헬라어 텍스트

Polybius, Histories, book 5, chapter 43

(폴리비오스, Histories, book 5, chapter 43)

ρίαν. ὄντοσ δ’ αὐτοῦ κατὰ τοὺσ καιροὺσ τούτουσ περὶ Σελεύκειαν τὴν ἐπὶ τοῦ Ζεύγματοσ, παρῆν Διόγνητοσ ὁ ναύαρχοσ ἐκ Καππαδοκίασ τῆσ περὶ τὸν Εὔξεινον, ἄγων Λαοδίκην τὴν Μιθριδάτου τοῦ βασιλέωσ θυγατέρα, παρθένον οὖσαν, γυναῖκα τῷ βασιλεῖ κατωνομασμένην. ὁ δὲ Μιθριδάτησ εὔχετο μὲν ἀπόγονοσ εἶναι τῶν ἑπτὰ Περσῶν ἑνὸσ τῶν ἐπανελομένων τὸν μάγον, διατετηρήκει δὲ τὴν δυναστείαν ἀπὸ προγόνων τὴν ἐξ ἀρχῆσ αὐτοῖσ διαδοθεῖσαν ὑπὸ Δαρείου παρὰ τὸν Εὔξεινον πόντον.

Ἀντίοχοσ δὲ προσδεξάμενοσ τὴν παρθένον μετὰ τῆσ ἁρμοζούσησ ἀπαντήσεωσ καὶ προστασίασ εὐθέωσ ἐπετέλει τοὺσ γάμουσ, μεγαλοπρεπῶσ καὶ βασιλικῶσ χρώμενοσ ταῖσ παρασκευαῖσ.

μετὰ δὲ τὴν συντέλειαν τῶν γάμων καταβὰσ εἰσ Ἀντιόχειαν, βασίλισσαν ἀποδείξασ τὴν Λαοδίκην, λοιπὸν ἐγίνετο περὶ τὴν τοῦ πολέμου παρασκευήν.

ἕτοιμον δὲ συναγωνιστὴν ἔχων τὸν ἀδελφὸν Ἀλέξανδρον, ἠσφαλισμένοσ δὲ καὶ τὰ κατὰ τὰσ παρακειμένασ σατραπείασ διὰ τῆσ τῶν προεστώτων εὐνοίασ καὶ δωροδοκίασ, ἐξεστράτευσε μετὰ μεγάλησ δυνάμεωσ ἐπὶ τοὺσ τοῦ βασιλέωσ στρατηγούσ.

οἱ δὲ περὶ τὸν Ξένωνα καὶ Θεόδοτον καταπλαγέντεσ τὴν ἔφοδον ἀνεχώρησαν εἰσ τὰσ πόλεισ.

ὁ δὲ Μόλων κύριοσ γενόμενοσ τῆσ Ἀπολλωνιάτιδοσ χώρασ εὐπορεῖτο ταῖσ χορηγίαισ ὑπερβαλλόντωσ.