐλῶνοσ ἐπὶ πλείουσ ἡμέρασ, καὶ προσαγαγόμενοσ τὰσ παρακειμένασ πόλεισ, παρῆν πρὸσ τὰ Γέρρα.

πλείω δὲ πάσχων ἢ ποιῶν κακὰ διὰ τὴν ὀχυρότητα τῶν τόπων καὶ διὰ τὸ μένειν ἔτι τὸν Θεόδοτον ἀκέραιον, ἀπέστη τῆσ ἐπιβολῆσ.

διὸ καὶ τοιαύτησ οὔσησ τῆσ περὶ τοὺσ τόπουσ δυσχρηστίασ, προσπεσόντοσ αὐτῷ Ξενοίταν ἐπταικέναι τοῖσ ὅλοισ καὶ τὸν Μόλωνα πάντων τῶν ἄνω τόπων ἐπικρατεῖν, ἀφέμενοσ τούτων ὡρ́μησε τοῖσ οἰκείοισ πράγμασι βοηθήσων.

Ὁ γὰρ Ξενοίτασ ὁ στρατηγὸσ ἀποσταλεὶσ αὐτοκράτωρ, καθάπερ ἐπάνω προεῖπα, καὶ μείζονοσ ἐξουσίασ ἢ κατὰ τὴν προσδοκίαν τυχών, ὑπεροπτικώτερον μὲν ἐχρῆτο τοῖσ αὑτοῦ φίλοισ, θρασύτερον δὲ ταῖσ πρὸσ τοὺσ ἐχθροὺσ ἐπιβολαῖσ.

οὐ μὴν ἀλλὰ καταζεύξασ εἰσ τὴν Σελεύκειαν, καὶ μεταπεμψάμενοσ Διογένην τὸν τῆσ Σουσιανῆσ ἔπαρχον καὶ Πυθιάδην τὸν τῆσ Ἐρυθρᾶσ θαλάττησ, ἐξῆγε τὰσ δυνάμεισ, καὶ λαβὼν πρόβλημα τὸν Τίγριν ποταμὸν ἀντεστρατοπέδευσε τοῖσ πολεμίοισ.

πλειόνων δὲ διακολυμβώντων πρὸσ αὐτὸν ἀπὸ τῆσ τοῦ Μόλωνοσ στρατοπεδείασ, καὶ δηλούντων ὡσ ἐὰν διαβῇ τὸν ποταμόν, ἅπαν ἀπονεύσει πρὸσ αὐτὸν τὸ τοῦ Μόλωνοσ στρατόπεδον ‐ τῷ μὲν γὰρ Μόλωνι φθονεῖν, τῷ δὲ βασιλεῖ τὸ πλῆθοσ εὔνουν ὑπάρχειν διαφερόντωσ ‐ ἐπαρθεὶσ τούτοισ ὁ Ξενοίτασ ἐπεβάλετο διαβαίνειν τὸν Τίγριν.

τὰ δὲ πλοῖα συνήθροιζε καὶ κατήρτιζε καὶ πολλὴν ἐπιμέλειαν ἐποιεῖτο περὶ τούτων.

일치하는 문장이 없습니다.

SEARCH

MENU NAVIGATION