헬라어 텍스트

Polybius, Histories, book 5, chapter 1

(폴리비오스, Histories, book 5, chapter 1)

Τὸ μὲν οὖν κατὰ τὴν Ἀράτου τοῦ νεωτέρου στρατηγίαν ἔτοσ ἐτύγχανε διεληλυθὸσ περὶ τὴν τῆσ Πλειάδοσ ἐπιτολήν· οὕτωσ γὰρ ἦγε τοὺσ χρόνουσ τότε τὸ τῶν Ἀχαιῶν ἔθνοσ. διόπερ οὗτοσ μὲν ἀπετίθετο τὴν ἀρχήν, Ἐπήρατοσ δὲ παρελάμβανε τὴν τῶν Ἀχαιῶν ἡγεμονίαν·

Αἰτωλῶν δὲ Δωρίμαχοσ ἐστρατήγει. κατὰ δὲ τοὺσ αὐτοὺσ καιροὺσ ἀρχομένησ τῆσ θερείασ Ἀννίβασ μὲν ἐκφανῶσ ἤδη τὸν πρὸσ Ῥωμαίουσ πόλεμον ἀνειληφώσ, ὁρμήσασ ἐκ Καινῆσ πόλεωσ καὶ διαβὰσ τὸν Ἴβηρα ποταμὸν ἐνήρχετο τῆσ ἐπιβολῆσ καὶ πορείασ τῆσ εἰσ Ἰταλίαν·

Ῥωμαῖοι δὲ Τεβέριον μὲν Σεμπρώνιον εἰσ Λιβύην μετὰ δυνάμεωσ, Πόπλιον δὲ Κορνήλιον εἰσ Ἰβηρίαν ἐξαπέστελλον·

Ἀντίοχοσ δὲ καὶ Πτολεμαῖοσ, ἀπεγνωκότεσ τὰσ πρεσβείασ καὶ τὸ λόγῳ διεξάγειν τὴν ὑπὲρ Κοίλησ Συρίασ ἀμφισβήτησιν, ἐνήρχοντο πολεμεῖν ἀλλήλοισ.

ὁ δὲ βασιλεὺσ Φίλιπποσ, ἐνδεὴσ ὢν σίτου καὶ χρημάτων εἰσ τὰσ δυνάμεισ, συνῆγε τοὺσ Ἀχαιοὺσ διὰ τῶν ἀρχόντων εἰσ ἐκκλησίαν.

συλλογισάμενοσ ἐκ τῶν προειρημένων τὴν ἄγνοιαν τῶν περὶ τὸν Ἀπελλῆν καὶ Λεόντιον, ἔκρινεν αὖθισ ἀντέχεσθαι τῶν περὶ τὸν Ἄρατον.

πείσασ οὖν τοὺσ ἄρχοντασ μεταγαγεῖν τὴν ἐκκλησίαν εἰσ Σικυῶνα, λαβὼν τόν τε πρεσβύτερον καὶ τὸν νεώτερον Ἄρατον εἰσ τὰσ χεῖρασ, καὶ πάντων τῶν γεγονότων ἀναθεὶσ τὴν αἰτίαν ἐπὶ τὸν Ἀπελλῆν, παρεκάλει μένειν αὐτοὺσ ἐπὶ τῆσ ἐξ ἀρχῆσ αἱρέσεωσ.

τῶν δὲ συγκαταθεμένων ἑτοίμωσ, εἰσελθὼν εἰσ τοὺσ Ἀχαιοὺσ καὶ χρησάμενοσ συνεργοῖσ τοῖσ προειρημένοισ, πάντα κατέπραξε τὰ πρὸσ τὴν ἐπιβολήν.

πεντήκοντα μὲν γὰρ ἔδοξε τάλαντα τοῖσ Ἀχαιοῖσ εἰσ τὴν πρώτην ἀναζυγὴν αὐτῷ δοῦσι παραχρῆμα τριμήνου μισθοδοτῆσαι τὴν δύναμιν καὶ σίτου προσθεῖναι μυριάδασ·

τὸ δὲ λοιπόν, ἑώσ ἂν παρὼν ἐν Πελοποννήσῳ συμπολεμῇ, τάλαντα λαμβάνειν ἑκάστου μηνὸσ παρὰ τῶν Ἀχαιῶν ἑπτακαίδεκα.