Polybius, Histories, book 5, chapter 47

(폴리비오스, Histories, book 5, chapter 47)

τὸ δὲ λοιπὸν ἕλεσιν ἠσφαλίσθαι καὶ τέλμασιν. ὁ δὲ Μόλων συνεὶσ τὸ γεγονὸσ ἐξαπέστειλε τοὺσ ἱππεῖσ, ὡσ κωλύσων τοὺσ ἐπιδιαβαίνοντασ ῥᾳδίωσ καὶ συντρίψων τοὺσ ἤδη διαβεβηκότασ· οἳ καὶ συνεγγίσαντεσ τοῖσ περὶ τὸν Ξενοίταν διὰ τὴν ἄγνοιαν τῶν τόπων οὐ προσεδέοντο τῶν πολεμίων, αὐτοὶ δ’ ὑφ’ αὑτῶν βαπτιζόμενοι καὶ καταδύνοντεσ ἐν τοῖσ τέλμασιν ἄχρηστοι μὲν ἦσαν ἅπαντεσ, πολλοὶ δὲ καὶ διεφθάρησαν αὐτῶν.

ὁ δὲ Ξενοίτασ, πεπεισμένοσ, ἐὰν πλησιάσῃ, μεταβαλεῖσθαι τὰσ τοῦ Μόλωνοσ πρὸσ αὐτὸν δυνάμεισ, προελθὼν παρὰ τὸν ποταμὸν καὶ συνεγγίσασ παρεστρατοπέδευσε τοῖσ ὑπεναντίοισ.

κατὰ δὲ τὸν καιρὸν τοῦτον ὁ Μόλων, εἴτε καὶ στρατηγήματοσ χάριν εἴτε καὶ διαπιστήσασ ταῖσ δυνάμεσι, μή τι συμβῇ τῶν ὑπὸ τοῦ Ξενοίτου προσδοκωμένων, ἀπολιπὼν ἐν τῷ χάρακι τὴν ἀποσκευὴν ἀνέζευξε νυκτόσ, καὶ προῆγε σύντονον ποιούμενοσ τὴν πορείαν ὡσ ἐπὶ Μηδίασ.

ὁ δὲ Ξενοίτασ, ὑπολαβὼν πεφευγέναι τὸν Μόλωνα καταπεπληγμένον τὴν ἔφοδον αὐτοῦ καὶ διαπιστοῦντα ταῖσ ἰδίαισ αὑτοῦ δυνάμεσι, τὸ μὲν πρῶτον ἐπιστρατοπεδεύσασ κατελάβετο τὴν τῶν πολεμίων παρεμβολήν, καὶ διεπεραίου πρὸσ αὑτὸν τοὺσ ἰδίουσ ἱππεῖσ καὶ τὰσ τούτων ἀποσκευὰσ ἐκ τῆσ Ζεύξιδοσ παρεμβολῆσ·

μετὰ δὲ ταῦτα συναθροίσασ παρεκάλει τοὺσ πολλοὺσ θαρρεῖν καὶ καλὰσ ἐλπίδασ ἔχειν ὑπὲρ τῶν ὅλων, ὡσ πεφευγότοσ τοῦ Μόλωνοσ.

일치하는 문장이 없습니다.

SEARCH

MENU NAVIGATION