Polybius, Histories, book 5, chapter 110

(폴리비오스, Histories, book 5, chapter 110)

Ἀπολλωνίασ. ἤδη δὲ συνεγγίζοντοσ αὐτοῦ τοῖσ περὶ τὸν Αᾦον ποταμὸν τόποισ, ὃσ ῥεῖ παρὰ τὴν τῶν Ἀπολλωνιατῶν πόλιν, ἐμπίπτει πανικὸν παραπλήσιον τοῖσ γινομένοισ ἐπὶ τῶν πεζικῶν στρατοπέδων. τούτουσ δ’ ἀπαγγέλλειν, ὅτι καταλείποιεν ἐν Ῥηγίῳ πεντήρεισ Ῥωμαϊκὰσ πλεούσασ ἐπ’ Ἀπολλωνίασ καὶ πρὸσ Σκερδιλαί̈δαν.

ὁ δὲ Φίλιπποσ, ὑπολαβὼν ὅσον οὔπω τὸν στόλον ἐπ’ αὐτὸν παρεῖναι, περίφοβοσ γενόμενοσ καὶ ταχέωσ ἀνασπάσασ τὰσ ἀγκύρασ αὖτισ εἰσ τοὐπίσω παρήγγειλε πλεῖν.

οὐδενὶ δὲ κόσμῳ ποιησάμενοσ τὴν ἀναζυγὴν καὶ τὸν ἀνάπλουν δευτεραῖοσ εἰσ Κεφαλληνίαν κατῆρε, συνεχῶσ ἡμέραν καὶ νύκτα τὸν πλοῦν ποιούμενοσ.

βραχὺ δέ τι θαρρήσασ ἐνταῦθα κατέμεινε, ποιῶν ἔμφασιν ὡσ ἐπί τινασ τῶν ἐν Πελοποννήσῳ πράξεων ἐπεστροφώσ.

συνέβη δὲ ψευδῶσ γενέσθαι τὸν ὅλον φόβον περὶ αὐτόν.

οἱ δὲ Ῥωμαῖοι δεκαναί̈αν ἀπὸ τοῦ περὶ τὸ Λιλύβαιον ἐξαπέστειλαν στόλου, ταύτην τὴν περὶ τὸ Ῥήγιον ὀφθεῖσαν·

ἣν Φίλιπποσ εἰ μὴ πτοηθεὶσ ἀλόγωσ ἔφυγε, τῶν περὶ τὴν Ἰλλυρίδα πράξεων μάλιστ’ ἂν τότε καθίκετο διὰ τὸ τοὺσ Ῥωμαίουσ πάσαισ ταῖσ ἐπινοίαισ καὶ παρασκευαῖσ περὶ τὸν Ἀννίβαν καὶ τὴν περὶ Κάνναν μάχην γίνεσθαι, τῶν τε πλοίων ἐκ τοῦ κατὰ λόγον ἐγκρατὴσ ἂν ἐγεγόνει.

νῦν δὲ διαταραχθεὶσ ὑπὸ τῆσ προσαγγελίασ ἀβλαβῆ μέν, οὐκ εὐσχήμονα δ’ ἐποιήσατο τὴν ἀναχώρησιν εἰσ Μακεδονίαν.

일치하는 문장이 없습니다.

SEARCH

MENU NAVIGATION