Polybius, Histories, book 5, chapter 61

(폴리비오스, Histories, book 5, chapter 61)

λείασ πρὸσ τὸν Ἀντίοχον. ὁ δὲ βασιλεὺσ δεξάμενοσ τὴν ἔντευξιν συνεχώρησε δώσειν τοῖσ ἐλευθέροισ τὴν ἀσφάλειαν· οὗτοι δ’ ἦσαν εἰσ ἑξακισχιλίουσ. παραλαβὼν δὲ τὴν πόλιν οὐ μόνον ἐφείσατο τῶν ἐλευθέρων, ἀλλὰ καὶ τοὺσ πεφευγότασ τῶν Σελευκέων καταγαγὼν τήν τε πολιτείαν αὐτοῖσ ἀπέδωκε καὶ τὰσ οὐσίασ·

ἠσφαλίσατο δὲ φυλακαῖσ τόν τε λιμένα καὶ τὴν ἄκραν. προσπεσόντων παρὰ Θεοδότου γραμμάτων, ἐν οἷσ αὐτὸν ἐκάλει κατὰ σπουδὴν ἐγχειρίζων τὰ κατὰ Κοίλην Συρίαν, πολλῆσ ἀπορίασ ἦν καὶ δυσχρηστίασ πλήρησ ὑπὲρ τοῦ τί πρακτέον καὶ πῶσ χρηστέον ἐστὶ τοῖσ προσαγγελλομένοισ.

τότε κατεγνωκὼσ τοῦ βασιλέωσ καὶ διηπιστηκὼσ τοῖσ περὶ τὴν αὐλήν, καταλαβόμενοσ διὰ μὲν αὑτοῦ Πτολεμαί̈δα, διὰ δὲ Παναιτώλου Τύρον, ἐκάλει τὸν Ἀντίοχον μετὰ σπουδῆσ.

ὁ δὲ βασιλεὺσ καὶ τὰσ ἐπὶ τὸν Ἀχαιὸν ἐπιβολὰσ ὑπερθέμενοσ καὶ τἄλλα πάντα πάρεργα ποιησάμενοσ ἀνέζευξε μετὰ τῆσ δυνάμεωσ, ποιούμενοσ τὴν πορείαν ᾗ καὶ πρόσθεν.

διελθὼν δὲ τὸν ἐπικαλούμενον αὐλῶνα Μαρσύαν, κατεστρατοπέδευσε περὶ τὰ στενὰ τὰ κατὰ Γέρρα πρὸσ τῇ μεταξὺ κειμένῃ λίμνῃ.

πυνθανόμενοσ δὲ Νικόλαον τὸν παρὰ Πτολεμαίου στρατηγὸν προσκαθῆσθαι τῇ Πτολεμαί̈δι πολιορκοῦντα τὸν Θεόδοτον, τὰ μὲν βαρέα τῶν ὅπλων ἀπέλειπε, προστάξασ τοῖσ ἡγουμένοισ πολιορκεῖν τοὺσ Βρόχουσ, τὸ κείμενον ἐπὶ τῆσ λίμνησ καὶ τῆσ παρόδου χωρίον, αὐτὸσ δὲ τοὺσ εὐζώνουσ ἀναλαβὼν προῆγε, βουλόμενοσ λῦσαι τὴν πολιορκίαν.

ὁ δὲ Νικόλαοσ πρότερον ἤδη πεπυσμένοσ τὴν τοῦ βασιλέωσ παρουσίαν, αὐτὸσ μὲν ἀνεχώρησε, τοὺσ δὲ περὶ Λαγόραν τὸν Κρῆτα καὶ Δορυμένην τὸν Αἰτωλὸν ἐξαπέστειλε προκαταληψομένουσ τὰ στενὰ τὰ περὶ Βηρυτόν·

일치하는 문장이 없습니다.

SEARCH

MENU NAVIGATION