Ancient Greek Text

Polybius, Histories, book 5, chapter 37

(폴리비오스, Histories, book 5, chapter 37)

ἐχρήσατο συνεργήματι τοιούτῳ τινί. Νικαγόρασ τισ ἦν Μεσσήνιοσ· οὗτοσ ὑπῆρχε πατρικὸσ ξένοσ Ἀρχιδάμου τοῦ Λακεδαιμονίων βασιλέωσ. τὸν μὲν οὖν πρὸ τοῦ χρόνον βραχεῖά τισ ἦν τοῖσ προειρημένοισ ἐπιπλοκὴ πρὸσ ἀλλήλουσ·

καθ’ ὃν δὲ καιρὸν Ἀρχίδαμοσ ἐκ τῆσ Σπάρτησ ἔφυγε δείσασ τὸν Κλεομένην, καὶ παρεγένετ’ εἰσ Μεσσηνίαν, οὐ μόνον οἰκίᾳ καὶ τοῖσ ἄλλοισ ἀναγκαίοισ ὁ Νικαγόρασ αὐτὸν ἐδέξατο προθύμωσ, ἀλλὰ καὶ κατὰ τὴν ἑξῆσ συμπεριφορὰν ἐγένετό τισ αὐτοῖσ ὁλοσχερὴσ εὔνοια καὶ συνήθεια πρὸσ ἀλλήλουσ. διὸ καὶ μετὰ ταῦτα, τοῦ Κλεομένουσ ὑποδείξαντοσ ἐλπίδα καθόδου καὶ διαλύσεωσ πρὸσ τὸν Ἀρχίδαμον, ἔδωκεν αὑτὸν ὁ Νικαγόρασ εἰσ τὰσ διαποστολὰσ καὶ τὰσ ὑπὲρ τῶν πίστεων συνθήκασ.

ὁ δὲ Κλεομένησ ἀπαντήσασ τὸν μὲν Ἀρχίδαμον ἐπανείλετο, τοῦ δὲ Νικαγόρου καὶ τῶν ἄλλων τῶν συνόντων ἐφείσατο.

πρὸσ μὲν οὖν τοὺσ ἐκτὸσ ὁ Νικαγόρασ ὑπεκρίνετο χάριν ὀφείλειν τῷ Κλεομένει διὰ τὴν αὑτοῦ σωτηρίαν, ἐν αὑτῷ γε μὴν βαρέωσ ἔφερε τὸ συμβεβηκόσ, δοκῶν αἴτιοσ γεγονέναι τῷ βασιλεῖ τῆσ ἀπωλείασ.

οὗτοσ ὁ Νικαγόρασ ἵππουσ ἄγων κατέπλευσε βραχεῖ χρόνῳ πρότερον εἰσ τὴν Ἀλεξάνδρειαν.

ἀποβαίνων δ’ ἐκ τῆσ νεὼσ καταλαμβάνει τόν τε Κλεομένην καὶ τὸν Παντέα καὶ μετ’ αὐτῶν Ἱππίταν ἐν τῷ λιμένι παρὰ τὴν κρηπῖδα περιπατοῦντασ.

ἰδὼν δ’ ὁ Κλεομένησ αὐτὸν καὶ συμμίξασ, ἠσπάζετο φιλοφρόνωσ, καὶ προσεπύθετο τί παρείη.

τοῦ δ’ εἰπόντοσ ὅτι παραγέγονεν ἵππουσ ἄγων "ἐβουλόμην ἄν σε" ἔφη "καὶ λίαν ἀντὶ τῶν ἵππων κιναίδουσ ἄγειν καὶ σαμβύκασ·

τούτων γὰρ ὁ νῦν βασιλεὺσ κατεπείγεται.