Polybius, Histories, book 5, chapter 26

(폴리비오스, Histories, book 5, chapter 26)

Μετὰ δὲ τὴν ταραχὴν ταύτην αἱ μὲν ἐν τῇ Φωκίδι προφανεῖσαι πράξεισ ἐμποδισμούσ τινασ ἔσχον· ἀπεγνωκότεσ τὰσ ἐν αὑτοῖσ ἐλπίδασ διὰ τὸ μηδὲν σφίσι προχωρεῖν τῶν ἐπινοουμένων, κατέφευγον ἐπὶ τὸν Ἀπελλῆν καὶ διαπεμπόμενοι συνεχῶσ ἐκάλουν αὐτὸν ἐκ τῆσ Χαλκίδοσ, ἀπολογιζόμενοι τὴν περὶ σφᾶσ ἀπορίαν καὶ δυσχρηστίαν ἐκ τῆσ πρὸσ τὸν βασιλέα διαφορᾶσ.

συνέβαινε δὲ τὸν Ἀπελλῆν πεποιῆσθαι τὴν ἐν τῇ Χαλκίδι διατριβὴν ἐξουσιαστικώτερον τοῦ καθήκοντοσ αὐτῷ·

τὸν μὲν γὰρ βασιλέα, νέον ἔτι καὶ τὸ πλεῖον ὑφ’ αὑτὸν ὄντα καὶ μηδενὸσ κύριον ἀπεδείκνυε, τὸν δὲ τῶν πραγμάτων χειρισμὸν καὶ τὴν τῶν ὅλων ἐξουσίαν εἰσ αὑτὸν ἐπανῆγε.

διόπερ οἵ τ’ ἀπὸ Μακεδονίασ καὶ Θετταλίασ ἐπιστάται καὶ χειρισταὶ τὴν ἀναφορὰν ἐποιοῦντο πρὸσ ἐκεῖνον, αἵ τε κατὰ τὴν Ἑλλάδα πόλεισ ἐν τοῖσ ψηφίσμασι καὶ τιμαῖσ καὶ δωρεαῖσ ἐπὶ βραχὺ μὲν ἐμνημόνευον τοῦ βασιλέωσ, τὸ δ’ ὅλον αὐτοῖσ ἦν καὶ τὸ πᾶν Ἀπελλῆσ.

ἐφ’ οἷσ Φίλιπποσ πυνθανόμενοσ πάλαι μὲν ἐσχετλίαζε καὶ δυσχερῶσ ἔφερε τὸ γινόμενον, ἅτε καὶ παρὰ πλευρὰν ὄντοσ Ἀράτου καὶ πραγματικῶσ ἐξεργαζομένου τὴν ὑπόθεσιν·

ἀλλ’ ἐκαρτέρει καὶ πᾶσιν ἄδηλοσ ἦν ἐπὶ τί φέρεται καὶ ἐπὶ ποίασ ὑπάρχει γνώμησ. ὁ δ’ Ἀπελλῆσ, ἀγνοῶν τὰ καθ’ αὑτόν, πεπεισμένοσ δ’, ἐὰν εἰσ ὄψιν ἔλθῃ τῷ Φιλίππῳ, πάντα κατὰ τὴν ἑαυτοῦ γνώμην διοικήσειν, ὡρ́μησε τοῖσ περὶ τὸν Λεόντιον ἐπικουρήσων ἐκ τῆσ Χαλκίδοσ.

παραγενομένου δ’ εἰσ τὴν Κόρινθον αὐτοῦ, μεγάλην σπουδὴν ἐποιοῦντο καὶ παρώξυνον τοὺσ νέουσ εἰσ τὴν ἀπάντησιν οἱ περὶ τὸν Λεόντιον καὶ Πτολεμαῖον καὶ Μεγαλέαν, ὄντεσ ἡγεμόνεσ τῶν τε πελταστῶν καὶ τῶν ἄλλων τῶν ἐπιφανεστάτων συστημάτων.

γενομένησ δὲ τῆσ εἰσόδου τραγικῆσ διὰ τὸ πλῆθοσ τῶν ἀπαντησάντων ἡγεμόνων καὶ στρατιωτῶν, ἧκε πρὸσ τὴν αὐλὴν ὁ προειρημένοσ εὐθέωσ ἐκ πορείασ.

βουλομένου δ’ αὐτοῦ κατὰ τὴν προγεγενημένην συνήθειαν εἰσιέναι, παρακατέσχε τισ τῶν ῥαβδούχων κατὰ τὸ συντεταγμένον, φήσασ οὐκ εὐκαίρωσ ἔχειν τὸν βασιλέα.

ξενισθεὶσ δὲ καὶ διαπορήσασ ἐπὶ πολὺν χρόνον διὰ τὸ παράδοξον ὁ μὲν Ἀπελλῆσ ἐπανῆγε διατετραμμένοσ, οἱ δὲ λοιποὶ παραχρῆμα πάντεσ ἀπέρρεον ἀπ’ αὐτοῦ προφανῶσ, ὥστε τὸ τελευταῖον μόνον μετὰ τῶν ἰδίων παίδων εἰσελθεῖν εἰσ τὴν αὑτοῦ κατάλυσιν.

βραχεῖσ γὰρ δὴ πάνυ καιροὶ πάντασ μὲν ἀνθρώπουσ ὡσ ἐπίπαν ὑψοῦσι καὶ πάλιν ταπεινοῦσι, μάλιστα δὲ τοὺσ ἐν ταῖσ βασιλείαισ.

ὄντωσ γάρ εἰσιν οὗτοι παραπλήσιοι ταῖσ ἐπὶ τῶν ἀβακίων ψήφοισ·

ἐκεῖναί τε γὰρ κατὰ τὴν τοῦ ψηφίζοντοσ βούλησιν ἄρτι χαλκοῦν καὶ παραυτίκα τάλαντον ἰσχύουσιν, οἵ τε περὶ τὰσ αὐλὰσ κατὰ τὸ τοῦ βασιλέωσ νεῦμα μακάριοι καὶ παρὰ πόδασ ἐλεεινοὶ γίνονται. ὁ δὲ Μεγαλέασ, ὁρῶν παρὰ δόξαν ἐκβαίνουσαν αὑτοῖσ τὴν ἐπικουρίαν τὴν κατὰ τὸν Ἀπελλῆν, φόβου πλήρησ ἦν καὶ περὶ δρασμὸν ἐγένετο.

ὁ δ’ Ἀπελλῆσ ἐπὶ μὲν τὰσ συνουσίασ καὶ τοιαῦτα τῶν τιμῶν παρελαμβάνετο, τῶν δὲ διαβουλίων καὶ τῆσ μεθ’ ἡμέραν συμπεριφορᾶσ οὐ μετεῖχε.

ταῖσ δ’ ἑξῆσ ἡμέραισ ὁ βασιλεὺσ ἐπὶ τὰσ κατὰ τὴν Φωκίδα πράξεισ πάλιν ἐκ τοῦ Λεχαίου ποιούμενοσ τὸν πλοῦν ἐπεσπάσατο τὸν Ἀπελλῆν.

일치하는 문장이 없습니다.

SEARCH

MENU NAVIGATION