헬라어 텍스트

Polybius, Histories, book 5, chapter 56

(폴리비오스, Histories, book 5, chapter 56)

Τούτων δὲ κυρωθέντων Ἀπολλοφάνησ ὁ ἰατρόσ, ἀγαπώμενοσ ὑπὸ τοῦ βασιλέωσ διαφερόντωσ, θεωρῶν τὸν Ἑρμείαν οὐκέτι φέροντα κατὰ σχῆμα τὴν ἐξουσίαν, ἠγωνία μὲν καὶ περὶ τοῦ βασιλέωσ, τὸ δὲ πλεῖον ὑπώπτευε καὶ κατάφοβοσ ἦν ὑπὲρ τῶν καθ’ αὑτόν. διὸ λαβὼν καιρὸν προσφέρει τῷ βασιλεῖ λόγον, παρακαλῶν μὴ ῥᾳθυμεῖν μηδ’ ἀνυπονόητον εἶναι τῆσ Ἑρμείου τόλμησ, μηδ’ ἑώσ τούτου περιμεῖναι μέχρισ ἂν οὗ τοῖσ ὁμοίοισ τἀδελφῷ παλαίῃ συμπτώμασιν.

ἀπέχειν δ’ οὐ μακρὰν αὐτὸν ἔφη τοῦ κινδύνου·

διὸ προσέχειν ἠξίου καὶ βοηθεῖν κατὰ σπουδὴν αὑτῷ τε καὶ τοῖσ φίλοισ. ὁ δ’ Ἀντίοχοσ ἠξίου τὸν Ἀπολλοφάνην συνεπιλαβέσθαι μὴ μόνον τοῖσ λόγοισ, ἀλλὰ καὶ τοῖσ ἔργοισ τῆσ αὑτοῦ τε καὶ τῶν φίλων σωτηρίασ.

πρὸσ δὲ τοὺσ φίλουσ ἔλαβον ἐξουσίαν οἷσ βούλοιντο κατ’ ἰδίαν χρηματίζειν διὰ τὴν τῆσ ἐπισκέψεωσ πρόφασιν.

ἐν ᾧ καιρῷ κατασκευασάμενοι τοὺσ ἐπιτηδείουσ πρὸσ τὴν πρᾶξιν, πάντων ἑτοίμωσ αὐτοῖσ συνυπακουόντων διὰ τὸ πρὸσ τὸν Ἑρμείαν μῖσοσ, ἐγίνοντο πρὸσ τὸ συντελεῖν τὴν ἐπιβολήν.

οἱ δὲ λοιποὶ καθυστέρουν διὰ τὸ πολὺ παρηλλάχθαι τὴν ἔξοδον τοῦ βασιλέωσ πρὸσ τὸν εἰθισμένον καιρόν.

διόπερ ἀποσπάσαντεσ αὐτὸν ἀπὸ τῆσ στρατοπεδείασ εἴσ τινα τόπον ἔρημον, κἄπειτα μικρὸν ἀπονεύσαντοσ τοῦ βασιλέωσ ὡσ ἐπί τι τῶν ἀναγκαίων, ἐξεκέντησαν.

Ἑρμείασ μὲν οὖν τούτῳ τῷ τρόπῳ μετήλλαξε τὸν βίον, οὐδεμίαν ὑποσχὼν τιμωρίαν ἀξίαν τῶν αὑτῷ πεπραγμένων·

ὁ δὲ βασιλεὺσ ἀπολυθεὶσ φόβου καὶ δυσχρηστίασ πολλῆσ ἐπανῆγε ποιούμενοσ τὴν πορείαν ὡσ ἐπ’ οἴκου, πάντων τῶν κατὰ τὴν χώραν ἀποδεχομένων τάσ τε πράξεισ αὐτοῦ καὶ τὰσ ἐπιβολάσ, καὶ μάλιστα κατὰ τὴν δίοδον ἐπισημαινομένων τὴν Ἑρμείου μετάστασιν.

ἐν ᾧ καιρῷ καὶ κατὰ τὴν Ἀπάμειαν αἱ μὲν γυναῖκεσ τὴν γυναῖκα τὴν Ἑρμείου κατέλευσαν, οἱ δὲ παῖδεσ τοὺσ υἱεῖσ.